مرحبة أخواني
ان شاء الله تكونون بصحة وسلامة
نهاية الاسبوع الماضي زارني شخص عزيز علي من اصدقاء الطفولة ، وكانت مفاجئة من احلى المفاجئات
صديقي أختار فندق روزوود لزيارته، طبعا إختياره كان ممتاز صراحة لانه من الفنادق الرائعة في أبوظبي ..
صراحة يعرف كيف يدلع نفسه ويحصل على تجربة باعلى مستوى ههههههه
وبما انني ما شاركتكم اي معلومات عن الفندق للحين، قلت هذي فرصتي اتعرف على المكان واخصص موضوع عشان اتكلم عن الفندق
فندق روزوود
الفندق مكانه في منطقة الأعمال المركزية الجديدة على جزيرة الماريه، وموقعة قريب من جزيرة السعديات ووسط مدينة أبوظبي والميناء..
ويطل الفندق على الواجهة البحرية لجزيرة الماريه .. ووايد حلو المنظر من الغرف
واليكم خريطة الموقع
خريطة الموقع
الفندق جدا فخم، ٣٤ طابق تحتوي على ١٨٩ غرفة على اعلى درجة من الرفاهية والجمال.
وبالنسبة للأسعار فتقدرون تختارون بين :
غرفة مفردة: 1000-1200 درهم
غرفة مزدوجة: 2000+ درهم
جناح: 5000+ درهم
الصورة بروحها تتكلم عن روعة الفندق ، والدلال اللي تلاقونه فيه
وبالنسبة للمطاعم اللي فيه أكثر من ١٠ مطاعم تلاقون اللي تحبونه ومثل ما قلت بموضوع سابق المطاعم اللي فيه من الخيارات اللي انصح فيها واللي عندهم أكل وجلسة روعة
مثل كاتلان، أكوا،سمبوسك، سبايس ميلا وغيرها
صورة من مطعم سمبوسك
وطبعا مثل اي فندق فخم فيه الكثير من الخدمات اللي يقدمها لكن اللي تلقونه هني يتعدى كل اللي ممكن تتخيلونه
من السبا الفخم، واللي يحتوي على غرف مساج وجاكوزي ومسبح وغيرها الكثير من المرافق ..
بالإضافة للقاعة الرياضية اللي فيها كل اللي تبونه عشان إتابعون نشاطكم الرياضي كل يوم
والبرك الداخلية والخارجية
وطبعا ما ينسون العائلات في الفندق، وخاصة الأطفال منهم . عشان جي الفندق فيه الكثير من المرافق والخدمات اللي يقدمونها للأطفال مثل خدمة مجالسة الأطفال ونادي الأطفال وغرف اللعب ويقدمون عناية خاصة للأطفال عشان يستانسون.
وبعد في الفندق قاعات فخمة للاعراس والأحتفالات اللي تقدم للضيوف افضل خدمة، وهي المكان المميز لمناسباتكم السعيده
الله يكثر الأفراح :)
ومن أهم مميزات الفندق واللي بتعجب الكثير من الناس اكيد ..
هو اتصال الفندق بجاليريا مول ..
وهالشي يعتبر من الأمور المهمة اللي تميز الفندق، عشان تستانسون بالتسوق اثناء اقامتكم وانتم على بعد خطوات من الفندق
هذه باختصار بعض المعلومات اللي أعتقد مهمة وبتفيدكم عشان تختارون وجهة إقامتكم في أبوظبي
وإذا تبون تتعرفون أكثر على الفندق هني الموقع الألكتروني له
وهاتف الاتصال :
97128135550+
وان شاء الله زيارتكم دائما لأبوظبي من الأجمل
والسلام عليكم ورحمة الله وبركاته
ان شاء الله تكونون بصحة وسلامة
نهاية الاسبوع الماضي زارني شخص عزيز علي من اصدقاء الطفولة ، وكانت مفاجئة من احلى المفاجئات
صديقي أختار فندق روزوود لزيارته، طبعا إختياره كان ممتاز صراحة لانه من الفنادق الرائعة في أبوظبي ..
صراحة يعرف كيف يدلع نفسه ويحصل على تجربة باعلى مستوى ههههههه
وبما انني ما شاركتكم اي معلومات عن الفندق للحين، قلت هذي فرصتي اتعرف على المكان واخصص موضوع عشان اتكلم عن الفندق
فندق روزوود
الفندق مكانه في منطقة الأعمال المركزية الجديدة على جزيرة الماريه، وموقعة قريب من جزيرة السعديات ووسط مدينة أبوظبي والميناء..
ويطل الفندق على الواجهة البحرية لجزيرة الماريه .. ووايد حلو المنظر من الغرف
واليكم خريطة الموقع
خريطة الموقع
الفندق جدا فخم، ٣٤ طابق تحتوي على ١٨٩ غرفة على اعلى درجة من الرفاهية والجمال.
وبالنسبة للأسعار فتقدرون تختارون بين :
غرفة مفردة: 1000-1200 درهم
غرفة مزدوجة: 2000+ درهم
جناح: 5000+ درهم
الصورة بروحها تتكلم عن روعة الفندق ، والدلال اللي تلاقونه فيه
وبالنسبة للمطاعم اللي فيه أكثر من ١٠ مطاعم تلاقون اللي تحبونه ومثل ما قلت بموضوع سابق المطاعم اللي فيه من الخيارات اللي انصح فيها واللي عندهم أكل وجلسة روعة
مثل كاتلان، أكوا،سمبوسك، سبايس ميلا وغيرها
صورة من مطعم سمبوسك
وطبعا مثل اي فندق فخم فيه الكثير من الخدمات اللي يقدمها لكن اللي تلقونه هني يتعدى كل اللي ممكن تتخيلونه
من السبا الفخم، واللي يحتوي على غرف مساج وجاكوزي ومسبح وغيرها الكثير من المرافق ..
بالإضافة للقاعة الرياضية اللي فيها كل اللي تبونه عشان إتابعون نشاطكم الرياضي كل يوم
والبرك الداخلية والخارجية
وطبعا ما ينسون العائلات في الفندق، وخاصة الأطفال منهم . عشان جي الفندق فيه الكثير من المرافق والخدمات اللي يقدمونها للأطفال مثل خدمة مجالسة الأطفال ونادي الأطفال وغرف اللعب ويقدمون عناية خاصة للأطفال عشان يستانسون.
وبعد في الفندق قاعات فخمة للاعراس والأحتفالات اللي تقدم للضيوف افضل خدمة، وهي المكان المميز لمناسباتكم السعيده
الله يكثر الأفراح :)
ومن أهم مميزات الفندق واللي بتعجب الكثير من الناس اكيد ..
هو اتصال الفندق بجاليريا مول ..
وهالشي يعتبر من الأمور المهمة اللي تميز الفندق، عشان تستانسون بالتسوق اثناء اقامتكم وانتم على بعد خطوات من الفندق
هذه باختصار بعض المعلومات اللي أعتقد مهمة وبتفيدكم عشان تختارون وجهة إقامتكم في أبوظبي
وإذا تبون تتعرفون أكثر على الفندق هني الموقع الألكتروني له
وهاتف الاتصال :
97128135550+
وان شاء الله زيارتكم دائما لأبوظبي من الأجمل
والسلام عليكم ورحمة الله وبركاته
