باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ATL
17-12-2022 - 02:15 pm
السلام عليكم
الكتاب باين من عنوانه
استفسار عن البخشيش في باريس كم ياخذون ولو ماعطيتهم يزعلون ؟؟
حمالين الشنط
المطاعم
التكاسي
موتشكرين اوي...


التعليقات (6)
qa6ar911
qa6ar911
مرحبا اخوي
بخصوص البخشيش يوجد بطريقه دبلوماسيه
يعني مثلا حمال الشنط
بخصوص الشنط هناك مافي حماليين اخدم نفسك بنفسك سواء بالمطار او محطات القطار او اي مكان
ماعدا حمال الشنط بالفندق ممكن تبخششه عادي
بخصوص التاكسي نفس ماقلت لك تكون بطريقه دبلوماسيه تعطيه البخشيش مع المبلغ الاجمالي
يعني مثلا المبلغ 25 يورو انت بخه 30 يورو وروح عنه
المطاعم نفس الشي لين عطاك الحساب وطلع 80 يورو حط له بالفاتوره 83 او 85 واطلع
وبس

فيصل
فيصل
وعليكم السلام
ليش اعطي التاكسي عنواني واضح
المطاعم اعطيهم البطاقه ويخصموا منها مو لازم ابخشش واذا حبيت عطيته من الكاش اللي معي
ما أحد بيزعل
اللي اعرفه ويزعل عليك هم الامريكان بس غيره الامور طيبه

توبليرون
توبليرون
رحنا باريس مرتين
ما اعتقد عطينا بخشيش لاحد
ما يسالون عن البخشيش ولا شي
يمكن اذا رجع الباقي من سعر الغدوة او العشوة
عادي نخلي القطع الصغيرة
ما يهتمون الصراحة
والتاكسي على الاتفاق كم وخلاص ياخذ نفس السعر
لا تعطي تعلمهم عليك
وشكررا لك

سعود بن محمد
سعود بن محمد
لا يوجد قانون موحد للإكرامية، و إنما هي أعراف تختلف من بلد لآخر. وفي فرنسا، فإن أجور الخدمة (15%) مضافة في الفاتورة، ولذلك فلست مضطراً للدفع. ولكن أرى أن دفع ما نسبته 10% تقريباً، سيكون لطفاً منك إذا كانت الخدمة المقدمة متميزة.

ابو طلال*
ابو طلال*
صدقوني البطاقه هي الحل الامثل وتريح مخك
وانا مع الاخ سعود ممكن لو حصلت خدمه مميزه مع انها بتكون مظمنه بالفاتوره فمن الممكن اعطائه ماتجود به نفسك
بخصوص سيارات الاجره فهو ماخذ بخشيشه وبزياده سواء برسوم فتح الباب واللتى تقدر بنسبه 10 في الميه او باستغلال المسافر باوقات ميته للنقل من مكان الى اخر او من والى المطار
اللى يزعل من عدم اعطاء البخشيش هم فقط ببعض الدول العربيه
اما باوروبا وخاصه بريطانيا فهم لاينظرون له وبعظهم يزعل من البخشيش وخاصه بلندن

kimleeloo2
kimleeloo2
انا سياستي بكل سفراتي مااعطي الا ع مزاجي و ماشفت احد زعل ولا احد تكلم بالذات بباريس
يعني كنت بمطعم مثلا و في احد قدم لي خدمه مميزه او اجتهد معي او كان طيب واخلاقه كويسه عطيته و مافي مبلغ معين و الله مو جاي ع بالي ولا ماعجبني ماعطيته عاادي


خصم يصل إلى 25%