اوكلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Mohammed.bin.Khaled
13-12-2022 - 10:06 pm
السلام عليكم اخباركم علومكم انشالله بخير
اليوم جايكم في تقرير يوم كامل مو تقرير سفره لكن انشالله تستفيدون منه ومنها تاخذون فكره اكثر عن اوكلاند واللي فيها
خل نبدا مع اول اليوم طبعا كنت متفق انا وRa7el نتقابل الصباح عند السكاي تاور على اساس بس بنروح للALPERT PARK وبس وشوفو وش صار ههه ماننعطا وجه في شوي
المهم انا شحنت الكاميرا حقتي قبل بيوم وحزهت الميموري مو واحد اثننين عشان تعرفون ان الصور راح تكون كثيره بس شوفو يمكن تكون متشابهه بس عشان تعرفون ترا صور يوم واحد يعني دقيقه بدقيقه ههه
طبعا زي ماتشوفون اوكلاند فاضيه في ثاني يوم في السنه بعد الزحمه اللي امس وغير كذا تونا الصباح مرره الساعه كانت 9 الا كم دقيقه
وهذي صوره ثانيه لما قابلت R7ael وخلصنا التذكره حقته لانه بكرا انشالله راح يكمل رحلته وانا طبعا جالس هنا ههه
وهنا قربنا من الحديقه كل الطريق رقيات في رقيات
هذا شي مدري وشو عند البارك من برا ههه
والتفت يسار اقول الطريق من هنا ولا من اليمين
وطلع الطريق من اليمين ورحنا يمين بندخل البارك نشوف وش فيه ونستكشف
وطبعا راح اتركم مع الصور الحين والي يبيله شرح ولا شي اقوله راح اقوله
سبحان الله انا لما شفت الاشجار هذي والله اول شي تقوله سبحان الله تشوف كباره واشكالها وجذورها
وش رايكم في الصوره ابداع صح ههه
انا صراحه شفت الشي هذا وقعدت يمكن5 دقايق او 6 ساعات مادري اذكر اني ماطولت مره ههه شوفو وراح اقولكم وش طلعت فيه
حرف الD ويعني ((دايم تعال )) ههه انا اتوقع انه صح علي
هذي متحف صغير داخل البارك لكن كان مسكر
لوحه البارك كان المدخل الرئيسي من ورا
المتحف
ايوه وعلى فكره لا تاخذون فكره البارك الدخول بفلوس لا لا كلهم فري الاثنين المتحف والبارك نكمل الصور
احم احم وهذي صوره محدثكم M7maaaaaaaaD كاشخ عند النافوره ههه
وش رايكم بالامانه في النافوره اللي وراي ههه كذا صح
احد الصور اللي احب اصورها
تشوفون اللي ورا كانه كنيسه او شي زي كذا طبعا حب اللقافه فينا قلنا بنخلص وبنروح نشوف وش فيه نبي ندخل وراح نجيكم الاخبار شوي شوي قاعدين نتمشى في البارك الحين ههه
طبعا انا كنت ناسي الساعه وبشوف الوقت ومالقيت ساعتي وسبحان سبحان لقيت ساعه قدامي وش كبراها ههه


رحلتي الى نيوزيلندا
التعليقات (9)
Mohammed.bin.Khaled
Mohammed.bin.Khaled
المهم احنا خلصنا من البارك وكانت الساعه تقريبا 10 الصباح وفاضين ونبي نروح نسوي اي شي وقلت في جولات بحريه حلوه تاخذنا في البحر على اوكلاند ونشوف الاماكن وكذا والله ومشينا للبحر الصباح وكان الهوا بارد شوي والشمس حاره بالنسبه لنا يالسعوديين بررد ههه وهم مره يبون الجو هذا ويعتبرونه حرر وراح تشوفون الدليل جايكم
المهم وصلنا البحر

ورحنا نمشي نشوف المحلات الموجوده عشان نقص لنا تذكره في واحد من البوتات الفله نشق البحار والمحيطات فيها ههه

