دبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
banoota
04-09-2022 - 01:27 pm
السلام عليكم ورحمة الله وبركاته
حنا مخططين نروح دبي في إجازة عيد الأضحى ........ بس للأسف تأخرنا في حجز الفنادق وماشالله يصادف مهرجان دبي وعيد الأضحى وإجازة رأس السنه مجمعين والفنادق أغلبها مليانه طبعا أتكلم من ناحية 5 نجوم وحنا عايله من 6 أشخاص وكل سنه كنا متعودين نروح كروان بلازا اللي بشارع الشيخ زايد بس للأسف مليان ... كأني اقول قصة حياتي خلاص بختصر
وقالوا لنا في فندق فيرمونت اللي بشارع الشيخ زايد وهو خمس نجوم....... فهل احد منكم سكن فيه وشلون حجم الغرف وخدمتهم؟
واهم شي النايت كلوب والمراقص ماتكون في واجهة الفندق لأن هذا الشي بالنسبه لنا مهم
اتمنى انكم تفيدوني في اقرب وقت الله يعافيكم او احد من اهل دبي زاره وشافه
وشكرا


التعليقات (7)
qatar3333
qatar3333
اخوي العزيز فندق المذكور ممكن تقول اختيار موفق أما بالنسبه المراقص و النايت كلوب تراها (مدعوسه شوي السنه الماضيه سكنته بس ما عجبني علشان أنا ما أحب شي أسمه رخام او بورسلان في الغرف و حجم الغرف معقول لاكبير ولا صغير بس الفندق تقدر تقول بدت الناس تنساه يعني أصبح قديم بنظرهم شوف فندق (جروفنر او كمبيسكي أو حياة جراند و موفق

banoota
banoota
مشكور اخوي على الرد بس حطمتني لأن مافي الا هو بموقع مناسب وحلو وخمس نجوم
مع ان موقع ثاني بالنت حاطين انهم مجددين الغرف طيب كيف اجواء الفندق؟
وياليت اللي راح له يخبرني في اسرع وقت

fahad31
fahad31
انا سبق وسكنت فيرمونت قبل سنه في الغرفه المفرده ومره في الشقه او الجناح غرفه وصاله
مميزات الفندق .....
موقعه حلو بشارع زايد - اللوبي حركه دائمه وزحمه - لما سكنت لم اشاهد المراقص - الخدمه حلوه
وسريعه - حصلت على سعر خاص من وكالة اراب لينك دبي - بصراحه الاسعار مرتفعه في فيرمونت
موخراخصوصا ان وقت الرحله ( مهرجان ونيو يير وعيد الاضحى ) - هو افضل بكثير من كراون بلازا ..
باعتباري سكنت في فنادق 5 نجوم مختلفه انا ارشح لكم ماريوت للشقق الفندقيه باعتباركم عائله
و 6 اشخاص فيه شقق غرفتين و ثلاثويوجد به جميع خدمات اخمس النجوم واعتقد السعر بيكون قريب من سعر فيرمونت ...
انا كتبت عنه وموجود تقرير عنه بالتوقيع اسفل ... تحياتي

banoota
banoota
مشكور اخوي فهد انطباعك حلو عن الفندق......... اما بالنسبه لشقق ماريوت شكلها زين بالصور بس حنا ودنا بفدق مو شقق فندقيه
وان شالله اسمع ردود ثانيه بعد

cenuor
cenuor
بنوته ترا الفندق ما عليه كلام حلو مره ما عليك من يقول غير كذا;)

بنوتة الامارات
بنوتة الامارات
مرحبابكم...وحياكم الله في داركم الثاني
الفيرمونت أفضل وارقى من كراون بلازا ... وكلهم جنب بعض
وعندج ايضا فندق جراند حياة جداً راقي وحلو..والأسعار متقاربه ..قريب جدا من مركز وافي وسينما جراند مسافة 5دقائق عن فندق كراون بلازا...ومابتندمون عليه..واذا حجزتو من النت يطلع ارخص من الفيرمونت
وفندق الكمبنسكي ..ملاصق لمول الإمارات..على شارع زايد

banoota
banoota
حبيت أشكر كل من رد علي وبصراحة وللأسف ماضبط موضوع حجز الفنادق كانت مليانه كنا نحاول لآخر الأسبوع اللي مضى
وقررنا نغير الوجهة لدولة الكويت الشقيقة وان شالله خير


خصم يصل إلى 25%