الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
aljaamh
23-04-2022 - 11:05 am
بسم الله وعلى بركة الله0000
هذى مشاهداتى لمطعم فريج صويلح ،اول ماتفتح الباب الخارجى للمطعم ،يصادفك ازعاج وهيصه وزنبليطه:112: ،
وهذى صالة بلياردو للشباب ،امامك سلم كهربائى ،تصعده الا فى وجهك
باب المطعم ،تستقبلك سيلانيه حنطاوية الشكل ،لا تعرف كوعها من بوعها
لابسه اللباس الكويتى القديم ،تتكلم بالاشاره ،والجراسين اكثر من الزبائن ،ولكن كثره بدون بركه
،للاسف الشديد الكبائن قليله ،وغير مريحه ،وصغيرة الحجم ،طلبت مرقة بالول مع مرقة ربيان
تتفاجأ انه لا توجد مشويات الا شيش طاووق ،وهذه اول مره تحصل لى انى ادخل مطعم ولا اجد مشويات ،يدخل عليك صويلح لابس غتره ووزار ،ويقول :بابا يبى قهوة،نشمى بن الحلال،للامانه الاكل
لا يعلى عليه ،ولكن الخدمه تعبانه ،والجراسين معطينك طاف،والاسعار مقبوله
كان ودى صور لكن فى المره القادمه
دمتم بخير


التعليقات (9)
رحــــال
رحــــال
اعتقد بان هذا المطعم للأكلات الشعبية شي طبيعي مايكون في مشاوي علشان مايصير مطعم لبناني

aljaamh
aljaamh
حبيبى رحال 0000
المنيو عندهم فيه مشاوى ،ولما طلبت قالى خالص الكباب والتكه والريش
الموجود فقط شيش طاووق ،وهذا اللى كدرنى ،مطعم له سمعته ،يقولك خلصت المشاوى
بس عندى شيش طاووق

المرام
المرام
مشكور عالمعلومه....
و اي مطعم بالعيد يكون زحمه

deshe1
deshe1
اخوي ممكن تقولي وين صاير هالمطعم بالضبط؟؟

مسافرة كويتية
مسافرة كويتية
هلا فيك اخوي
وعليكم بالعافية
المطاعم بالعيد بالكويت دايما زحمة خصوصا على العشاء معنها وايد ومنتشرة بالديرة

sout_almo6ar
sout_almo6ar
أنا بشارك وياكم . و بقولكم وين صاير المطعم . شارع سالم الميارك ! بالسالميه
قبل المارينا 150متر تقريبا .......... وأنت ياي من الأشاره من صوب سلطان و ومجمع زهره !
والبنك والوطني فرع (الرأس) . مجمع شاهه .... الأشاره أطوفها 40 متر راح تشوفه عاليمين .
علي أني ما رحتله بس شفت أسم المطعم فبل لا يفتح .وكان مكتوب قريبا الأفتتاح
&& عاد اللي يبي رووحله يعزمن &&
&&&&&&& صوت ا لمطر &&&&&&&

deshe1
deshe1
مشكور اخوي على المساعده عاد تصدق والله السالميه ماطبتها صارلي تقريبا 3 شهور ههه انت قصدك يمكن صوب مقهى علاء الدين سابقا مادري هدموه ولا بعده موجوده يمكن صوبه هناك وانت واقف عند الاشاره مالت مجمع زهره تشوفه جدامك صاير على الزاويه

aljaamh
aljaamh
هلا وغلا المرام00
انستى وشرفتى

aljaamh
aljaamh
deshe1 هلا والله
مثل ما وصفك صوت المطر بالضبط0000
واذا رحت لا تنسى تعزم صوت المطر


خصم يصل إلى 25%