ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
m_alraja
13-12-2022 - 05:51 am
السلام عليكم اعضاء المنتدى الجميل ،، اسعد الله اوقاتكم بخير ،، اشكر لكم مشاركاتكم وموضيعكم الي استفدت منها كثير ،،
بأذن الله ناويت الذهاب لشهر العسل واخترت الوجهة لساحرة اسيا ماليزيا ،، اردت السؤال عن الحجز لتذاكر والفنادق ،،هل اتعامل مع مكاتب تقوم للحجز لي ،، او احجز انا بنفسي عن طريق البوكنق ومواقع الخطوط ،، ايهم افضل ،، انا بحيره من امري ؟؟ دلوني اخواني ،، ولا مانع من نصاىحكم عن اماكن ماليزيا الجميلة !!
شاكر ومقدر لكم


التعليقات (7)
kazami
kazami
بصراحة وبكل وضوح.. انت رجال ميسور جدا وتبي كل شي جاهز وعادي عندك تبديل الاسعار فروح مكتب.ولكن ستاحتاج ان تثقف نفسك عشان لو سحب عليك المكتب او انت ضعت او لخبطت يكون عندك خلفيه وين انت ووش هي رحلتك وماهو فندقك؟.
او تبي ترتب برنامجك بنفسك باسهل مماتتوقع وتكون فاهم وين تروح ووين تجي ووش هي الاماكن الممتازة وكم الاسعار وماهي الاسماء للمناطق
والمطاعم الكويسة وتحافظ على بيزاتك ودراهمك وتستانس صح وتوفر كل قرش لتنبسط مع عروستك
فخلك معانا بالمنتدى وماتندم.
شوفني واحد من اعضاء المنتدى نسقت رحلتي الحالية من هالمنتدى فقط وربي يشهد واكتب لك الرد هذا
من كاميرون هايلاندز في ماليزيا وبروح انام الان.
والحمدلله المنتدى وضح لي وللجميع كل شي وببلاش.ورحلتي زي اللوز.
كازامي

himzmz
himzmz
اخي الفاضل زي ما قال لك اخويا البطل كازامي
رتب رحلتك بنفسك واختار فنادقك بنفسك من مواقع الحجز بالنت وا خوان راح يساعدوك
انت بس حط المدة بالضبط وميزانيك للفنادق والصرفيات دون الهدايا والتسوق
وراح تشوف المساعدة من ا خوان

ابو جوري و جوان
ابو جوري و جوان
اخي الغالي الف مبروك مقدماً وربي يسعدكم
اخواني ماقصرور معاك بالردود واتمنى ترتب برنامجك بنفسك افضل من شركات السياحه ( موسهم حاد جداً )
وهمهم الاول والاخير الدراهم المهم انت احجز الطيران الدوالي وماعليك كلنا معاك احجز لمدة من 12 الى 15 يوم كافيه انك تنبسط هناك
وبرنامج راح يكون مرتب باذن الله توكل على الله ولا يهمك ننتظر الحجز

ابو جوري و جوان
ابو جوري و جوان
للتنويه ملاهي جنتنج الخارجيه مغلقه للصيانه لمدة ثلاث سنوات
الموجود هناك الاجواء البارده والملاهي الداخليه ومزرعة الفرولة
وبامكانك النزول للقرية الفرنسيه
ودمتم بخير

ولد_الشرقية
ولد_الشرقية
نصيحة انحش من المكاتب,انا الحمدلله رحلتي في نوفمبر وحجزت كل شي من النت بفضل الله ثم الشباب هنا,
تصدق المكاتب صح يقولون لك نحجز فندق خمس نجوم بس تطلع ابو طقه يعني مو فخمة بعكس لما تختار انت,ثاني شغله فيه موقع يطلع لك ارخص تذاكر طيران او فنادق ,
بإختصار ابو يوم يومين انت حاجز كل شي,ولاتفكر تاخذ وقت اهم شي المدن والوقت بالنسبة للترفيه بعدين تنسق

m_alraja
m_alraja
اشكرك اخوي كازامي ،،وترجع يارب بالسلامه،،انا كنت متخوف من اني احجز بنفسي لعدم توفر خبره لدي ،،وخايف من الاخطاء الي بتكون فادحه وخاصة انك بسفر ،،ان شاء الله بنزل جدول الرحلة والمدن الي بنروح له ،،راخذ تجارب اخواني بالمنتدى ما قصرو ،،اشكرك مرة ثانية اخوي

m_alraja
m_alraja
himzmz
ان شاء الله برتب الجدول بنفسي واستفيد من تجارب اخواني بالمنتدى ،، مشكور على الرد اخوي


خصم يصل إلى 25%