ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابوفيصل99989
02-12-2022 - 06:44 pm
السلام عليكم واتمنى انكم بخير وصحة وسلامة
اردت ان احجز مقعدين في هذه الطائرة التابعة للخطوط السعودية بوينج 700-300 ولا اعرف هل هي طابقين او طابق واحد وايهم افضل المقاعد من رايكم اخواني الكرام ؟
للمعلومية المقاعد المظللة محجوزه كما تعرفون
وهذه الصور للطائرة من اعلى لاسفل

ياليت ترشحون لي ماترونه مناسبا بالترتيب اذا لم اجد هذا المقعد اذهب للمقعد هذا وهكذا لانه يمكن يطيروا اكثر المقاعد المقاعد المميزة بسرعة
بانتظاركم اخواني وهي نفس الطائرة للاياب ان شاء الله


التعليقات (9)
kazami
kazami
اذا تبي رائيي واللي دايم اسويه بنفسي..خذ اخر مقعدين في اليمين..
لعدة اسباب اول شي مقعدين متجاورين فقط ولااحد يضايقك ويقلط معك..
بعيد عن الجناح والمشاهدة ممتعه
قريب من الحمام اكرمكم الله
المساحة بين الكراسي كبيرة وايضا والاهم المساحة خلف الكرسي
يعني تنسدح بدون ماتضايق احد.
ايضا اغلب الاحيان تدخل من الباب الخلفي جنبك وتخرج من الباب الخلفي
بدون زحمة. كيف بس شنب؟

abu7atem
abu7atem
نفس اختياراتي خصوصا اذا كنت مسافر انا والمدام بدون الاطفال

ابوفيصل99989
ابوفيصل99989
هلا والله بالشباب..كازامي و ابو حاتم..منورين عفوا انا ابي احجز 3 مقاعد بس الاهم انه تكون المقاعد بعيده عن الجناح وموقعها ممتاز للي هاوي تصوير..ابي تجربتكم وخبرتكم واللي عنده معلومه لا يبخل ... كازامي موقعك بتكون الحركة فيه كثيرة جدا خصوصا بوجود المصلئ والحمام اكرمكم الله...اعتقد انك من هواة التدخين

kazami
kazami
لالالا الله يعافينا من هالشي.. ولله الحمد لاادخن واكرهه بشده اسال الله ان يزيدني كرها له.اما عن كثرة الحركة فماقد لاحظت لان سفراتي بالليل واكون نايم ولاقد شفت احد يصلي.
ومادمكم ثلاثة ربي يحفظكم فساترك الاعضاء يفيدونك.

ابوفيصل99989
ابوفيصل99989
الله يعافيك اخوي ويبعدك عن كل مكروه...ماقصرت جزاك الله خير.. ننتظر بقية الاخوان يفيدونا

مجهول النت
مجهول النت
حياك الله أخوي
مشكلة اخر الطائرة وقت صلاة الفجر راح يكون زحمة قريب منك للي بيصلون
والمشكلة المصلى ضيق والي ينتظروا حتى يفضى المصلى راح يوقفوا بجنب المقاعد الاخيرة عشان يدخل يصلي يعني ساعة الصلاة هي المقلقة للي بيكون هناك
لكن ارشح لك من وجهة اول مقاعد من الجزء الاول أو الاخير عشان تبتعد عن جناح الطائرة لان الجناح راح يكون في الجزء الثاني
وايضا لما تكون في اول مقاعد من اول جزء راح تاخذ راحتك من ناحية الارجل اعزكم الله ايضا لو حبيت تحط اشياء امامك او سرير للطفل الرضيع راح يكون مناسب وايضا سهولة الدخول والخروج للمقاعد
اذا ماتفرق لك حكاية التصوير وانك تبغى تكون على النافذة
في الوسط مرة ممتاز بشرط تكون اول مقعد في الجزء لان راح تكون الشاشة امامك والحاجز كساتر لك ولاهلك وهي اربع مقاعد واحيانا ما يجي احد جنبك في المقعد الرابع فتقدر تستفيد من المقعد الرابع
وهذي صورة موضح فيها المقاعد وجناح الطائرة تقريبا نفس التخطيط لطائرة 777-300

اتمنى اكون افدتك
تحياتي لك
ابو عبدالرحمن

ابوفيصل99989
ابوفيصل99989
ألف شكر اخوي عبدالرحمن معلومات جدا مفيده يعني اذا ابي ابعد عن الجناح احجز المقاعد الاماميه في الجزء الاول او الخلفيه في الجزء الاخير

nnn-15
nnn-15
هذي طياره دور واحد
افضل مكان بالنسبه لي واللي ما استغني عنه ... واخرش اي واحد يجلس به وهو لي ههه
وراء الجناح بمقعدين
لأني من عشاق التصوير
يعني عندك رقم 51 -52-53

G_1091
G_1091
الأمرجنسي سيت
الي تكون عند مخارج الطوارئ لطياره
دائما ً تكون وسيعه من الأمام وتمد رجولك وانت مرتاح
لكن بالنسبه لي ماجربتها على الطيران السعودي


خصم يصل إلى 25%