- السلام عليكم ورحمة الله وبركاته
السلام عليكم ورحمة الله وبركاته
اخي الكريم ممكن تفيدني ببعض المعلومات بشان النمسا انا جامع معلومات شبه كافيه لكن ينقصني اشياء بسيطه
لاني سأل قبل كذا وكانت الردود كافيه ما احد قصر الله يسعدهم جميعا وانت رديتلي بهالرد اجمل مافي النمسا ريفها (لينز - اقليم تايرول - سالزبيرج - تسل ام سي - انسبروك - اميستيتن )بس الله يرضى عليك حاب انك ترتبهم لي الاقرب فالاقرب من بعضها البعض وتراني وجهت لك نفس السؤال في موضوع اللي سافر النمسا يدخل بس شكلك ماشفت السؤال انا شفت رد لك لاحد الاعضاء مرتبلو ا المدن ابتداء من فينا ثم سالز بورغ ثم تسل ام سي ثم انسبروك لكن فاضلي لينز - تايرول وامستيتن ياليت تعطيني خط سير لها وكم المسافه بين كل مدينه واخرى وماهي وسيلة المواصلات لها هل القطار افضل شي وهل استطيع التنقل عبره الى كل هالمدن
2- الله لايهينك وش الترام اللي اقراء دايما انو وسيلة مواصلات وكم سعره هل هو بالساعه ام بالمشوار ماني فاهم
3- رشحلي افضل وارخص الفنادق من خلال تجربتك والمطاعم ياليت تكتبها وهل في مطاعم عالميه في المدن غير فينا 0
4-هل افضلي وارخص الحجز من هنا والله من المكاتب السياحيه في المطار يقولون انها متوفره بشكل كبير وهل في قروب سياحي للنمسا وهل تعرف شيء بخصوص اسعاره
5- ماذا بشأن الامطار والاجواء الغائمه في شهر اغسطس ( نموت بالمطر والاجواء الغائمه ) آخر سؤال معليش هل صحيح متعة الأطفال في النمساغير متوفره او قليله عشان انا عندي متعة الاطفال مهمه وهل صحيح ان الواحد يشعر احيانا بالملل
انا عارف اني اثقلت عليك بالاسئله بس مواضيعك الاوربيه ونصيحتك للاخت سحر الشرق انو الكره الارضيه ليست ماليزيا وبس خلتني اغير رأيءواقلب الوجهه للنمسا ولك كل الشكر والتقدير يامتميز انا بسميك كذا
السلام عليكم ورحمة الله وبركاته
وانا انتظر الرد بفارغ الصبر