لندن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مســك
17-12-2022 - 05:05 am
  1. السلام عليكم ورحمة الله وبركاته

  2. حبيت أكتب لكم شي خفيف عن هذا الفندق الجميل وأتمنى أنكم تستفيدون منه .


السلام عليكم ورحمة الله وبركاته

حبيت أكتب لكم شي خفيف عن هذا الفندق الجميل وأتمنى أنكم تستفيدون منه .

بالبداية وكالعاده بحث ومقارنة أسعار لكن هالمره كانت طلعه عائلية والترتيب لطلعة عائلية يختلف بالمفهوم في الغالب عن طلعة الشباب دشيت على ترب أدفايزر ومنتديات وشفت أن الأفضل بالتقييم بشكل عام هذا الفندق وماخذ المركز الأول في ترب أدفايزر على مستوى لندن أخذت أسم الفندق كل التقييمات كانت أجنبيه توكلت على الله وحجزت فيه شقة من غرفتين وصاله كبيرة مطلة على نهر التايمز والبريدج تاور يستاهلون الأهل كل خير منك وما تتحزر على فلس ودينار تدفعها لراحتهم ووناستهم .
قارنت الأسعار بين المواقع وكان أكبر فرق بينهم 3.400 على مجموع الليالي وبحكم أن ماعندي الا حساب بوكنيق ماكان فيه إغراء ومبلغ كبير وحجزت عن طريق بوكينق حجز غير مسترد لفرق السعر الكبير .
الفندق ضمن قائمة G بس للأسف كانت تشمل الشقه من غرفة نوم واحده فقط .

تلاحظون خصم جيد تقريبا 74 دينار لكن للأسف ما تشمل الشقق الكبيرة
بحكم أن الحجز غير مسترد خلال يومين خصمو المبلغ من الفيزا ,ارسلو لي على الأيميل ورسالة SMS

وهذا تقييمي للفندق

وهنا تقييم من إخوة خليجيين

وهنا الإستقبال

وهذي الحمامات أعزكم الله

موقع الفندق عند التاور بريدج بعيد شوي عن السنتر لكن موقعه هم وايد حلو وكل شي موجود صوبه كوفي أندرقراوند وهم الملينيوم إذا حبيت تاخذ جولة في نهر التايمز و اهي ملاصقه للفندق .

وهذا ستاربوكس عند الباب

وهذا بعد

وهذي البقالة المشهورة وتبعد 100 متر يفصل بينها وبين الفندق تاور أوف لندن فقط

وهذا حق مراقبتنا الخليجية

وهذا مطعم ماجربته بس هم قريب

ما قدرت أصور الغرف لأني صورت بثالث يوم وماكان فيه مجال بس أخذت صورة من النت للمطبخ

المطبخ متكامل 100% ومجهز
كل الأشياء اللي قلتها هي بمحيط 50-100 متر أقل من دقيقة مشي .
أعذروني على العفسه وإن كانت الأفكار مو مرتبه لكن أتمنى الصورة وضحت والإنطباع عن الفندق واضح .
بالتوفيق لكم جميعا ,,


التعليقات (8)
فيصل
فيصل
شكرا لك علي ذكر التجربه
ان شاء الله تفيد اعضائنا
ما قصرت

ابو طلال*
ابو طلال*
مشكور يالغالى الفندق رائع اتمنى تعم الفائده من تجربتك

Emadrabee12
Emadrabee12
فندق روعة
وماقصرت بهالموضوع بإنك تفيد الأعضاء
كل التحيات والتقدير لك

آخـــرفـــرصــة
آخـــرفـــرصــة
ما شاء الله فندق رائع
و موقعه ممتاز
يعطيك 1000 عافية

توبليرون
توبليرون
شكرا للاهداء اخوي مساعد
ويعطيك العافيه على هالفندق الروعه
المكان وايد عجبني
وتغيير عن السكن في الاماكن المعروفه
انزين بسألك عن لون الدم
شسالفته ؟؟
وياريت اذا عندك صور للاماكن السياحيه القريبه من الفندق
او حوالينه
شكراا لك

قايد
قايد
شكرا ياغالي
جدا روعه
الله يعطيك العافيه

الايماان
الايماان
الشقة شكلها نظيف وايد ومرتبه
والمطبخ مجهز بالكامل
احسن بوايد من شقق الاجوارد رود التعيسه
شكرا على نقل التجربة

مســك
مســك
فيصل
الله يعافيك ويحفظك أتمنى أعجبك


خصم يصل إلى 25%