جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
آجويرو
07-12-2022 - 11:32 pm
السلام عليكم ورحمة الله
انا شخص غير منظم وسفراتي تكون مفاجئة وبدون تخطيط ( ياما عانيت )
كالعاده قبل ثلاث ايام فقط خططنا انا وأخوي نروح اندونيسيا
وفعلا رحت و حجزت التذاكر والحين باقي على السفر ( يومين )
الزبده
انا احب المغامرات والطبيعة
اتمنى تعطوني أماكن فيها مغامرات ، العاب ، اماكن فيها اكشن
مدة الرحله ، 9 ايام ساعدوني في تقسيم الرحله*
وبعد ياليت اذا ممكن تعطوني عناووين مكاتب سياحية مضمونه في جاكرتا و بالي
و اذا ممكن اريد ارقام سائقين
واذا في اي نصائح اتمنى ما تبخلو علينا


التعليقات (6)
! تعبكـ راحه !
! تعبكـ راحه !
9 ايام قليله جدا واذا بمكانك زيادة الايام افعل بدون تردد
باقي يومين ترى احلى السفرات الي تجي بدون تخطيط مسبق
يعني على قولة المثل خذني جيتك
9 ايام وارى من كلامك بين جاكرتا وبالي يعني ماتبي بونشاك ابد
9 ايام
اليوم الاول الوصول الى جاكرتا وخذ معاه يوم ثاني زيارة الانشول ويستاهل يوم كامل
ثم السفر الى بالي 5 ايام
منها زيارة شاطئ كوتا وجميران
وزيارة الالعاب البحريه في نساوادوا
وزيارة رحلة التجديف
وكل هذي لا تاخذها من موقعها بل من الكشكات المنتشره في شاطئ كوتا
لن سعرها يكون اقل
وزيارة شاطى جت جت
وزيارة بحيرة البيدقول
وزيارة الالعاب المائيه الوتر بوم
واخر يومين في جاكرتا
لتسوق واستعداد ل العوده

طارق2004
طارق2004
وعليكم السلام ورحمة الله وبركاته
هل صافي الايام 9 ايام هناك ؟
على العموم عندكم مكانين لابد من زيارتها
جزيرة بالي والبونشاك
وصولكم الى جاكرتا واذا كنتم نشيطين ممكن تطلعون الى بالي ( رحلة داخلية بحدود ساعة ونصف ) والجلوس فيها 5 ايام او ترتاحون في جاكرتا اول يوم واليوم الثاني تروحون بالي
وبعدها الرجوع لجاكرتا ومنها الذهاب للجبل وجلوس باقي المدة هناك ( تجنبوا التوجه للجبل في يومي السبت والاحد لان الطريق بيكون زحمة )
المسألة ماتحتاج مكاتب سياحية وكل المطلوب بطاقة فيزا والتوجه الى بوكنق وحجز فنادق وحجز الطيران الداخلي وارقام السائقين تحصلها في تقارير الاعضاء وايضاً هناك موضوع مثبت لهم في قسم الاستفسارات

الح ــربي
الح ــربي
رحله موفقه ان شاء الله

آجويرو
آجويرو
! تعبك راحه !
ان شاء الله لو في مجال راح نزيد الايام
شكرا شكرا شكرا اخوي ع اقتراحاتك
الله يجزيك كل خير

آجويرو
آجويرو
طارق2004
نعم اخوي الصافي 9 ايام
أعطيتني فكرة جميله وهي الذهاب مباشرة لبالي
واليوم عملت بالفكره حجزت رحلة بعد الوصول الى جاكرتا بثلاث ساعات ، الى بالي ^_^
بخصوص زحمة الجبل معلومة مفيده وراح نتفادى الذهاب له في عطلة نهاية الاسبوع ان شاء الله
الله يجزيك كل خير ويشفي مريضكم ياارب

آجويرو
آجويرو
الح ربي
تسلم ياخوي
و شكرا على المرور


خصم يصل إلى 25%