السنــافي
16-12-2022 - 09:43 pm
السلام عليكم و رحمة الله و بركاته
محدثكم من جزيرة بالي
ابا استفسر عن ما الفرق بين سفاري بالي و سفاري بونشك و ايهما افضل
مافي داعي نكرر نفس الطلعه هنا و هناك خاصة ان بعد بالي بسافر باندوق و بعدها بونشاك
الامر الثاني
رحنا ديسكفري مول و شفتا السوق اللي على طول شاطىء كوتا الين المول و رحنا بحيرة بيراتان و بويان و مصنع الملابس و حديقة الطيور و منطقة كنتماني و البركان و شاطىء جمبران و تعشينا هناك
طبعا الالعاب المائية و الشلال و البراشوت حديقة القرود صعب اروح لها لان عندي طفل رضيع عمره سنه
هل في شي ثاني يستاهل الواحد يضرب خط عشانها ؟؟
واذا مكرره في باندوق و بونشاك او جاكرتا فمافي داعي لاني بديت رحلتي ببالي
ضايقتني كثرة التماثيل
و الله الموفق
سفاري بالي او سفاري بونشاك .... اكيد سفاري بونشاك ولا تفكر لانها اكبر واكثر عدد وتنوع بالحيوانات " اعزك الله " واكثر تنظيم
بالي بطبيعتها تكثر التماثيل فيها " لان اغلب اهلها من الديانة البوذية " ويحرصون على إدراج الزيارات لمعابدهم لدى السياح وبالفعل شوفة مثل هالتماثيل تسد النفس " لكننا عارفين بوجودها لان الاغلب من سكان بالي بوذيي الديانة "