1. بس الي شفته غير... وهذا تقرير سريع لرحله وعذروني لسرعة القاه..


2. كانت رحلتي عن طريق دبي يوم25/12/2006وصلت لكاز حوالي الساعه 1 ظهرآ


3. وكان جميل ومزدحم :36_3_1:

السلام عليكم ورحمتة وبركاته . كل عام وانتم بخير:50055:
بما في قلبي من شكر وتقدير لاعضاء المنتدى ومشرفينه الكرام. يملئوها الحب والتقدير والاحترام ,,:x1:
انا من عشاق المنتدى وعشاق البلد الحبيب بكل ما يحمله من كلمة حبيب بطبعه وكرمه وطيبه .
لقد ذهبت لوحدي مع اني كنت بوضع المتشتت الي مايدري وش السالفه.؟ ومتخوف بنفس الوقت.؟ من الي سمعته .

بس الي شفته غير... وهذا تقرير سريع لرحله وعذروني لسرعة القاه..

كانت رحلتي عن طريق دبي يوم25/12/2006وصلت لكاز حوالي الساعه 1 ظهرآ

ذهبت لصرف العمله وشراء كرت شحن ورقم هاتف من المطار وكنت مدري وين اروح احجز لقادير اروح لمراكش انزل بكازا منحاس بالزاف ونفس الوقت مستعجل مدري على ايش؟؟؟؟؟؟ المهم تعوذت من بليس وقلت رح لكازا وريح بفندق ونام وتدري وش السالفه .طبعآ طلعت من المطار وانا قاعد ادور محطة فيوجيورحقت القطار واثاريني طالع من المطار ولله الحمد لا مشاكل اكراميه ولا شي يسالني وقوله خلص الي معك ومكنش مشكل صاحبي ومشت معي وانا الي يلقطني راعي ذاك الطاكس كبير واقوله ودني لفندق عبر المحيط وثلاثميه درهم يالحبيب حق المشوار.
وفعلآ نزلت لكازا بفندق عبر المحيط الاطلسي فندق هادى وامن ومعقول السعر بس مو كلاس وهو اربع نجوم ويقع في الحي خلف قهوة فرنساء الي امام حياة ريجنسي والمطاعم الي جنب قهوة فرنسامطعم ماكدونالدز وكنتاكي ومطعم لبناني وكثيرمن المطاعم الزوينه وقريبه من الفندق تطولها رجليه.بس مايمديك تمشي بعد الساعه12 باليل على رجلك يمكن:120:
المهم. نمت متاخر مع اني تعبان وصحيت يومالاربعا ظهرآ وحجزت لمراكش على قطاردرجه اولى وقالي خالصه الدرجه الاولى قلت عطني سياحي . ياخي ركبت في صندوق ددسن عاجز عن قطار. قالي اوكي سيدي ولي يشوفني يحسب عندي علم وانا ادربيها بس بشويش......... وحرك القطار من كازا الساعه 3 العصر ومرينا بكثير من المدن والقرى التي توحي بالحياة القرويه التي ولدتو عليها وتربية صغري في قريتنا وشاهدت مناظر كنت اتمنى ان اعيد العيش فيها.
ومرينا بمدينة سطات وهي مدينه كبيره من شكلها ومدينه الخميسات اذا لم تخوني معرفة نطقها او كتابتها.
ونعست لمدة ساعه المهم وصلت لمراكش وكنت مكلم واحد مغربي خوي واحد من العيال بالقطار يجهزلي شقه بمجمع نورالنخيل وفعلآ استقبلني حسن وذهبت معه اشوف الشقه وكانت حوالي الساعه 8 وقلت ابي اتعشى ونروح نستاجر سياره قال مكانش مشكل وفعلا عطيته بطاقة فيزا ورخصتي السعوديه 2400 درهم . وسوى عليهم صوره طبق الاصل وورقة اجار السياره صوره منها بعد ماوراني ذاك البيجو الابيض 2006 جديد يعني يومه600درهم ويالله حصلت سياره لانه مثل مانتو عارفين راس السنه حجتهم. و الشقه تقع في مجمع حلو وهادى ويوجد به مسبح وشققه جديدومكيفه وسعرها معقول وعليه حراسه 24 ساعه ببوابه وكمان الطاكسي ما يخش بس عند البوابه فقط.وموقعها خلف محطة افريقيا الي بالقرب من مجمع النخيل حدى البنك الشعبي .
وكل يوم سهره بمكان والنهار لابد اروح لساحة الفناء واشرب كاسين عصير برتقال كوده يضاد ذالبرد ويعطيني فيتامين سي.والجو كله ازعاج وتطبيل وتصفير وتزمير وكل مايخطر بالك هناك في الساحه بس حلوه مدري ليش مع انها مزعجه.
ولاكن الاوربيين مسببين زحمه بمراكش
بس اتوهق بالموقف واوقف بعيد عن الساحه واقول في نفسي مستفدت من السياره ديمني بمشي يعني يمكن لو اجي من الشقه اقرب من توقيفه السياره . ههه
وخذ تمشي من بعد المغرب من شارع محمد الخامس وقهاويه لشارع انجليز وقهاويه وكني راعي محل وعارف لديره. بس مشت معي وله الحمد و لوحدي.
بذالبيجو حتى عرفني العسكري الي عند ماكدونالدز الي بشارع محمد الخامس من كثر ما مريت عنده.
وفي يوم الجمعه صحيت باكرا وذهبت وصليت الجمعه بجامع قريب من المجمع على طريقي للاوكيدمون واوريكا. وبعد التوهان والضياع الذي لبث حوالي الساعه مسكت الخط للاوكيدمون التي تبعد60كم عن مراكش وبعدها بقليل اوريكا الشلالات ووصلت حوالي الساعه3عصرآ في اوريكا وصورة صور لاكنها بالجوال(الموبايل).
وتغديت طاجن لحم بالبرقوق:36_1_51: وكان على النهر المطعم ومنظر زوين زوين بالزاف:36_13_2:
ونزلت لمراكش بعد ساعه من الجلسه باوريكا.وكان الطريق مزدحم االسير ببطاء:112:
ووصلت للمرجان:36_7_14: وصرفت من بنك الوفاءلانه الوحيد الي يصرف8000درهم و جديده
وتقضيت بعض المقاضي وذهبت لشقه وكان العشاء جاهز وتعشيت وبديت اجهز بالسهره :36_3_2: وين؟؟؟؟؟؟؟؟؟؟؟؟؟؟؟؟؟؟؟؟؟؟؟
وبعدهابيومين سلمت السياره والشقه وذهبت لمحطة القطار الساعه 2.30 ظهرآ يوم الاحد وكان اليوم هو يوم عيد الاضحى في المغرب يعني الحولي شغال على ودنوهوالحسحسه مدهره.. وركبت القطار 85 درهم درجه اولى .:36_1_39: وانا مروق.
وقضيت اخر ثلاث ايام بكازا وكان السكن بحياة رجنسي الذي كانت السهره بدسكو ديالوه(بلاك هاوس) براس السنه وهو اول ليله لي بكازا بعد عودتي من مراكش.
وتمشيت بكازا وذهبت لعين دياب وهي خاويه بسب الجو البارد ولمجمع توين سنتر وتعشيت فيه .

