البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عادل عبدالعزيز
08-08-2022 - 05:00 pm
بسم الله الرحمن الرحيم
السلام عليكم ورحمة الله وبركاته...
عندي استفسارين ...
الإستفسار الأول::::: عن مطعم "بندروزا" اللي في البحرين على كورنيش الملك فيصل..وش الأكلات اللي يقدمها....؟ عربي ولا صيني ولا هندي ولا تايلندي ولا عالمي ولا أكلات بحريه....؟؟؟؟ وهل يوجد اماكن خاصه للعوائل...؟ وكيف خدمة المطعم ونظافته....؟
الإستفسار الثاني:::: عن مطعم ومقهى الشراع على كورنيش الملك فيصل قريب لمطعم بندروزا..هل يصلح للعوائل....؟ وكيف الخدمه ونظافة المكان...؟
كني زودتها شوي وماصارت استفسارين
بس ماعلينا انا استاهل من يخدمني لا تقولون ليش استاهل... لأني بصراحة مدري
ياربيه كن موضوع صار سامج


التعليقات (8)
عطر الامارات
عطر الامارات
الله يسامحك
كل هذه اليولة عشان مطاعم

سؤالي :أنت عادل عبدالعزيز (اللاعب) ؟؟؟؟؟

عادل عبدالعزيز
عادل عبدالعزيز
الله يسامحني ويسامحك بعد....
انت يومك تدخل على موضوعي وترد وأنت ماعندك خبر ولا عندك سالفة عن استفساراتي ليش ترد....المرة هذي بأعديها عليك المرة الثانيه لا تلوم إلا نفسك...
على العموم بأصير احسن منك...شكراً على مرورك مع اني ما أستفدت منك...

FANDA
FANDA
هلا بيك اخوي في البحرين
بخصوص باندروزا فاكثر اطباقه ستيك وفيه بوفيه للسلطات وبعض الخفايف
المكان حلو و نظيف بس كذوق شخصي الاكل ما يعجبني وايد
وما فيه مكان للعائلات بس على اغلب الاوقات الي رحناها ما اتذكر انه كان فيه شباب مش ولبد ههه
اما مقهى الشراع فهذا المكان المفضل عند زوجي ما ادري ليش
احلى شي فيه القعدات الخارجيه خصوصا في هذا الجو العجيب وفيه قعدات داخل
اما اكلهم فانه بعد ما يعجبني يعني يدوب الشاورما اخذ من عندهم وبعد مو كل وقت يصيدونها عدل
مثل ما قلت لك اذا بتروح اقعد برى و اطلب شاي واستمتع بس ان شاء الله ما تجيك قطط ههه
هذا ذوقي الشخصي للمكانين بس مو شرط انه الكل يوافقني

عادل عبدالعزيز
عادل عبدالعزيز
يعطيك العافيه فاندا...
هلا والله الدعوى فيها قطط لا خلاص قررت مستحيل اني اروح لذاك المكان . . . مجنون انا آخذ زوجتي هناك...زوجتي دينها ودين القطط...يالله مايخالف معوضين انشالله . . .

FANDA
FANDA
نفس حاتي على قد ما القعده عند البحر تعجبني خصوصا بالشتا على قد ما كرهت المكان بسبب القطط

أبو أحمد 111
أبو أحمد 111
عادل عبدالعزيز
حبيب قلبي عادل ،،، ربما هذا الرابط أفادك وأرشدك عن تساؤلك ، وأول من تحدث وخصوصا عن الشراع ،،، أليس هو الذي عرفت الشراع منه ؟ جاوب قبل ما أقلبها معك معركة :

إن شاء الله إنك استفدن يا حلو

أبو أحمد 111
أبو أحمد 111
عادل عبدالعزيز
شوف أخوي عادل أنت شكلك مطفوق ، ويدك تحكك لموضوع جديد ، حرام عليك ، اللي كتب المعلومة الجديدة ضع تساؤل له في موضوعه ولا تفرد له موضوع خاص من عندك ، ترى مو كويسه :112:
وبالنسبة للشراع رائع أكله خاصة المشويات والحمص ، أما بالنسبة للمقهى فأنا مو راعي شيشة ؟
وبالنسبة للموقع جميل جدا للعزاب لا يصلح للعوائل البتة ولا البتيتة
تقبل تحياتي

عادل عبدالعزيز
عادل عبدالعزيز
اولاً شكراً على التوضيح وعلى خدمتي.... واحمد ربك انك خدمت عادل عبدالعزيز


خصم يصل إلى 25%