علي الكندي
17-12-2022 - 03:25 am
السلام عليكم
صارلي يومين اشوف قنادق لنكاوي واقارن بينهم
كل الفنادق فيها سلبيات
الي فيها بعوض والي مش نظيفة والي اثاثها مهتري والمبنى قديم
انا ميزانيتي 500 ريال الليله
بس للحين ماحصلت شي يسوى
في كوالالمبور حصلت فنادق 5 نجوم ب500 ومافيها عيوب
وال500 في لنكاوي كاني ماخذ 3 نجوم
حتى الشيرتون الي هو شركة عالمية مشتكين الناس منها
ما ادري على اي اساس الناس تروح للجزيرة هذي اذا ما فيها فنادق نفس العالم
انا رحلتي لها من 6/12 الى 8/12 ليلتين بس
ياريت تشوفولي شي بالميزانيه هذي وما اندم عليه
ويكون قريب من الاسواق والاماكن السياحية وفيه فعاليات
وشكراً
فنادق ماليزيا
لا تتعب نفسك وتقارن كثير
فيه ناس يكن لو شافت (نمله) يشتكون ان الفندق مو نظيف
انا جربت لنكاوي لاقون ولي تقرير عنه
حلو واستانسنا فيه وايد
الكمال لله ما في شي تلاقيه كامل
كذلك جربت فوربوينت باي شيراتون
وهو قريب من المطار لكن بعيد عن الخدمات
يبيلك تكسي
والفرنجباني جميل
صديقتي تنصح فيه وخصوصا الفيلا اللي على البحر
ممكن تاخذ الهوليدي فيلا
لكن الأثاث شوي قديم
بس يمدحون الشاطئ الخاص فيه
غالبيه فنادق لنكاوي غاليه
بالتوفيق ورحلة ميسره باذن الله