كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
assaf99
15-12-2022 - 10:52 am
السلام عليكم ورحمة الله وبركاته
فالبداية تشرفت بإنضمامي لهذا الصرح الشامخ متمنياً من الله ان يعينني ويقدرني على الاستفاده منكم وإفادتكم ان استطعت
من الأخر
اخوكم لأول مره يسافر والسفره شهر عسل متأخر بعد 8 شهور من زواجي لأني اجلتها بسبب ضروف وشوية خوف ولله الحمد
الان والنيه موجوده والحجز ع طيران الخطوط السعوديه يوم 9 من الشهر القادم
والمدة المتوقعه 10 ايام
طبعاً الميزانية من غير التذاكر تقريباً13 ألف ريال
وحسب مأطلعت عليه في هذا المنتدى قررت السفر لهذه المدن
سلانجور 2ليلتين
لنكاوي 2ليلتين
بييانج 3 ليالي
كوالا 2 ليلتين
الاضافه اللي ممكن الخبط الجدول كله من اجلها كانت بسبب هذا الموضوع وبصراحه عزمت اني اخوض هالتجربه لأنه حيل عجبني هالمكان
https://artravelers.com/p/re/920312
جزاء الله من اعد هذا الموضوع خير الجزاء
طبعاً انا اول مره اسافر وغير كذا اللغة الانجليزية تعبانه جداً عندي
فضلاً وليس أمراً عليكم ياأحبائي افيدوني اكثر واضبطو لي البرنامج
جزاكم الله خير الجزاء


التعليقات (6)
kazami
kazami
حياك الله بين اخوانك اعضاء المنتدى..
بصراحة اول شي بقوله يرحم والديك واللي يعزون عليك زود لمده اذا تقدر يومين.
عشان تحلل حق التذاكر فانت دافع مبلغ بالالاف ووصلت هناك فخذ لك مده طيبه.ثاني شي الميزانيه بتكفيك 10 ايام بدون المنتجع لكن بالمنتجع مااظن. لانك بتصرف فيها تقريبا 6000ريال .يوميا بيكون عندك 500رينقت كحد ادنى للتكسي والاكل والشرب وتذاكر الملاهي والحدائق.
يبقى من 13الف 7000ريال وعندك تنقلات بين المدن بتكلفك بالكثير قول 1000ريال اذاكانت رحلة
وحده والتنقلات تاكسي بين المدن واذا باص بيكون اقل.
يبقى 6000ريالمنها 3000ريال للمنتجع تقريبا يبقى 3000ريال اتوقع يادوب تكفيك للسكن بكوالا وبينانغ.
يعني اذا ماراح تقدر تزود المده وتبي تضيف هالمنتجع.
فليزمك امرين اول شي لازم تحذف لنكاوي. وانا شوف ان هالشي حرام بحق لنكاوي العشق والجمال.
ثاني شي لازم تحسب حساب الدراهم صح وقد تحتاج زياده لان المنتجع يومين بحدود 3الاف ريال تقريبا,
وترتيب جدولك بيكون
سلانقور ليلتين
ثم طيران الى
بينانغ و3ليال
ثم بالباص الى
ايبوه وليلتين
ثم بالباص الى
كوالا وبقية الليال ويارب تكون 3.
كازامي

assaf99
assaf99
حياك الله ياخوي
kazami
بالنسبه للميزانيه قد تصل كحد اقصى إلى 15الف
ولنكاوي ودنا لو ناخذ فيها يومين لان حسب ماقريت عنها انها من افضل المدن الماليزيه
هل من الممكن اني اكنسل سلانجور وأجلها في نهاية البرنامج يعني من مطار كوالا احجز على لنكاوي مباشره واقضي ليلتين هناك ومن ثم انتقل إلى بينانغ واقضي فيها ثلاث ليال ومن ثم إلى ايبوه ليلتين ومنها إلى سلانجور ليلتين وكوالا ليله والا وش رأيك

