lucky 1
04-10-2022 - 09:32 pm
بسم الله الرحمن الرحيم
اسعد الله اوقاتكم بكل خير
الحمد لله على السلامه ياقاي من السفر
رجعت وياليتني مارجعت امطار وغيوم على بانكوك اخر ثلاثة ايام .
بصراحة البلد مره ممتع وكانت المغامرات فيها اكثر بكثير من ماليزيا مع تفوق ماليزيا بشكل عام بالنظافة في
كل مكان ، جلست في بانكوك (3) ايام في البداية و (3) ايام في النهاية و من وجهة نظري بانكوك لا
تستحق اكثر من ثلاثة ايام ولا يزعل علي احد بالكثير (4) ايام المكان مره زحمه :112: الشوارع
ولو ان القطار ماكان موجود ماطلعت ابداً من الفندق بالنسبة للتمشية فيه السفاري وفيه دريم ورلاد وفيه
السوق العائم والباقي مجمعات واسواق المدام مبسوطة على الاخر
وانا ماصلحت لي بصراحة احسن شي كان موجود في بانكوك السينما
الصالات انواع واشكال كانت عجيبة للغاية
فوكيت كانت روعه بصراحة جلست فيها (8) ايام ومن وجهة نظري المتواضعة ايضاً تستحق اكثر
بالنسبة للرحلات كانت اكثر من رائعة مع اني اخطأت بعدم السؤال عن الاسعار وعن افضل مكتب وانا ماكان
معي وقت ابحث في المنتدى علشان كذا اخذت كل الرحلات في فوكيت والمواصلات من المطار للفندق
والعكس عن طريق شركة في مطار بانكوك وبصراحة اكتشفت انهم غالين ونصابين كثير حجزو لي في ارخص
الرحلات ماتكلفو ابداً لاني لقيت الرحلات تختلف فيه مراكب صغيرة تاخذ عدد بسيط وفيه مراكب كبيرة تاخذ
ناس كثير يعني فيه شي VIP بس قدر الله وماشاء فعل اهم شي انبسطنا كثير الحمد لله بس مابي احد
يغلط مثل غلطتي وكان يختارون الخليجيين خصوصاً اسم الشركة (.GRET BANGKOK TRAVEL CO.LTD)
هم بصراحة ريحوني من الدوران على المكاتب والسؤال
:112:بس ولو غاليين وخدعوني في تذاكر الفانتسي احنا ثلاثة ماعطونا الا تذكرتني بس :112:
تذكرت شي بالنسبة انفلونزا الخنازير .....
بصراحة ماشفت ولا شي يخص المرض هناك اطلاقاً اللهم اوراق عبيتها قبل اوصل لمطار كوالا ومطار بانكوك
بالعربي سمعت عن المرض في الرياض اكثر من هناك الدنيا امان غسول ومناديل ديتول مافارقتنا ابداً
بالنسبة للاوضاع الداخلية المشاكل السياسية صار لي موقف بصراحة ضحكت عليه كنت بطلع للقطار وتاخر
شوي مو مثل العادة وكان جنبي واحد اماراتي الله يذكره بالخير يقول التاخير بسبب ان الحمر مهددين انهم
بخربون الكهرباء ( الحمر ) مادري وشهم بس يبدو انهم جماعة معينه .
بشكل عام البلد امان وطيب كثير ماتوقعت انهم اطيب من ماليزيا بصراحة كلهم ابتسامة وخدمة شي
عجيب بصراحة افكر ارجع لها قريب للغاية بترتيب افضل .
اي استفسار صغير حاضرين مو كبير الكبير للمسافرين المخضرمين .
انا بصراحة ماسويت تقرير بحياتي بس بحاول قدر المستطاع قريب
ناخذ منها درس لسفره مقبله اخرى ....
والله شوقتني بالمطر ... الله يرزقك بسفره ثانيه احلى واحلى
ان شاء الله ...