اسطنبول المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
14-12-2022 - 10:48 pm

اخواني وخواتي اعضاء المنتدى الرائع
بقدم لكم تقريري عن سفرتنا لتركيا....تقرير بسيط لايرقى للتقارير الجميله
اللتي قدمها وسيقدمها الاعضاء
لان ما اعتقد في جديد بقدمه
ولأن الاغلبية زاروو تركيا وشافوها بعيونهم
وانا هني بقدمها لكم بعيوني ...وعيون عائلتي
قررنا السفر باول عطلة تجي لنا وكانت عطلة المدارس
بنتي ثانوية عامة وهي سبب السفرة لحبها لتركيا
وامتحاناتهم تنتهي قبل رمضان بيومين ....وعلشان جذيه تقرر السفر بالعيد
ومن آخرشهر ابريل تقريبا حجزنا التذاكر
وكان حجزنا مقعد شوي
على طيران بيقاقوس.....كويت ...اسطنبول....مطار صبيحه
على طيران ايرفرانس ....اسطنبول ...باريس...من مطار اتاتورك....الى مطار شارل ديغول
على طيران التركية ....باريس ....كويت مروراا بترانزيت اسطنبول مطار صبيحه
التذكرة الواحد طلعت ..390 دينار كويتي
شاملة كل اللي فوق
وخاصة بيقاقوس اخذنا اللي شاملة وزن 25 كيلو مع وجبة ...سندويتش ومشروب
مع ان الوزن الاصلي هو 20 كيلو بس لكل راكب
وكانت شنطنا ما تتعد هالوزن بس خيرة
حجز البيقاقوس لنا كلنا ورقة وحدة
باسم الحاجز.....والسعر الكلي
لستة اشخاص =570 دولار =1211 ليرة تركية

الفيزا الالكترونية لتركيا
كتبوها البنات وطبعناها بكل سهوله......بدون فلوس
..

..
صرفنا من الكويت الدينار تقريبا 7,5 ليرة تركية
وحجز الفنادق حجزنا شقه فندقيه من بوكينغ
بسعر...
في نهايات يوم 26 يوليو.....وبدايات 27 يوليو اخر يوم رمضان
كان موعد سفرتنا
وطيران على المطار قبل الموعد المحدد بثلاث ساعات

شايفين الطيران بالسيارة
ووصلنا المطار
المطار زحمه وخاصة طيارتنا ........كانت معانا ما شاء الله عايلة كويتيه كبيرة

وتقريبا جناطهم بس يمكن 20 او اكثر
وهذا اللي آخر المسافرين في اجرائات سفرهم
بس الحمدلله فتحوا كاونتر جديد وراحت الناس تكمل اجراءات البوردينق
شوفو جنطهم كل هذيل العربانات لهم ما شاءالله

حبيت كلمة حمالي .....وهو الرجل اللي يحمل الأغراض
ويمشي ورا العايله او المشتري
بالسوق لتوصيلها للسيارة
وكان بالسابق يحمل الاغراض بسلة كبيرة معمولة من خوص النخل
والحين رسا اسمه على عربات المطار

والحمدلله انتهينا من البوردينق بحساب جميع اوزان الشنط مع بعضها

وهيدا انا

وانتهينا ورحنا نتمشى ونتعشى بالمطار لحد ما يصير موعد رحلتنا
بالطريق للمطعم

يقولون اشتروا شوكلاتة توبليرون هدية لأحبابكم
طبعا انا ما اشتري ههه
كلي هدية

وصلنا مطعم ...بورتوبلو
المنيو

حبايب قلبي.......بس ما شربت بيبسي
هذه صمونتي......بس هذا الاعلان
اسمها سوبر بريم دجيتال

ماي يحبونه عيالي ههه اللي يعرفونا يعرفون السبب

وصل الصمون

العشا كامل انا وغنومة بس
وهذا عشا دانه والسفن لي....جبدي كانت تعبانه

وهذيل صحابي كلهم هني
في الايفون والأيباد ......أحبهم كلهم

بعد العشى رحنا لبوابتنا رقم 4
ودخلنا بانتظار اعلان الصعود للطائرة......ههه
الجناح الجانبي مصورته غنومه تقول لبيقاقوس
وانا شاكة بالموضوع

وهذه طيارتنا

ودخلو العايلة قبلنا واحنا يقولون لنا لحظه شوي
وركبنا الطيارة
تعليمات السلامة ملصوقه على طاولة الاكل من تحت
من أجل سلامتك

وهذا فيديو لتعليمات السلامة من الطيارة
بوحسين معترض يقول كله تركي ليش ما يتكلمون عربي لانهم جايين دوله عربية
الطيارة كطيران واقلاع وهبوط ممتازة
بس المضيفات والمضيف بعد توزيع الوجبات للي طالبينهم
مع الحجز مثلنا ولما جا دورنا طلبنا تغيير واحد من البيبسي لفانتا
وكل ما نشب اللمبة الحمرة
ايي المضيف ويطفيها طلبنا منه تغيرر البيبسي
اخذ علبة البيبسي وما رجع
نشب الليت الاحمر قاموا ايون يطفون الليت ويروحون
طيب يا اخي وانتي ا اختي نبي فا....تلاقيها تقول اوكي وتروح
وهذه حالتنا وما وصلت لنا الفانتا ههه
التهوا ببيع السندويشات على الركاب
ونسوونا او تناسونا
شوفو معانا صور الطيارة
كلها اعلانات

