ميامى المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
MD_M006
16-12-2022 - 03:48 pm
السلام عليكم ورحمة الله و بركاته
أتمنى من أخواني الاعضاء الافادة
خطتي بإذن الله لشهر العسل الصيف الجاي شهر Aug على فلوريدا
أورلاندو 10 أيام
ميامي 2-3 أيام
ورحلة كروز 7 ليال لجزر البهامز
اتحمست لها بعد رحلات مشرفنا Impact الجميلة
بس عندي شوية استفسارات
1- في موقع Royal Caribbean ما رأيكم في independence of the seas هل هي رائعة بقدر Freedom of sea
2- الجو في جزر الباهمز في August ؟
3- كيف أعرف النشاطات المتوفرة على السفينة و كيف احجز لها ؟
4- الترفيه عند الوصول للجزيرة هل كل واحد على كيفه و لا في انشطة محددة ؟
4- غرفة Superior Ocean Vs Deluxe Ocean
5- لمن احجز للغرفة ما فهمت ايش المقصود ب 2 او3 او حتى 10 D
6 -هل السعر يشمل الترفيه و المطاعم ** أو في الانشطة و محلات لها اسعار مختلفة *** ؟!!
أرحب بأي اقتراح لرحلتي منكم


التعليقات (8)
Muneera.bh
Muneera.bh
اورلاندو و ميامي بشهر اغسطس مايصلحون

MD_M006
MD_M006
Muneera.bh
أشكرك على مرورك
اختياري لفلوريدا بحكم نشاطاتها الترفيهية المتنوعة اكثر من ولايات امريكا الاخرى و دول اوروبا
صحيح أن الطقس حار ورطب في فترة الصيف على ميامي و اورلاندو
لكن الكثير من الاخوة الاعضاء كانت سفرايتهم ما بين June - Aug
و استانسوا كثيير

aLKuwaitia
aLKuwaitia
  1. في صاله الالعاب تكون برسوم .. ماذكر في شي ثاني برسوم بعد


MD_M006
و عليكم السلام
الرويال كاريبيان اختيار موفق لكل المسافرين
بس كشهر عسل ليش تختار اورلاندو و ميامي؟ في مناطق مناسبه اكثر لشهر العسل .. انا اشوف اورلاندو عائليه مع اطفال مناسبه اكثر من شهر عسل ..
يعني ليش ما تخلونها لوس انجلوس .. لاس فيقاس .. سان دييقو .. نيويوورك .. هاواي .. الخ
1- جربت الاندبندس اوف ذا سيز العام في رحله باوربا .. روعه مثلها مثل كل سفن الرويال كاريبيان ..
2- في شهر 8 الحراره توصل في 30-32 يعني حر .. بس مناسبه للبحر و السباحه ..
3- الانشطه علي السفن ترا متقاربه بدرجه 80 الى 90 .. لان في اشياء اساسيه بكل السفن .. و من خلال الموقع الرسمي للرويال كاريبيان تقدر تشوف كل التفاصيل الخاصه في رحلتك و في السفينه اللي بتحجز عليها
4- بالنسبه عند الوصول الخيار لك .. الكروز راح يكون عندهم جدول رحلات لكل محطه وصول .. يا تحجز معاهم او تروح بكيفك .. اسعار رحلاتهم اغلى من لو تاخذها من برا .. بس اذا انت تبي شي مضمون و مرتب و ما تحاتي موعد الرجوع للباخره تحجز معاهم .. احنا حجزنا وياهم مره او مرتين و الباقي بروحنا .. اللي بروحنا استمتعنا اكثر
5- لما تحجز الغرفه لاتهتم وايد بهالكود لان هذا تصنيف الغرف لهم .. انت بس شوف تبي مع دريشه او بدون او مع بلكونه و موقعها علي خريطه الباخره
6- السعر يشمل معظهم الانشطه علي السفينه .. و كل الوجبات و السناكات المتوفره 24 ساعه علي الباخره .. في اشياء برسوم لكن اشياء اضافيه مثل المشروبات الغازيه و العصائر الخاصه .. و مثل مطعم جوني روكتس .. في مطعم للستيك ايضا برسوم .. في محل للكب كيب و الايس كريم بفلوس .. لكن صراحه ماراح تحتاج ابدا تدفع شي لان الاكل و الانشطه المجانيه فوق المطلوب .. بالدور ال11 في مطعم البوفيه لكل الوجبات في كل ما لذ و طاب و اي شي تطلبه يوفرون لك اياه و مناسب لجميع الاذواق .. 3 وجبات باليوم غير بوفيه الوجبات الخفيفه اللي بين الوجبات .. في الدور الخامس ايضا في كافيه شاي و قهوه و ماكولات خفيف فاتح 24 ساعه مجانا .. في مطعم بيتزا ايضا بالخامس مشمول بالسعر مفتوح 24 ساعه ..
و الانشطه طبعا مع العروض و المسرحيات و الشو اليومي و الجيم و غيره مشمول بالسعر

في صاله الالعاب تكون برسوم .. ماذكر في شي ثاني برسوم بعد

7- الفرق بين الديلوكس و السوبيرير الفرق بالحجم و بشي بسيط .. غالبا السوبيرير اكبر بشي بسيط لان يكون فيها سوفا ممكن تصير سرير ..
و اي سؤال تفضل .. علي فكره في السفينه اليديده كوانتم اوف ذا سيز .. يسمونها عالم الاحلام .. غير عن كل السفن و كل شي فيها واو .. حاجزين فيها ان شاء الله حق شهر 1 .. اذا حصلت عليها اي رحله مناسبه لوقتك لا تتردد تحجز فيها

MD_M006
MD_M006
aLKuwaitia
يسلمو الف شكر
إجابتك ساعدتني كثير
و شوقتيني اكثر للسفينة الجديدة
روعة ما بعدها روعة
بس للاسف ما اقدر احجز عليها
شاكر لك معلوماتك

MD_M006
MD_M006
Port Canaveral, Florida; CocoCay, Bahamas; Charlotte Amalie, St. Thomas; Philipsburg, St. Maarten; Port Canaveral, Florida
هل خط الرحلة يحتاج فيزا غير الامريكية ؟

أبو جنا
أبو جنا
^ ^مع الرويال كاريبيان ماتحتاج فيزا لأي جزيرة

روميو1980
روميو1980
اولا مبروك مقدما . بعد اذن صاحب الموضوع لاني مهتم بامر الباخره ماالاختلاف في مسميات البواخر كلها تحت شركه رويال كاربييان والاختلاف فقط في مكان التحرك ام ايضا من الداخل هناك اختلافات اعتذر عن الاطاله بس حبيت افهم الموضوع لاني بجهز لشهر العسل

aLKuwaitia
aLKuwaitia
روميو1980
تختلف البواخر من داخل كل فئه عن ثانيه
لكن الاختلافات مو كبيره و جميعها علي مستوى عالي يليق باسم رويال كاريبيان


خصم يصل إلى 25%