Mohammed.bin.Khaled
Mohammed.bin.Khaled
طبعا نكمل معاكم الصور في البحر لكن صغرتها عشان الصور حجمها مره كبير في الاصل والوانها مره حلوه لكن بعد التعديل وحوسه ماعليكم المهم اني ابي اقولكم صغرتها عشان اسباب امنيه ههه
يالله نكمل معاكم
قايلكم اعذروني في في تكرار في الصور
هذي على الكلام الي فهمته من القبطان انه اون شي حق ملاحه او رادر في البحر في اوكلاند عمره قديم ههه
والله في جزر هنا اتعب وانا اقول طبيعه خياليه صراحه يعني وش ماكانت الكاميرا ماتطلعها مثل ماتشوفها العين
ههه الصوره الي تحت هذولي اول ماشفتهم اقول عسا ماغرقو ترا بعيدين بس بالزوم قنصتهم واشوا طلعو يستهبلون طالح قلبي ههه
وهذي جزيره من الجزر الي فيها نشاطات وفله بس مادري كيف نروح لها ولا كنا بنروح وفيها كهوف داخليه وناس تصيد وناس رايقه تتمشى وتاشر للي في البحر زي اللي بيجون بعد شوي ههه
هذا الكهف الي كان ودنا نروح له بس ربي ماكتب
والناس تتمشى الصباح وروقان
وناس تصيد وفله
وناس فاضيه تسلم ههه
طبعا انا اليوم كان الشي الي استقعدت له البزران كل من عجبني صورته في خشته ومشيت ههه زين ماكفخني ابو احد من الامورين الصغار
وطبعا اعلام الدوله النيوزلنديه ترفرف في الجو
هذولي قاعدلهم الا بجيب خششهم في الصوره ههه راح تشوفونهم معاي
ونقرب شوي
تبون زوم زياده مايكفي طيب ولا تزعلون انا حاس انه في احد راح يقولي يبي ههه
الصور هذي عجبتني وش رايكم انتم
الرجاء عدم الرد الا بعد اكتمال الموضوع وشكرا

Mohammed.bin.Khaled
Mohammed.bin.Khaled
يله خل نكمل
وانا قاعد اصور شفت شي غريب شوفو معاي القارب اللي معلق فوق ليه مادري ولو راح ينزل فيه شلون ؟؟؟؟
طبعا دخلنا المكان اللي كله زحمه وكل شوي يقول في واحد عارض قارب ومدري كم سعره اسمع ملايين بس واقول زين مو غاليه الله يحفظك ههه
هذا واحد من اللي كان للبيع بس والله رايق
التكيات اللي فوق وجت وفله رايق بقوه
وبرضو ناس تصيد وفله مره ثانيه
بعيدين صح خل نسوي زوم شوي
ونرجع مره ثانيه من الجهه الثانيه للهلتون
افخم واحد شفته 4 ادوار ومن جوا مو باين لو صورته بس فخم مره
وطبعا واحنا نمشي جوا خلاص مدري وش يمسونها المهم مواقف البوتات ههه والفله وعلى يمينكم تجيكم فلله وشقق خياليه على الحبر على طول شوفو شلون وكل واحد يوقف البوت حقه قدامه وبنزل من الشقه
قزاز كل شي وتشوف الي جوا شي رايق مره
تشوفون شلون قدامهم البحر مره فخمه
وهنا كل واحد موقف حقه كل شوي يشيك بالريموت مسكر الباب ولا لا ههه
وناس تاخذ سياكل في بوت ليه مادري ؟؟؟
طبعا وصلنا خلاص الحين
ونزلنا
واحنا ماشين يقولي Ra7el وده يروح للشاطئ البحر والزحمه ماش نبي نحلل اليوم ههه وقلت يالله خل نروح محطه الباصات ونشوف اي باص
وندخل المحطه وشي رايق والله حلوه بس غريبه مره فاضيه جوا مع ان زحمه برا
وهذي كم صوره من جوا المحطه
تنزل تحت في القطار من تحت وفي الشارع تلقاه فوق جنبك ههه
المهم طلعنا وركبنا الباص وتوكلنا على الله رايحين لشاطئ الMISSION BAY
وهذي الصوره اول مانزلنا
وطبعا انا كنت متوقع انه فاضي والا نلقا هذيك الزحمه والفله وناس وبزارين اوه احلى شي صورته اليوم البزراين
وطبعا هذا كله قبل ماتوصل الشاطئ تمشي شوي تلقا الجنه الزرقا قدامك
هم حرانين وانا وRa7el نتنافظ من الهوا البارد ههه
الرجاء عدم الرد الا بعد انتهاء الموضوع وشكرا