الاعلان على طاولة الاكل

الطيارة بدون اجهزة التلفاز.... مافيها
الا اللي معلق واغلبه كان يعرضون الخريطة واعلانات عن تركيا

كان الاقلاع من الكويت وزحمة المسافرين
مثل هالصورة الطريفة

الكويت من الجو
يازينها ديرة الامان

الخريطة

كوفيت = كويت

وجبتي

ووجبة غنيمة.....كلنا ساندويتش دياي بارد
كل شخص بالاسم ورقم الكرسي

التصوير مانقدر نصور من بوحسين

ووصلنا تركيا بسلام الساعه 6 صباحا
بس شوفو الجوو.....ضباب رطب

طيارة بيقاقوس بالمطار

الجوو ضباب

الضباب الكثيف

الجوازات...لازم يمر واحد واحد....مريينا كلنا
الا غنيمة قام يطلب منها اوراق الفيزا لابوها والفندق شكو
مع ان صاحبه مررنا كلنا وهو علق على غنيمة ووقفها
جبنا له الاوراق وقال خلاص اوكي ....الظاهر يبي فلوس ....بس على مين ههه
استلمنا جنطنا ومادري ليش الكل يسال هذه لنا والا لأ ليش ما تحطون علامة ههه
أكثر وحدة تضيع جنطتها وهي على السير أنا
خلاص بشتري جنطة مميزة لي


التعليقات (8)
توبليرون
توبليرون
المهم بعدها طلعنا لقينا راعي التاكسي اللي احنا طالبينه من الفندق ماسك لوحة باسم بنتي
يوسف راح شرى له خط تركي .....واحنا لأخر يوم بتركيا ما لزمنا الخط التركي
كافي واحد عنده مع النت ونشبك عليه ونكلم ربعنا اللي بتركيا منه
هذه الاوراق اللي عليها الاسم
صورناها بالسيارة للذكرى

طلعنا ورا السايق
وقال بجيب السيارة وقفوا هني

تقريبا نفس حجم سيارتنا

بالطريق لتقسيم عنوان السكن

دانة التركية .....بنتي محبة تركيا
مو مصدقة نفسها انها بتركيا...تقول ياريت فندقنا هني بالحواري
وإكشفنا موهبتها في اتقان اللغة التركية بكل جدارة......ما شاءالله
من اول ما تكلمت مع راعي التاكسي....وكانت بالكويت تتكلم مع عمال المطاعم التركية بالكويت
بس ما كنا عارفين المخفي .....

وركبنا الجسر ....هل هو المعلق او غيره مادري ....اكثروو الجسور

اول عربانة سميط شفتها بتركيا

اول تجمع على الساحل

قصر

ووصلنا الفندق ......سألنا الفندق كم حساب
التاكسي طلع 400 ليرة
سلمناهم اياه
ودخلنا الفندق نعمل التشيك ان
الجزء الياي نتكلم عنه ....مع طلعات اليوم الاول

mohammadgh
mohammadgh
ماشاء الله تبارك الرحمن
الحمد لله على السلامة
شي يفتح النفس مع هذا الصباح الجميل
متابعين اختي الكريمة
والله يعين اللي عنده بنات
وطلباتهم وخاصة بتركيا
,,,

ماجد الفهد
ماجد الفهد
هذي بسميها يا أم حسين
سفرة البنات
الله يخليهم لك
تصدقين عاد
هذي ثاني وحدة تقابلني تتكلم تركي
الصبايا هالوقت الله من كثر ما يتابعون مسلسلات تركية
صار عندهم شغف يشوفونها باليوتيوب باللغة التركية الأم
أو مدبلج
عشان يفهمون
وبصراحة طريقة تعليمية مميزة للغاية
طيران بيقاسوس ما عليه غبار طيب
والاهم إنه إقتصادي
سعر التاكسي نار
أجل 400 عيال اللذينا
لو ماخذين تكاسي عادية أو حتى تاكسي المطار ما راح يوصل نصف هذا السعر لكن الحمد لله
الاهم الوناسة
متابع جدا مراقبتنا
ومستمتع للغاية
أحب الرحلات اللي فيها روح الشباب
الله يخلي لك بوحسين وبقية الشعب الكريم
وصباحك نور ولميس

abdullah86_
abdullah86_
،،
تقرير وبدايه رائعه فعلاً ..
متابع معاك توبليرون https://artravelers.com ..
اشتقنا للأجواء الجميله وتقارير تركيا ..

ysoof
ysoof
يعطيك العافيه ام حسين الله يوسع صدوركم وتستانسون
شكل 400 ليره للتاكسي اغلى من الفندق نفسه !! كثير مرره

أبو فيصل 2007
أبو فيصل 2007
ماشاء الله ام حسين والعائلة الكريمة اكيد التقرير جميل الحمدلله على السلامة وكل عام وانتم بخير والاسرة الكريمة والوالدة
متابعين معك التقرير

Usas
Usas
بداية طيبة وممتعة ياام حسين
طيران بيجاسوس اسعاره مناسبه جدا - جربتهم برحلة البوسنة
متابع معاج ,,,

ارووومه
ارووومه
تركيا جميلة العالم ..
وأكيد راح تكون أجمل ‏ مَن خلال تقريرك ..
غاليتنا أم حسين بداية جميلة وبإنتظار القادم الأجمل ..
واصلي والكل متابع ..


خصم يصل إلى 25%