السلام عليكم
ناوي إن شاء الله السفر لأوروبا في أول السنة أنا والشباب وبناء على شخص
خبرة لدي ومن خلال المنتدى هذا أستفدت كثيراً
حجزت موعد من خلال الإنترنت على الرياض اليوم الساعة العاشرة
وجهزت أوراقي كاملة :
1- صورة الهوية
2- صورة الجواز الصفحة الأولى
3- النموذج وكملته
4- صورتين شخصية مكشوفة الرأس
5- حجوزات الطيران
6- كشف حساب آخر 3 شهور
7- حجوزات الفنادق
8- التأمين الطبي فترة السفر
9- التعريف بالراتب بالإنجليزي
9- ورقة الموعد
ومشيت من القصيم لرياض عشان الموعد
ولما وصلت ماكان في زحمة وجلست عند الموظف
ولكن واضح من نفسيته إنه منفس ..
سلمته الأوراق كاملة واحدة واحدة .. ولكنه قال التعريف
لازم يتم تصديقه من الغرفة التجارية وحاولت معه ولكن للأسف مارضي أبداً
ورحت أصدقها وكل مارحت لغرفة تجارية يقولون مافي تصديق
لين رحت لمركز الملك عبدالله الدولي للمؤتمرات وجلست أنتظر ساعة ونصف
ولما جاء دوري قال التوقيع غير معترف فيه لازم تبدل التوقيع ونصدقها
جاني تحطيم نفسي فضيع للأسف ..
وفوق هالشي الهندي لما شاف الحجوزات بالبوكنق قال ليه مسجل
بإسم صاحبك وفهمته بأننا مجموعة راح نسافر مع بعض وحاولت
أخليه يشوف حجوزات الطيران يشوف إسمي وإسم صاحبي اللي حاجز
بالبوكنق ولكنه ينفخ ومو راضي ويقول جيب جوازه الأصل عشان أتأكد
ولما شفت الأسلوب هذا مسكت خطي ورجعت للقصيم ..
اللي راح أسويه طلبت من الشركة تعريف بالراتب بالإنجليزي ومصدق
ويوصلني الأسبوع القادم ..
وراح أحجز حجوزات وهمية بإسمي في البوكنق
ولكن لما أقدمها هل راح يطلب بطاقة فيزا ولا بيكفتي
بأننا راح أستخدم الكاش مثل ما عبيت النموذج ..
بالإضافة للموعد هل ألغي الموعد اللي راح وأسوي موعد
جديد لأني أبغى أسوي موعد يقول لديك موعد سابق بالفعل
ولكم تحياتي ..