فرانكفورت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
دحوم بريدة
16-12-2022 - 12:06 am
السلام عليكم اخواني ...ولله الحمد تم حجز تذاكر السفر (الرياض فرانكفوت الرياض)
لمدة 18 يوم ، ما ادري وين اروح بالظبط واخاف اني احط مخطط واسحب على اشياء مهمة ..
طبعا حنا عائلة 5 كبار وطفلين ورضيع ..
حطيت مخطط مبدئي ويا ليت تعدلون عليه واذا فيه مدن طبيعية روعة تذكرونها لي واكون شاكر لكم ...
فرانكفورت (يومين)
الغابات السوداء (4 ايام) ومنها يوم لليوروبا بارك


التعليقات (8)
qa6ar911
qa6ar911
دحوم بريدة
مرحبا اخوي يالله حيه
يبغيلك شغل ههه
اول شي اخوي غلط تروح وترجع من فرانكفورت
اذا نزلت في فرانكفورت لاترجع منها
يا ان ترجع من ميونخ او زيوريخ
وبكون خط الرجعه حسب ترتيبنا للمناطق
بس ممكن اعرف شنو وسيله النقل لكم سياره ام قطار
عشان نقدر نفيدك اكثر ونرتب لك الاماكن

دحوم بريدة
دحوم بريدة
qa6ar911
هلا والله اخوي
صراحة بما اننا عائلة كبيرة ومعنا رضيع اقل من سنة مشترطين الاهل الرحلة تكون دايركت لان نزولنا وطلوعنا بيكون صعب ، وزيورخ ما فيه دايركت للرياض ، وميونخ ما فيه على الخطوط ، عشان كذا فضلت البداية والنهاية من فرانكفورت بالذات ان المسافة من ميونخ معقولة (4 ساعات) ، ناهيك لو سلمتها في ميونخ رسوم الإرجاع
وسيلة التنقل سيارة بالتأكيد
بانتظارك اخوي

qa6ar911
qa6ar911
ياهلا وغلا اخوي
متأكد اخوي ماعندكم رحلات دايركت على خطوطكم من ميونخ او زيوريخ ؟؟
على العموم اذا بغيت خط السير بناء على المناطق الي تبغيها هي كالتالي
فرانكفورت
ثم
ميونخ
ثم
زيلامسي
ثم
انسبورك
ثم
انتر لاكن
ثم
يوروبارك
والسكن اما في مدينه رست
او ستراسبورغ
وبعدها العوده مره اخرى الى فرانكفورت طريق العوده
سؤال
تأكد من الخطوط في خط رجعه من شتوتغارت ؟؟
او عطني على اي خطوط هل هي السعويه
عشان اشوف لك اقرب مطار
وبالتوفيق

دحوم بريدة
دحوم بريدة
يعطيك العافية أخوي ، جميل جدا الترتيب ..
حنا على الخطوط السعودية ما لقيت دايركت ، لقيت على خطوط ثانية بس نفضل السعودية

daayem1
daayem1
فعلا الخطوط السعوديه ما تطلع الا لفرانكفورت وبصراحه انا افضل الطيران المباشر يريحك جدا ويحافظ على وقتك وجهدك ولكن وبما انكم عائله كبيره ما شاء الله انصحك بقوه لا تسوي محطه يوم او يومين لان البحث عن سكن بيكون صعب عليكم كذلك التنقل
انصحك بالبرنامج التالي
الوصول الى فرانكفورت والانتقال مباشره الى بادن بادن المسافه من المطار ساعه ونصف فقط وهي مسافه مقبوله خصوصا ان طيرانكم مباشر ووصلوكم سيكون ظهرا
قضاء 4 ليال في هذه المنطقه
الانتقال بعدها الى منطقة انترلاكن 3 ساعات بالسياره
وقضاء 5 ليال
الانتقال بعد ذلك
منطقة بحيرة كونستانس لانها تقع في الوسط بين انترلاكن وزل امسي كما انها منطقة جدا جميله ورائعه وافضل بكثير من انسبروك يومكن عمل عدة برامج منهازيارة شلال الراين وكوخ هايدي وزيورخ وبريقنز النمساويه ويفضل السكن في بريقنز
وقضاء 2 الى 3 ليال
ثم الى زل امسي
وقضاء
5 ليال
واخيرا الى شتوتقارت ((جميله ورائعه وقريب منها اوت لت من اجمل واكبر الاسواق في المانيا )
ومنها الى مطار فرانكفورت مباشر ساعتين بالسياره

دحوم بريدة
دحوم بريدة
daayem1
فعلاً اخوي مخططك رائع ومناسب جدااً للعوائل ..
لكن وش رايك لو شلت شتوتقارت وحطيت بدالها ميونخ ؟
لأني شفت قوقل ماب السفر بالسيارة لزوم نمر على ميونخ فأتوقع انها افضل ،وبرضوه الأوت لت حق سالزبورغ اتوقع انه اروع

دحوم بريدة
دحوم بريدة
بالنسبة لستراسبورغ الفرنسية ، هل النقاب مسموح هناك أم ان القانون الفرنسي لا يزال يمنع النقاب ؟

daayem1
daayem1
لن تجد في المنطقة افضل من هذا الاوت لت جامع بين الطبيعه وتنوع الماركات والمتعه بالتسوق https://www.youtube.com/watch?v=K9IeYMcyDbI
وكلامك صحيح الطريق يمر ميونخ ولكن اذا انتم مثلي ما احب الزحمه والمدن الكبيره
انتم وما يناسبكم وكثرة تغيير السكن متعبه
واذا بتسوي مثلي وتسكن على بحيرة walchsee
موقعها استراتيجي وقريبه من اهم الاماكن
زل امسي
سالزبيرق
انسبروك
ميونخ
تبعد ساعه وشوي عن كل وحده فيهم


خصم يصل إلى 25%