بسم الله نبدا من هنا من قلب الطبيعة النابضمن زيزا التي على القلوب عزيزا..
ابحث اليكم اطهر سلام .. فالسلام عليكم ورحمة الله وبركاته.
ارجوا ان تكونوا جميعا باحسن حال.
والله ماقدرت انقطع عن المنتدى خصوصا يوم لاحظت بعض الاشياء المهمه.
وكل شي بوقته حلو..لكن موضوع تكسي المطار اشوف انه مهم وعاجل خصوصا لكل من سيسافر,
فموضوعي هذا ذو شقين . وبعطيكم منه الان مجرد كلمات على الطاير وحين
عودتي انزل الصور واكمله .
وفيما بعد ايضا
بتكلم عن طريقة المرور من المطار الى الفندق.خصوصا ان اليوم واجهت نصف الشباب
موعارف وين يروح .واتذكر ايضا ان في قسم الاستفسارات عدة مرات يرد السوال
كيف يكون الخروج من المطار؟ ووين نروح؟.
المهم
تاكسي المطار.. بعد ان اخذت الشنط من السير توجهت الى مكتب التكاسي الذي يكون
في طريقك وانت متجه للخروج ووجدت عليه زحمة . لوحىه سوداء والكتابه صفرا اظن.
ورايت علامات الغضب والحيرة والنرفزة في اغلب اللي يقصون التذكرة
ويوم وصلت قالت لي التاكسي الى فندق ريومز ب170رينقت ..بالقوة بلعت ريقي وسالتها ريومز داخل حدود سلانقور لايكون فهمتي انها بتايلند. والسبب لانه ماكو غير سيارة عائلية
واذا دقرت معها وصايحت وحاولت. قال به سيارة صغيره لكن بنفس السعر او اقل حبتين.
. تركت المكتب وحلفت مااركب لو اروح رجل.
قلت بنزل تحت اشوف الباصات.
تجاوزت البوابة الزجاجية اللي عندها العسكر. ولقيت قدامي عالم صافين ينتظرون اهليهم واحبابهم
ووراهم بوابة الخروج. لكن انا اخذت يمين من قبلهم.. من عند محل دونات ومشيت الى المصعد
اللي هناك. ولاحظت باللوحات مكتوب تاكسي.
نزلت دور واحد فقط باللفت. وثم خرجت وكان بيميني سلم كهربائي ينزل تحت ونزلت معه.
تقولون ليش مانزلت بالمصعد على طول الى الدور الارضي.
بقولكم ان الدور الارضي مقسوم لان المترو يمر بوسطة. فالمصعد ينزلك جهة المترو وليس جهة الباصات فعشان كذا نزلت دور واحد والثاني سلم كهربة. ويوم وصلت تحت
تفاجات بمكتب صغنون او عبارة عن طاولة وعندها موظفة ..وقلت ابي تكسي.
قالت التذكرة ب2رنقت. وتركب التاكسي وبالعداد تحاسب راعي التاكسي. قلت تم بدون اي تفكير
واخبرتها اننا اربع افراد ولازم تكسي كبير قالت كبير صغير سيم سيم.
بالفعل الشنط اربع وماكفتها السيارات الصغيره فاخذنا انوفا تقريبا ووصلت الفندق وحاسبت ب49رينقت. نعم بدون ماتفركون عيونكم 49رينقت ويابلاش.
طبعا المطر موجود ظهر وبعد العشاء ولله الحمد والجو رائع.
كازامي