السلام عليكم ورحمة الله وبركاته اسعد الله ايامكم ولياليكم
لا اطول عليكم انا حبيت انزل تجربتي مع فيزا الشنغن من فرنسا اليوم الصباح
بتاريخ 28.08.2014
طبعا في البداية انا كنت افكر اسويها عن طريق مكتب تاشيرات
ولما بحثت في ينبع بحكم مقر عملي وجدت ارخص مكتب قال يسونها لي ب 1200 ريال للجواز الواحد
ف قلت الموضوع مايستاهل كلها شوية حجوزات وتامين طبي وورقة تعريف من العمل
وكشف حساب وطبعا حجز موعد ..
في البداية حجزت موعد بتاريخ اليوم الساعه 9:00 وأول مشكلة ان ورقة الموعد ماهي راضيه تطبع
فتواصلت معهم عبر الرقم 920024259 وكانو بصراحة سريعين الرد وفاهمين
فلما عرضت عليهم المشكله ان ورقة الموعد ماتطبع والمشكلة من الموقع
قالتلي عادي الموظف عنده لسته ب اسماء اللي عندهم موعد وكمان قالتلي في اسوأ الضروف
قلهم انك تبغى تدخل vip وطبعا تدفع 700 ريال فتوكلت على الله ورحت على جدة
طبعا لما وصلنا الساعه 9 بالضبط فتحوا الباب وبالفعل دخلنا ااول ناس علي الفرنسيه
واخذنا رقم واحد ورحنا للموظف وطلب منا ورقة الموعد ف قلناله عن المشكلة وبعد التشييك على
القائمة اللي عنده طلع اسمائنا وبدأ يشوف الاوراق
الحين اللي بذكرلكم السببين اللي عطلتنا
1- طبعت اوراق الابلكيشن من موقع الاعتماد بجدة وعبيتها ولما رحت عندهم في المركز اكتشفت ان عندهم
نموذج مختلف عن اللي في الموقع ف اضطرينا نعبي الابلكيشن من جديد وناخذ رقم تاني انتظار
(طبعا هذي مشكلتهم انهم منزلين في الموقع ابلكيشن ومعتمدين على واحد تاني )
2- اني طبعت ورقة حجز الطيران بالعربي ف اضطريت اني ارجع اطبعها انجليزي واخذ رقم انتظار اخر .
خلاصة الكلام
ماكانو معقدين
لم يطلبنا كشف الحساب
لما جهزنا اوراقنا كلها المعاملة لم تستغرق 25 دقيقه
وطبعا دفعنا على الجوازين 956 ريال متضمنه حق اراميكس عشان يرسلوها لنا ع المدينة
وكل الشكر للاخ اخر فرصة
وجميع اعضاء المنتدى