kazami
kazami
اذا تبي تنظمها بشكل افضل فزد المده.اذا تبي تواصل الرحلة من دولية 9ساعات وتنزل المطار وتنتقل الى المطار الثاني وتنتظر الرحلة الداخلية وثم تطير لساعة الى لنكاوي
فممكن هالشي لكنه متعب ومرهق وخصوصا للحريم ولاننصح به.
امر اخر دائما اذا كانت المده 10 ايام واقل فماننصح انه تكون مقسمة على اربع مدن .
لان الرحلة بتسير مارثون جري وتنقلات وماغير شيل شنط وحط شنط ولابتحس بالاستقرار والراحة.
لنكاوي من اجمل الامكان وانا اشوف انك تكنسل ايبوه وبينانغ لصالحها وترى فيها منتجعات فخمه
تكاد توصل لدرجة منتجع ايبوه ,وتغنيك عنها. ومزاراتها واجد وستسمتع بالجولات البحريه المتعدده
والمطاعم والشلالات.. والحدائق والدبابات و والشواطي والمرتفعات..والبرشوت والالعاب البحرية ..والتلفريك والقرية الشرقية.
ممكن يكون جدولك هالسنه
2سلانقور
4لنكاوي
4كوالا.
وفيما بعد تزور ايبوه وبينانغ وكاميرون باذن الله.
وبقية الاعضاء يفيدونا.. كازامي

assaf99
assaf99
جزاك الله خير الجزاء
اللي اعرفه ان سلانجور وكوالا نفس الشيء اذا نكنسل وحده منها واذا عن المده ماعندي مانع ازود يومين
ولاكن هل يوجد منتجعات في لنكاوي فيها هالخصوصيه وتتكون من نظام فلل مع وجود مسبح بهالسعر اذا يوجد افيدنا جزاك الله خير

kazami
kazami
كوالا وسلانقور جنب بعض .. ولكن تتميز سلانقور انها اقرب للمطار وفيها الالعاب المائية الشهيرةللك الاغلب يحطها بداية الجدول يومين فقط. لانه واصل من سفر طويل ومتعب ويحتاج الراحة وايضا باليوم التالي يزور الالعاب.
وثم يرجع للمطار ويكون اصلا قريب منه وهذي ميزه ثالثه.
كوالا نجعلها بالاخير لان فيها التسوق والمزارات المختلفة وهي كبير وخمس ايام ماتغطيها
ولوجعلنا كوالا اولا وتسوقنا وقضينا الهدايا فراح تصعب عليك التنقلات وتزيد الشنط وتدفع زياده بالمطار اثناء الرحلة الداخلية
عشان كذا مكانها بالاخير.
واسعدتني بانك تقدر تزيد يومين لانه بكذا راح تقدر تبني جدول حلو.
بالامكان مواصلة الرحلة اذا كنت مصر وتتجه لنكاوي 3ايام وللمعلومية فندق الوستن يقدم فلل بمسبح .
ثم الى المدينة الثانية بالطيران او العبارة البحرية
و3ليال بينانغ
ثم بالباص او التاكسي الى
ايبوه ويومين بالمنتجع
ثم ايضا بالباص او التاكسي الى
كوالا وبقية الايام وتقضي بقية الايام
وبالامكان زيارة سلانقور والالعاب المائية.
ايضا الجدول السابق اذا الغيت مواصلة الرحلة
يمكنك سحب يوم من مدة كوالا لصالح سلانقور في البداية وتخليه يوم واحد للراحة
وياليت تحجز رحلة وصولها الصباح على 8ص.
وتتجه للصن واي وتحط عفشك وتنزل الملاهي وتلعب الى العصر ثم تطلع تاخذ فره بالبراميد وعلى المغرب
غداء عشاء وبعدها تصلي جمع وقصر المغرب والعشا ونوم واليوم الثاني الى لنكاوي.
1سلانقور
3لنكاوي
3بينانغ
2ايبوه
3كوالا.
العالم بين يديك (الموسوعة الماليزية ) https://artravelers.com/p/re/907588
كازامي

assaf99
assaf99
جزاك الله خير ياخوي
اتعبتك معي تقريباً لقيت البرنامج المناسب وان شاء الله راح يكون التخطيط على هالجدول
وفقك الله لما يحب ويرضى


خصم يصل إلى 25%