تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
هواوي001
17-12-2022 - 02:23 am
مرحبا اخواني الكرام
انا سعودي سافرت تايلاند ولمن رجعت بغيت اجدد جوازي قدمته على عماها بدون واسطه قلت يمكن تمشي المهم مسكوه واستدعوني ودفعت غرامه ووقعت تعهد بعدم السفر للمناطق الممنوعه
زبدة الكلام ابي اسافر الحين وشلون في حل في طريقة رسمية او أي شي يخليني اقدر اسافر
واذا سافرت وش العقوبات الي تترتب علي بعد القرارات الجديده


التعليقات (5)
بو نعوم
بو نعوم
والله عزيزي ما أنصح للسفر مرة ثانية وحتى لو عندك واسطة صعبة ممكن ينتبهون للختم والموظف يتحمل عقوبة وقد يجيه نقل تأديبي وهذا رابط يبين لك عقوبة السعودي اللي يسافر لتايلاند http://www.alriyadh.com/940262 طبعًا هذا للمرة الأولى أما الثانية أكيد بتكون مشكلة أكبر نصيحتي أرض الله واسعة غير الوجهة ولا تعرض نفسك للمشاكل

حسن الحمادي1
حسن الحمادي1
من رأيي عزيزي ان نحترم قرارات دولنا و نعززها و ليس ندور علي طريقة نلف علي القرار و نضعف من فعاليته .
البدائل لتايلند كثيرة و منها ماليزيا و اندونيسيا و سنغافورا
بالتوفيق ""

هواوي001
هواوي001
الله يعطيك العافية بونعوم مراقبنا
اخوي حسن حياك الله ومن ناحية احترام القرارات فاقرارات المملكه على عيني وراسي لا المقصد الف ودوران واضعاف فعاليته كما ذكرت
انا ذكرت هل يوجد طريقه رسميه لكي اقدر اسافر في بداية كلامي
وبالنسبة للبدائل ممكن تنفع للي يبي سياحه فقط لاكن شخص مثلي ابي اروح تجارة كما فعلت في المره الأولى وشوية علاج طبيعي ومنها سياحه
لاني رحت تقريباً 7مرات ماليزيا2اندنوسيا2سانغافورا ولاكنهم ليس مثل تايلاند نهائياً
وعلى فكرا انا من مؤيدي المنع السفر لتايلاند وبشدة واقسم بالله طول ما أنا ماشي في شوارع تايلاند ومعي الاهل احمدالله ودائم اردد واقول الحمد لله انا دولتنا مانعه السفر الى هنا ولا كان ضاع شبابنا ونتقلت الامراض الى مملكتنا الحبيبه
ولله يجزاك خير ويوفقك

أكـــســـير
أكـــســـير
اللي اعرفه تقدر تأخذ إذن من الغرفة التجارية اذا عندك سجل تجاري ..
لكن ما أعرف التفاصيل ..

بو نعوم
بو نعوم
اللي اعرفه أن تقدر تستخرج موافقة للسفر من الغرفة التجارية أو من إمارة منطقتك ثم اخذ تصريح من الجوازات بس للأسف ما أعرف التفاصيل وهل تغير شي أم لا ؟ بالتوفيق إن شاء الله والله يكتب لكم الخير


خصم يصل إلى 25%