والله ياخوي بامانه ليست جيده ولكن ليست سيئة كثيراً
أفضل ماعندهم الإلتزام بالتوقيت ولكن طياراتهم صغيرة مثل الباص بالضبط
ويكون حظك حلو لو كانت الطيارة فاضيه عشان تنام لكن إذا كانت مليانه إنسى
انك تنام ابد ومافيه أي وسيلة ترفيه لكن بإختصار تمشي الحال
هذا رأيي ووجهة نظري ويمكن غيري يختلف معي
سفره سعيدة وموفقه وبإنتظار تقريرك
سلام

هلا بالعسل المغشوش ,,,
بصراحة لا أنصح بالسفر عبر الخطوط المغربية لقِدم طائراتها وضيق مقاعدها , ولكنها تعتبر الأنسب لسكّان أهل الرياض ,,
مودتي

اخي عسل مغشوش ..
قبل اسبوعين رجعت على المغربيه لجده في الحقيقه الطياره من نوع بوينج 767 وجديده يعني ..
مقعدين وممر وثلاث مقاعد وممر ومقعدين . الطياره جديده لكن مليانه وفوضى والخدمه ماتصل نصف خدمة السعودية ..
وعادة توقف في القاهره لكن رحلتي كانت دايركت ..
للمظطر تمشي الحال لكن اذا عندك وقت احجز على السعوديه ولو فيها وقفه في جده ..
بالنسبه لي شخصيا حرمت اركبها مره ثانيه ولو درجه اولى

تحياتي لجميع الأخوان وعلى ردودهم ..
انا اليوم طلعت على مكتب الخطوط السعودية الرئيسي بالدمام عشان احجز لكازا عن طريق الرياض وكنت رايح من طرف واحد يعني واسطة المهم الواسطة ماكانت موجودة وجلست انتظر وخلال فترة انتظاري سالت الموظف على رحلة الرياض كازا في يوم 27 ديسمبر وقالي انسى لا تفكر مقفلة الرحلة ولا فيها انتظار .. في عن طريق جده يوم 2 يناير ويوم شيكت اتضح انه اغلب الرحلات اللي عن طريق جده تكون خط مشترك مع الخطوط المغربية ونفس اسعار الخطوط السعودية :112: .. المهم واخيرا جت الواسطة وتم فتح خط الرياض كازا اللي كانت( مقفلة ولا فيها امل)!! وتم تأكيد الذهاب مع عدا واحد من الشباب للحين انتظار وانا ارجع واقول تحياتي بكل قوه للواسطة :x1: اللي تغير اللي مايتغير وان شاء الله تطرح شركات جديدة بالسوق وتفكنا من احتكار الخطوط السعودية .. وانا ما يغثني الى اذا ركبت من الدمام الى الرياض على السعودية يقولك الكابتن نشكركم على اختياركم الخطوط الجوية السعودية !!! هي في غيرها
اخوكم عسل مغشوش

, ,,
, (( ))

http://www.etihadairways.com

حسب معرفة المقربين لي بهذه الخطوط لا ينصحون بها
لصغرها وعدم وجود أساليب ترفيه ..والسفرة طويلة .
بالتوفيق الدائم للجميع

عسل مغشوش
هاذي مشكلة الاحتكار في اي سفره يبي لك واسطه بس ان شاء الله بعد ما يخصصونها تتغير زي شركة الاتصالات والله يقويك يا ابو ملحم.