وكان جميل ومزدحم :36_3_1:

وذهبت الى مسجد محمد الخامس كان معلم تراثيآ واثريآ وحظاريآ واسلاميآ كانت اغلب تمشياتي كلها بعد المغرب في السوق الي خلف قهوة فرنساء واشتريت جميع احتياجاتي من ملابس من ذاك السوق.
وفي يوم الاربعاء3/1/2007 الساعه الثانيه عشر ذهبت للمطار وكانت رحلتي الساعه 2.15 ظهرآ . :36_3_15: ووصلت لدبي الساعه 2.30 ليلا بتوقيت دبي . وسكنت بفندق كراون بلازا.وامضيت لي يوم بدبي وكانت رحلتي للرياض الساعه7 مساء يوم الخميس ووصلت بلدي بحفظ الله ورعايته وبدا الروتين الممل
المغرب هي فعلآ بلد جميل وشعبها اجمل . وصراحه احلى رحله رحت لها وانا لوحدي. ولم احس بالغربه مع اني ا ول مره اروح للمغرب . ومهيب الاخيره ان اعطانا الله عمر.
سجل ياحسين مزعوط جديد للبلد الحبيب,,
ارجو انه اعجبكم هذا التقرير الذي لوزلت اتكلم عن هذه الايام التي قضيتها بهذا البلد الجميل لم يكفين سنين ودهور :36_3_15: :suprise: مو مبالغ فيها
وتحياتي لكم,,
محبكم خالد . واعذرونا على التقصير في الاملاء واسماء الاماكن. والغلط وارد وشكرآ لكم..