نواصل التقرير .. اليوم الثاني .. باريس


16-10-2014








صحينا متأخرين شوي و ضيعنا الوقت ظلينا ندور على مطعم للفطور لكن لما قررنا وين نفطر كانت الساعة 11 تقريبا فأكثر المطاعم نزلت قائمة وجبة الغذاء فاتفقنا على بيتزا بينو Pizza Pino كان الاكل ممتاز بصراحة و معاملتهم طيبة














بعدها توجهنا لمتحف الوفر لكن لما وصلنا كان باقي كم ساعة و يقفلوا للأسف فاستغلينا الوقت و رحنا نتمشى في المول الموجود في اللوفر و شرينا التذاكر (تذاكر المتحف لليوم الثاني) من محل سجائر موجود في المول.


و من الاحداث اللي حصلت لنا في المول جينا ندور دورة مياه الله يكرمكم و لا لقينا الا لوحة توجهنا لمحل !! دخلنا المحل قلنا وين الحمام ؟؟ قالوا هذا هو الحمام بس الدخول برسوم!! طبعا الحمام كان لبنتي فما كان عندنا وقت للمراوغة و دخلناها و دفعنا و اصريت اخذ الفاتورة للذكرى.

















لكن لما وصلنا جهة المطاعم لقينا حمام مجاني. طبعا متحف اللوفر فيه حمامات لكن في وقتنا كان مغلق ممنوع الدخول. تمشينا في المول و بعدها طلعنا نتمشى حول اللوفر على نهر السين و وصلنا لجسر الفنون اللي يعلقوا الناس (العشاق) عليه قفولهم هههه طبعا عالجسر في عمال من الجالية الهندية يبيعوا القفول و صادفت واحد منهم كان شغال بالسعودية و ندمان انه حاء باريس على حد تعبيره، القفول عندهم غالية جدا و هي نفسها العادية اللي عندنا في البقالات.














طلعنا من الجسر على الضفة الثانية و مشينا لحد ما مرينا على الحي اللاتيني و من المحلات اللي اوصي المرور بها و هو محل الفلافل " معز " قريب من محطة مترو Saint michel و قضينا طول هذي الليلة في المشي حول نهر السين و استكشاف المدينة و المباني حول اللوفر.

و بعدها رجعنا للفندق عشان نرتاح لليوم الثالث في متحف اللوفر و الرحيل لدزني لاند...

السلام عليكم اليوم الثالث


و هذا اليوم خصصناه لمتحف اللوفر في النهار و المساء توجهنا ل val d europe بالقرب من دزني لاند و الاوت لت للتسوق




الافطار في مقهى لادور في الشانز














و من بعدها توجهنا بالمترو الى اللوفر






متحف اللوفر غني عن التعريف
و الصورلا تفي حقه ابدا , المتحف بجد كبير جدا و لا انصح الذهاب اليه مع اطفال صغار و خاصة اللي يحتاجوا عربات لوجود الدرج في العديد من الاماكن فيه و الاطفال بالطبع بيحسوا بملل شديد فيه.


احدى صور غرف نابليون





الناس مو مخلين الموناليزا في حالها و زحمة عليها ما ادري ليش؟




بس حتى انا قلت اسوي مثلهم و اصورها







عند المغرب مرينا الفندق عملنا شيك اوت و اخذنا الشنط و توجهنا لمحطة المترو و اخذنا قطار RER و ليس Metro
انا مش خبير لكن ال ار اي ار قطاره اكبر و للمسافات اللي خارج قلب باريس و بطبيعة الحال هو اسرع و مكون من طابقين.


كان وقت وصولنا في الليل و وقفنا في محطة قبل محطة فال د يوروب المنشودة و كانت المحطة موحشة و خالية من الناس ما عدا بعض المشردين و المشبوهين و انا انصحكم بأن لا تتنقلوا في الليل المتأخر خاصة بين المحطات قليلة الحركة و للنساء خاصة.


وصلنا الفندق بعد ما ركبنا القطار التالي الى فال دي يوروب و هي منطقة هادية و اكبر ما فيها المول و الاوت لت


المول فيه سوبر ماركت auchan
سوبر ماركت كبير و فيه كل ما تحتاجه
اشترينه منه السناك و الفاكهة و مياه الشرب





السكن كان في شقق فندقية


Booking.com: شقق فندقية Residhome Val d'Europe - مونتِفرا, فرنسا


السعر كان متوسط


موقع الفندق على بعد خطوات من محطة RER


15 دقيقة بالسيارة عن دزني لاند و محطة قطار وحدة عن دزني


المول و الوت لت على مسافة 7 دقايق مشي


السعر كان مناسب


الخدمة عادية جدا و حتى توصيل الشنط ما عندهم هالخدمة


الموقف غير مجاني و غالي بحدود 20 يورو في اليوم


صورة من قوقل ماب لموقع الشقق و دزني لاند و محطات القطار