السلام عليكم
وكل عام وانتم بخير
الحمدلله عملت خطتي لرحلتي الاولى الاوربية أنا ورفيقة دربي وهي كالتالي:
- عدد الايام = 13 يوم
- الذهاب و العودة من مدينة ميونخ في المانيا
اليوم (1 + 2 + 3 ) >>> السكن في سالسبوغ وزيارة ماحولها
(راح اتوجه مباشرة من مطار ميونخ الى سالسبورغ لأن الفندق الذي اريده غير متوفر في هذا الوقت ، طبعا راح استاجر سيارة من المطار وتبقى معي حتى عودتي الى المطار مرة أخرى)
اليوم (4 + 5 + 6 + 7 + 8 )>>> السكن في زيلامسي وزيارة ماحولها
اليوم (9 + 10+ 11) >>> فيينا أو أي مقترح آخر
(كان ودي اروح للقرى الفرنسية والسويسرية والايطالية فاذا تقدروا تغييرون لي بالجدول أو تنصحوني ابقى على نفس المخطط )
اليوم (12 + 13 ) >>> ميونخ
أحتاج رايكم ومشورتكم في خطتي الاخيرة
أنا جاهز لأي تعديل
أهم شي ابغاها تكون رحلة العمر مميزة
شرايك في جدولي اللي انا رحت عليه في عام 2013
يوم فيينا وهي مدينة الوصول
وبعدها اربع ايام زيلامسي ومنها تقدر تروح الى سالزبورج وترجع في نفس اليوم
ودخلت المانيا الى ميونخ وتمنيت اني اخذت يوم فيها ف انت اخذ يوم في ميونخ
وبعدها انترلاكن في سويسرا خمس ايام (انت شل منهم يوم لميونخ)
وبعدها ثلاث ايام باريس وهي مدينة الرجوع
وبكذا انت رحت سويسرا وفرنسا والنمسا والمانيا
رحله ولا اروع
وترجع تزعط على ربعك لمدة سنة (هذا اهم شي)
لاانصحك ولا اتوقع انه فيه احد في هذا المنتدى ينصحك بالوصول والرجوع من نفس المدينه
وبالنسبه للسياره
انا اخذتها في اخر يوم لي في فيينا لانك ماتحتاج للسياره في فيينا
وسلمتها في اول يوم لي في باريس لان باريس ماتحتاج فيها سياره ولاينصح بالقياده هناك من كثر الزحمه وقلة المواقف
بالتوفيق ان شاء الله