كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ahmed.gh69
10-12-2022 - 07:49 pm
بسم الله الرحمن الرحيم ...
رحلتي بعد اسبوعين تقريبا الى ماليزيا ... وكل شي تمام من ناحيه الحجوزات وكلفتني حجوزات الفنادق مع التذاكر الدوليه والداخليه تقريبا 15 الف وشوي حق 11 يوم لشخصين , طبعا على الخطوط الاماراتيه
جدول الرحله / سلانجور (ليلتين ) بيننق (3 ليالي) لنكاوي ( ليلتين) كوالا ( 4 ليالي)
الفنادق سلانجور (sunway resort)
بينينق ( Golden sand )
لنكاوي ( برجايا )
كوالالمبور ( رتز كارلتون )
اول شي اتمنى احد يفيدني بسعر تكلفه حجوزات الطيران والفنادق هل هي مناسبه؟ او مبالغ فيها !!
واتمنى افادتي في الاماكن السياحيه والمطاعم الممتازه في كل مدينة على حسب الايام الي كاتبها
علشان اروح هناك اعرف وين اروح ووين اجي ^_^ خصوصا انه اول مره اروح لماليزيا, لاني
دخلت على تقارير بعض الاعضاء في رحلاتهم لكن اختلاف عدد الايام خلاني اتوه ولاعرف اخلي الافضليه في الروحه ل وين .. ^_^
وبرضه ابغا اسأل عن الافضل في صرف الفلوس للعملة الماليزيه هل افضل اصرفها من هنا قبل اسافر او بمطارهم اصرفها او افضل طريقه بهالموضوع !!
وياليت تفيدوني على موضوع المواصلات والشرايح هناك واذا في اي معلومات او افاده ياليت تتطرحونها الله يجزاكم خير ..
ولكم جزيل الشكر


التعليقات (2)
kazami
kazami
حياك الله يابرنس..
1- سامحك الله ..لنكاوي تخليها ليلتين ليه كذا؟ كسرت خاطري.. الا اذا كان هالشي لغلاء لنكاوي ممكن اقبل.
2- 15000ريال ..مناسبة وزايدة حبتين فانا حجزت مده اطول منك وطيارتين داخلية وباصين وخمس مدن مع تذاكر الطيران الدولي والفنادق ب12000 واقل.
يمكن الفرق عندي فندقين اقتصادية والتذاكر عندي ارخص.
3- البيراميد كله مطاعم وعندك العالمية المشهورة ماك وكنتاكي وايضا فش ماركت وباباجونز.
4-لنكاوي المطاعم متعده عندك صاقر الهندي والتلاقي والسلاطان وباباندام والفيشاوي.
5- بينانغ الباتوفرنجي كله مطاعم عمرالخيام والصحراء والطربوش و
6-كوالا شارع العرب مليان وبافليون ومجمع سوريا والتايم سسكوير تجد فيها ككل ماتريد من مطاعم.
7- الاماكن السياحية تجدها بالاستفسارات والتقارير خذ مايناسبك بعد القراءه عنه.
8- الصرف من بلدك افضل واحسن ..وتجنب المطار.
9- المواصلات التكاسي مثل الرز وخذ لك ياصاحبي ارقام للسواقين وخلها معك. تلاقيها بالتقارير.
10-الشرايح متعدده ومتنوعه وشوف اللي يناسبك.. لكن هوت لنك جربته وكانت زينه بالاتصال والاعضاء يمدحون سيلكوم.
كازامي

REWQ35
REWQ35
فندق برجايا أكثر من رائع
خصوصا أذا حجزت sea view chalet
قريب جدا" من التلفريك والفندق يوفر موصلات


خصم يصل إلى 25%