1. طبعا الفندق مناسب للي يدورون الراحة أو الغوص

بسم الله الرحمن الرحيم
السلام عليكم ورحمة الله وبركاته
هذا تقرير لرحلتي لدولة ماليزيا من الفترة 4/11/2006 الى 29/11/ 2006
طبعا سبب الرحلة : كانت مهمة عمل لمدة 5 أيام ثم التمديد للإجازة السنوية
يا حظي التذاكر طلعت ببلاش
طبعا الرحلة كانت
الدمام-البحرين-الدوحة-كولالمبور استغرقت حوالي 7ساعات
ومن ثم رحلة داخلية الى كوانتان ( ولاية ترنجانو) استغرقت حوالي ساعتين
طبعا فترة العمل كانت: الفندق – العمل – الفندق ( مافي وقت حق تمشية)
سكنا في فندق Awana KJ
وهو فندق 5 نجوم ( لكن عيبه ما في شئ حولك) اقرب مجمع تجاري يبعد نصف ساعة بالتاكسي

طبعا الفندق مناسب للي يدورون الراحة أو الغوص

وهذي صور للمطار كوانتان (اعذروني في التصوير لأنها ما هي واضحة )وهذي صور لملاعب القولف التابعة للفندقوهذي صور للشاطئ ( بصراحة من اجمل الشواطئ الماليزية )
صور للمسبح

طبعا الصور غير واضحة لعدم تعديل دقة التصوير وما انتبهت لها الا متأخر ( في لنكاوي)
طبعا مهمة العمل انتهت في كوانتان
كانت من الفترة 4/11/2006 الى 9/11/2006
ومن ثم رحعنا الى كوالامبور
طبعا المطار يبعد الفندق حوالي 3 ساعات بالباص
صور من الباص في طريق العودة الى المطار

طبعا كان معنا مرشد سياحي يتكلم عن ماليزيا 2007
وفي الطريق مررنا على مزرعة للسلاحف
وهذي صور لها

طبعا المرشد يشرح لنا عن السلاحف و الشباب ( صفط ) ايه ايه بس خلصنا
ومسكنا الطريق مرة ثانية
وحس المرشد ان الشباب ما يبون بتمشون يبون المطار باسرع وقت
اخيرا وصلنا المطار

طبعا وصلنا كولالمبور بالليل
وسكان في فندق PAN Pacific القريب من المطار
وهو فندق 5 نجوم ليلة واحدة
استعدادا للرجعة الى السعودية
بالنسبة لي بدأت اجازتي من الحين
أول شئ سويته اول ما وصلت مطار كولالمبور رحت قطعت تذكرة الى لنكاوي
طبعا توجد شركتين خطوط ( الماليزية – اير اسيا)
طبعا انا اختر الماليزية وكان سعر التذكرة 245 رنجت
للمعلومية الرحلة بالخطوط اير اسيا ما تكلف 85 رنجت
( غلطة وان شاء الله ما تتكرر )
طبعا توجد 5 رحلات يوميا الى لناكوي
8 ص – 10ص – 12م – 2م – 4م – 6 م
طبعا اخترت 10 ص لأن كل الرحلات المسائية فل ( قاص التذكرة 10 باليل )
صور من الخروج من الفندق متجه للمطار

الطائرة

طبعا استغرقت الرحلة 1:40 دقيقة
وهذي صور للنكاوي من الطائرة

وصلت الساعة 12 الظهر
اول ما توصل الى المطار توجد مكاتب سياحة على يدك اليمين
يقومون بحجز فنادق – سيارات للإيجار – رحلات سياحية
انا اخترت فندق Asenia
وهو فندق 3 نجوم واهم ما كان يميز الفندق بركة السباحة ( اطول بركة سباحة في قارة اسيا )
كان ايجار الليلة 120 رنجت + وجبة الإفطار
الفترة اللي كنت ساكن فيها كان يتجدد الفندق ( بوية + اثاث)
وصلني التاكسي للفندق بمقابل 16 رنجت
وهذي صورة للفندق من برنامج قوقل ايرث

وايضا قربه من المطاعم ومركز عالم تحت البحار
صور من الفندق

لوحة تبين اسماء الفنادق واتجاهها ( المنطقة الوحيدة في ماليزيا اللي تبين لك اسماء الفنادق بالجزيرة )

صورة لغرفتي

المسبح