اندونيسيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
rrr224
14-12-2022 - 08:41 pm
السلام عليكم ورحمة الله وبركاته
اخواني اواجه بعض المشكلات
حاب احجز في طيران ليون بالفيزا لكن ماتقبل ما ادري ليه طبعا بحثت وبعض الاخوان قالوا هذي مشكله عامه طيران ليون مايقبل فيزا السعوديه ولكن في موقعهم الرسمي يذكر ان استخدام الفيزا متاح ما ادري ايش العلم وناس قالوا ممكن تحجز وتسدد عن طريق البنك المهم اني محتاس بقوه فكرت اغير الى طيران ثاني وحصلت اغلى طبعا وغير كذا اوقات الاقلاع غير مناسبه لي بحثت في اير ايسيا والجارودا والطيران الجديد ماحصلت مناسب لي الا في ليون
مادري ايش اسوي وهل احد يقدر يفزع لي في الحجز
بالنسبه لسواقين محتاس ابي سواق في الجبل وباندوق وبالي والاهم السواق اجودي السواق احد اسرار نجاح السفره بعد الله
لو احد يعرف لا يبخل يرسل خاص عام اللي يجي اهم شىء لا تخلوني سفرتي العام الماضي ماليزيا كانوا سواقين مايتكلمون عربي كان بالانقلش مع العلم ان لغتي في الحضيض لكن خارجت حالي ومشت الامور ماادري هل بتمشي هالمره في اندنوسيا
الاهم يرسل مجموعه لو ماحصلت الاول احصل غيره
رحلتي يوم 15 سبتمبر والعوده 2 اكتوبر
اتمنى ما اكون طولت عليكم


التعليقات (8)
الطائر_الجوال
الطائر_الجوال
ههه اضحكتني والله .. لغتك في الحضيض هاه
عموما .. بتحصل من يعطيك ارقام سائقين ..
بصراحة لا يوجد لدي ..

الحربي1427
الحربي1427
وعليكم السلام ورحمة الله وبركاته
والله وانا اخوك حجزت في الصيفية الماضية وانا في الجبل قبل الموعد ب 5 ايام عن طريق طيران ليون واحتست في التسديد مما جعلني استعين بالسائق ودبّر الحجز لي وسدد واخذ فلوسه من اليوم الثاني ماقصر الله يعطيه العافيه وبصراحة مااذكره الا بالخير صراحة ونعم الرجل ( اسمه ابو ابراهيم ) عمل بالمدينة المنورة 22سنه لكن سعره شوي غالي بالجبل 60000روبية لكن رجل يحترم ويلتزم بالموعد .
لك رساله ع الخاص برقمه وايضاً رقم سائق بالي السائق المحترم والمرح ( اسمه مشكور ) رجل مسلم من جاوا عمل بجده سنتين ومكه تسع سنوات سعره ب 350000روبية
وبالتوفيق ان شاءالله

rrr224
rrr224
هلا فيكم اخوي الطائر رغم اني لم احصل اجابه الى الان عن سؤلي لكن مادام ضحكتك العباره هذا بحد ذاته انجاز لي الله يوسع صدرك بالعافيه ومازلنا ننتظر الطحاطيح الشيوخ الكبار يردون علينا واسمحو لي على لهجتي وعباراتي البسيطه لكن مااحب الرسميات
شكرا للجميع

rrr224
rrr224
هلافيك يالحربي بيض الله وجهك والله سواق الجبل غالي لكن بكاسره وبيهديه الله
بس للحين ماجاني شىء على الخاص الرسائل 0

القعقا ع
القعقا ع
ممكن تكتب لي التواريخ وكم شخص ومن وإلى

الحربي1427
الحربي1427
هلابك زود
تفقد بريدك الحين

falmingo22
falmingo22
اخوى الحربي 1427 لو امكن ترسل لى رقم السائقين ولك جزيل الشكر طبعا على الخاص او اي احد ثاني لو تكرمتوا

rrr224
rrr224
يالبى قلبك يالقعقاع يابو الفزعات ولا يهون الباقين
شف طال عمرك
من باندونق الى بالي في تاريخ 24 سبتمبر حصلت انا رحله حلوه في ليون وسعرها حليو ووقتها مناسب الاهم الوصول بعد 13 الوقت عشان وقت دخول الفندق
بالنسبه للعوده من بالي الى جاكرتا في تاريخ 1 اكتوبر
طبعا انا والمدام يعني تذكرتين الله لا يهينك
انتظرك على الخاص العام اي مكان شكرا لك


خصم يصل إلى 25%