Mohammed.bin.Khaled
Mohammed.bin.Khaled
طبعا انا اليوم اشوف اي صغنطوطين يعجبوني اوقف واصور حسيت واحد راح يكفخني من ورا وانا مدري ههه بس ربكم ستر علي اليوم
وهذي الصوره الحمام شكله غريب شوي كان في واحد على اليمين يرمي لهم اكل في الهوا ويطيرون ياخذونه ويرجعون على الارض وبس شكلهم فله
تعالو اليوم عاد مثبت لكم وحده صغيره عصبت على امها تقولها تستري يابنت وتقول لا مابي ههه وشوفي الام عصبت والبنت عصبت اكثر وتاخذ الفوطه تقول خلاص مابي مابي بحر ماحبكم وتمشي شوفوها ههه
كانت مره معصبه خفت تشوفني تكفخني ههه
وطبعا في ثانين كنت ابي العب معهم بس ابوهم شكله عصبي قلت اكتفي بالتصوير من بعيد ههه
طبعا كل الناس اسكريم وفله قلنا خل نروح ناخذ لنا ومشينا
واحنا في الطريق يصادفنا واحد ياجر سياكل على البحر
وتوني بصور حقت الاسعار يجيني الاشقر يخرب عليه كاشخ في السيكل حقه ويحسبنا ماندري انه اجار ههه
المهم نكمل مشي
وهذا محلنا MOVEPIC ونقطع
ودخلنا المحل
واطلب واخلص طلبي والحمدلله طلعت في شي حلو ههه
ومشينا للبحر وجلسنا هناك وفله وضحك
طبعا واحنا جالسين شفت واحد في نص البحر وواقف على رجله طارت عيوني شوفوه
بس بحرهم تمشي كثير مو عميق تشوف ناس بعيدين وواقفين ههه فله شكلهم
هذي قبل مانمشي اسم المكان
طبعا خلصنا ومشينا نوقف ننتظر الباص
واحنا واقفين ورانا ستار بكس انا ودي اكل اي شي جوعان
بس Ra7el قالي بنروح ناندز قلت قدام ونروح هناك
بسم الله
الحمدلله
والحين خلصت لكم التقرير يمكن يكون اكثره مصور ههه
بس انشالله عجبتكم الصور وكل شي وماكون ثقلت عليكم ومنها تاخذون فكره عن مدينه اوكلاند اكثر وسلامتكم

wszwsz
wszwsz
الله يعطيك العافيه اخوي محمد .. وان شاء الله ترجع لنا بالسلامه يارب ..
يااخي انت ماتنعطى كاميرا ههه ماشاء الله عليك ماخليت شي ماصورته .. وهذا اللي انا مستانس عليه عطيتنا فكره واضحه عن معالم اوكلاند الله يعطيك العافيه
..
بغيت اسألك اخوي وش نوع كاميرتك ..وهل في بعض الصور انت اضفت لها بعض اللمسات ام هي على جوده الكاميرا؟
ياليت تذكر لي نوع الكاميرا وموديلها .. وان حصل مواصفاتها .. وسعرها ..
وشاكر لك ومقدر وانا اخوك ..
وفعلا موضوع متعوب عليه ..

صعـب المنـا ل
صعـب المنـا ل
m7maaaaaaaad
..

.. ..
Ra7el
Ra7el (( ))
Ra7el

طالب محتار
طالب محتار
اقول الله يعطيك العافيه
بس ان شاء الله انا في الصيف جاي نيوزيلندا كنت ابغى اروح لهم ادرس انقليزي
وارجع بس شكلي حمر عليك ادرس كيفية التصويد عندك ما شاء الله عليك
ترى مو ابداع فوق بكثير
واي طلعه انا انتظر نتائجها ودايم خلي الموميرايهات جاهزه
محبك سعيد الغامدي

خن بن
خن بن
هلا محمد
يعطيك العافيه على الصور من جد حسيت كأني بأوكلاند واخذت فكره اكثر مما تصور عنها
وانا انشالله بحول الله جاي ابي ادرس بجامعة اوكلاند انشالله بالاشهر القادمه وصدقني استفدت ومن الفوائد
لازم يكون معي حساب بالبنك البريطاني واكتشفت بعد ان عندهم سنكرس خ وا>ا عندك صور عن
الجامعه وطرقة السكن انا صراحه شفت الموقع حق الجامعه بس اتمنى تفيدنا انت و عموما ابو حميد
يعطيك الف الف الف مليون وستمية عافيه ياحلو وصرحه اعجبتني النافوره اللي مصور معهاا خ
اخوك
خن بن
:x1: :x1: :x1: :x1:

المـحـب
المـحـب
ماشاء الله إبداع حتى النخاع
والله شوقتنا يا شيخ
سلام يا جميل


خصم يصل إلى 25%