الجزر السياحية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الغردقاوي
18-12-2022 - 02:13 am
اولاً السلام عليكم ورحمة الله وبركاته ، صباح الخير .
طبعاً انا متابع لكم من فترة واستفدت كثير من تقاريركم وابداعكم .
انا ب اذن الله مسافر ششهر عسل في اغسطس اللي هو شهر 10 هجري وناوي ب اذن الله ع المالديف .
من تقاريركم انا عجبتني السريلانكيه والاماراتيه والقطرية ومحتار بينها .
الفنادق اللي عجبني اكثر شي الكونستانت .
استفساراتي واتمنى مساعدتكم عشان اذا رجعت ازبط لكم تقرير خطير ههه
س1 : ماهي افضل خطوط من ناحية السعر والفخامه والمواعيد والتعامل ( القطرية - الاماراتيه - السيرلانكيه )
س2 : ماهو افضل فندق من ناحية الخصوصية واقدر اتمتع فيه مع زوجتي لاننا اسرة محافظة ونقاب وكذا ف حاب فندق يكون فيه خصوصية مثل كونستانت في الفلل المائيه اخر شي بالصف .
س3 : كيف بيكون الجو بالفترة هذيك ؟
س4 : انا ناوي اسوي حجوزاتي عن طريق مكتب سياحي لاني ابدا مااعرف احجز بالنت ف اي مكتب تنصحوني من ناحية العروض والاسعار في جدة وكم يكلف المكتب.
س5 : اللي عرفته انهم يتعاملون بالدولار هناك ف كيف اقدر ادفع لهم هناك لازم اشيل فلوسي كاش ولا عادي بالبطاقة ولا كيف ؟
س6 : هل يوجد عيادات طبيه هناك ؟
طبعاً الميزانية حوالي 30 الف ريال مع العلم اني ابغا امر دبي يومين وبعدها 5 ايام او 4 بالمالديف وبعدها ارجع دبي .
اللي عنده خبرة ويقدر يجاوبني ب اي سؤال لايبخل عليا و اذا اتذكرت اسأله زيادة ب اكتبها بالردود ههه


التعليقات (7)
abdulaziz almalki
abdulaziz almalki
ايه تذكرت انا اهم شي عندي الخصوصيه لاني احب اعيش جو رومنسي ب خصوصيه ونكون براحتنا .

الغردقاوي
الغردقاوي
ألف مبروك الزواج
وبارك الله لكما وبارك عليكما وجمع بينكما في خير
وبإذن الله يدخل الأخوه خبراء المالديف وخبراء دبي ويعطوك الجواب الشافي

abdulaziz almalki
abdulaziz almalki
الغردقاوي
الله يبارك فيك
ان شاء الله يدخلون شايفهم طولو ههه

abdulaziz almalki
abdulaziz almalki
سوبرمان بن باتمان
شكراً لك ياغالي .

F.A.H.D
F.A.H.D
وعليكم السلام ورحمة الله وبركاته
مبروك الزواج والله يتمملكم على خير..
ج1: لي تجربة واحدة فقط على السيرلانكية درجة رجال الاعمال وتجربة على السياحية في الاماراتية وما اظن هذه تجارب كافية اني احكم بناء عليها، شخصياً الى المالديف راح ابحث عن الخطوط اللي توصل بدري الصباح وتغادر بعد العصر، في حالة مثل حالتك اللي دبي داخلة ضمن الخطة اعتقد المنطق بيكون مع الاماراتية.
ج2: بغض النظر عن المنتجع فالخصوصية في فيلتك اما غيرها فالمكان للعموم وكل في حاله.
ج3: الحرارة في المالديف ما بين 26-31 درجة مئوية طول السنة تختلف الرطوبة والامطار واغسطس من الاشهر اللي تزيد فيها الرطوبة والامطار.
ج4: ما اقدر افيدك لعدم التجربة.
ج5: البطاقة كافية.
ج6: نعم.
بالتوفيق.

ROdymz
ROdymz
انا رحت المالديف قبل سنه ع الخطوط الاماراتية درجة رجال الأعمال
الخطوط الاماراتيه ممتازه جدا ودايم تكون اختياري الأول لأي سفره
وبالذات انك رايح لدبي ف احسن لك تروح ع الاماراتيه بدال ماتروح على خطوط ثانيه
سكنت بمنتجع four seasons landaa giraavaru
وكانت الفلل نوعين نوع تجي واقفه بأعمده ع البحر ونوع ع الارض وقدامك بمسافه بسيطه البحر
النوع الثاني خصوصيه اكثر المسبح الخاص محد يشوفه الا انت ومرتك وجلسات خاصه وكله خصوصيه تامه 100%
الاجواء كنا رايحين بإجازة بين فصلين وكان الجو حلو مره بس اتوقع بأغسطس حيكون الجو فيه رطوبه اكثر الزبده موب برد ابد
ودبي الله يعينكم عز الحر باغسطس بتفطسون من الرطوبه
نصيحه : أي منتجع تسكنونه لا تسكنون الفلل الي تتوقف بأعمده في البحر
ترا والله تخوف < عن تجربه
لأن بالليل المحيط يهوج وتصير الامواج قويه وتصقع بكوخكم وكذا
قعدنا فيها يوم بعدين انتقلنا للعاديه أرض الله واسعه ماحوج نقعد بوسط المويه
بالنسبالي قعدت في المالديف 3 ايام تقريبا وحسيت انها بزياده عليها
طفشت لأن هدوء جددا وبالليل تصير الدنيا ظلام وكذا يعني الي يقعد اكثر من 3 - 4 ايام بالكثير بيطفش مره
بالذات انكم عرسان والوضع جديدين على بعض شوي والمدام تستحي وراسكم براس بعض< الحاله الي مرينا فيها
تقدر تدخل بوكينق وتتفرج على الفنادق الي بالمالديف يبان بالصور وش الي فيه خصوصيه من الصور وتختار الفندق الي يناسب ميزانيتك
ومبروك مقدما الله يوفقكم ويهنيكم ويجمع بينكم على خير

الغردقاوي
الغردقاوي
ها قد وصل الخبراء وتركوا خبراتهم واجابوا على استفسارك
فان شاء الله تكون الاجابات قد أفادتك


خصم يصل إلى 25%