1. السلام عليكم

السلام عليكم

سبق وحصل موقف بشينجماي تقريبا قبل شهر ...كنت انا وزوجتي بالنايت بزار وقفت التوك توك وقلت له امورا هوتيل طبعا الفندق قريب يعني نقول اربع دقايق.. المهم بدا يطلع من شارع لشارع قلت له ترى الطريق خطأ تبسم وقال لي لا لا هذا طريق مختصر.. انا حسيت ان المسأله فيها شيء بس قلت لا تستعجل يابو فارس وبعد عشر دقايق دخلنا شارع اظلم قلت له وقف قال لا وصلنا خلاص وأجي امسكة مع شوشته قلت تبي توقف ولا اعلمك وشلون المهم وقف عطيته اجرته وقلت ابعد عنّ..... التفت يمين يسار ما حولي احد وامشي حوالي 500متر الى ما طلعت على الشارع الرئيسي وقفت توك توك ثاني وقلت وصلني فندق امورا المشكلة ان الطريق الصحيح صار بعكس اتجاهنا اللي حنا راحين فيه مع التوك توك الاول لكن ربك ستر ولطف والحمد الله على كل حال...
بعد كل هذا لا تفهمون ان تايلند غير آمنة بالعكس هذي ثالث زيارة لي جدا آمان ولا توجد اي مضايقات
انا احمل نفسي كامل المسئولية لان طالع بوقت متأخر ومع زوجتي بعد وهذا هو الخطأ (ولانه بصراحة بعد الساعة 12 ما اتوقع ان فيه امان 100% حتى في دول الخليج)
كذلك احب انبه اي واحد اذا سافر انه يحط باله من اي شيء صغير ولا كبير خصوصا اذا كان السفر مع عائلة أما اذا كانت سفرة تماسيح (شباب) فما عليهم خوف بأذن الله.
شكرا,,,, وآسف على الاطاله