كاندي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Guyton
15-12-2022 - 01:08 pm
السلام عليكم ورحمه الله وبركاته
كنت حاجز انا وزوجتي رحله في تاريخ 3 سبتمبر ل (سويرا) من فتره طويله ومع الاسف ظروف انتظار قبولي في العمل واتمام اوراقي اجبرتني اتاخر في الفيزا وما قدرت اطلع فتكنسلت السفره ولعلها خيره
حاولت ادور بديل جميل وسهل
فكرت في سريلانكا بحكم انها ما تحتاج فيزا واوراق وبرنامج مطول
وحبيت استشيركم
ابي سفره اتمتع فيها باحضان طبيعه سيلان وفخامه فنادقها (شبه شهر عسل لانها ثاني سفره لي من زواجي)
هل اسبوع يكفي لسيريلانكا اذا كنت ماراح ازور الا نوراليا وكاندي وبنتوته
ولو قلنا اسبوع هل اخلي الترتيب يومين كاندي وثلاث ايام نوراليا ويومين بنتوته هل تشوفون التوزيع حلو او لا
ومن ناحيه السكن ايش تنصحوني (ودي بافخم فندق من ناحيه الفخامه والاطلاله) في بنتوته وكاندي ونوراليا
وهل 19 الف ريال شامله التذاكر تكفي للتكلفه للخطه الي رسمتها واذا ما يكفي كم يكفيني تقريبا
الفنادق بالبوكينج واقودا اغلبهم شامل الافطار بس كيف اقدر ازود وجبه عشاء بالحجز
افكر حجز قريب تاريخ 10 سبتمبر او 11 كيف ممكن يكون الجو
هل راح يكون حر في بنتوته ورطوبه مثل الشرقيه؟
كيف ممكن يكون الجو في كاندي ؟
نوراليا سمعت انها بكل وقت بارده؟ هل تحتاج جاكيت؟
من ناحيه السواق هل لازم احجز له غره زياده بالبوكينج ولا كيف؟
اتمنى تساعدوني لان اجازتي بتخلص وودي استغلها؟


التعليقات (3)
Usas
Usas
وعليكم السلام
هل اسبوع يكفي لسيريلانكا اذا كنت ماراح ازور الا نوراليا وكاندي وبنتوته
0ايام مناسبة جدا بالنسبة لي
ولو قلنا اسبوع هل اخلي الترتيب يومين كاندي وثلاث ايام نوراليا ويومين بنتوته هل تشوفون التوزيع حلو او لا
3 ايام كاندي
3 ايام نوراليا
3 ايام بينتوتة
آخر يوم بكولومبو (او بلدة نيجومبو القريبة من المطار)
ومن ناحيه السكن ايش تنصحوني (ودي بافخم فندق من ناحيه الفخامه والاطلاله) في بنتوته وكاندي ونوراليا
سلسلة فنادق تاج او سينامون ممتازة , فندق جراند بنوراليا او الشاليهات
وهل 19 الف ريال شامله التذاكر تكفي للتكلفه للخطه الي رسمتها واذا ما يكفي كم يكفيني تقريبا
ان شاء الله تكفي وتزيد
الفنادق بالبوكينج واقودا اغلبهم شامل الافطار بس كيف اقدر ازود وجبه عشاء بالحجز
ممكن بعد الوصول (طبعا برسوم اضافية) او مراسلة الفنادق
افكر حجز قريب تاريخ 10 سبتمبر او 11 كيف ممكن يكون الجو
المدن الساحلية حر ورطوبة - كاندي معتدل - نوراليا بارد
هل راح يكون حر في بنتوته ورطوبه مثل الشرقيه؟
نعم , والرطوبة اتوقع اكثر من الشرقية
كيف ممكن يكون الجو في كاندي ؟
معتدل
نوراليا سمعت انها بكل وقت بارده؟ هل تحتاج جاكيت؟
نعم
من ناحيه السواق هل لازم احجز له غره زياده بالبوكينج ولا كيف؟
السواق ممكن اخذه من المكاتب السياحية بالمطار (بعد الوصول)
اتمنى تساعدوني لان اجازتي بتخلص وودي استغلها؟
بالتوفيق ,,,

Guyton
Guyton
Usas
الله يسعدك يارب
طيب من ناحيه السواق هل احجزه من المطار اذا وصلت هناك ولا لازم قبل ما اسافر
وهل لازم احجز له غرفه بالبوكينق ولا مصروفه اليومي وبس

Usas
Usas
السائق ممكن اخذه من المكاتب السياحية بالمطار (بعد الجمارك) , السعر عادة حوالي 55 دولار باليوم شاملة المصروفات والوقود , والسكن حسب الاتفاق (عادة مشمول بالسعر)


خصم يصل إلى 25%