مانيلا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
aburashed2011
16-12-2022 - 01:51 am
بسم الله الرحمن الرحيم السلام عليكم ورحمة الله وبركاتة ,,, اما بعد
قرب السفر وبفضل الله ثم مواضيع المنتدى تعرفت على بعض المناطق الجميله في الفلبين بلد الابتسامه
وقررت السفر والزياه اليها ونطلب منكم الفزعه بترتيب سير الرحله اذا امكن
الرحلة راح تكون شباب عدد الاشخاص ثلاثه لان الربع هون
اول مره الذهاب للفلبين ماعدا شخص لكن زيارة كانت اسبوع ولاكسب الخبره اللازم
الرحلة راح تكون باريخ 17 أغسطس يوم الاحد ,, العوده ان شاءالله تاريخ 7 سبتمبر
مايقارب فترت الرحله 20 يوم
اللغة الانجليزيه تقريبا 30 % تقريباً
المناطق المرشح زيارتها
بوركاي ، بلوان ، سيبو ، برتوقليرا ، مانيلا
مدري ترشحون بوهول ان امكن .
1- اذا بالامكان توزيع الايام على المناطق .
2- فنادق او منتجعات يفضل السكن فيها .
3- افضل المناطق التي يتم فيها الزياره في مانيلا السياحيه .
4- افضل امر السفاره عند الوصول ؟
5- افضل الطيران في الفلبين الداخلي ؟
6- الحجز افضل عن طريق المواقع او المكاتب بالنسبه للجزر ؟
واذا فيه استفسارات جديده راح اطرحها
بانتظار رد اهل الخبره ..


التعليقات (8)
زائر
وعليكم السلام ورحمة الله وبركاته
المده ماشاءالله طويلة اهم شئ الحين تقررون وين تبغون تروحون وعلى ضوء سير الرحله ماراح نقصر معاكم في الفنادق وغيره
من الاماكن السياحيه من وجهة نظري كالتالي :
4 ايام مانيلا
4 ايام بوراكاي
5 ايام بالاوان (فيها جزيرتين الافضل تحددوا ايت جزيرة لانه كل وحده مطار مختلف)
يومين في بويرتوا قاليرا
3 ايام بوهول
واخر يومين مانيلا للاستعداد للسفر
اتفقوا على جدول معين وماتشيلوا هم الباقي ان شاءالله ماراح نقصر معاكم
تحياتي

aburashed2011
aburashed2011
يعطيك العافيه على الرد السريع وماقصرت
ايه نعم المده طويله لزيارد اكثر الاماكن السياحيه وعدم ضيق الوقت
بالنسبه بالاوان وش الافضل بين الجزيرتين وهل الامكان زيرتها كلها قريبه من بعض هي
وبالنسبه لسيبوو هل تفضل زياردها من وجهت نظرك
4 ايام مانيلا ويومين الاخيره مانيلا بتطلع 6 ايام في مانيلا ما كنها كثيره ..؟!
واذا في زيادة اساله راجع لكم ،،، وماتقصرون

زائر
الله يعافيك عمي
بالنسبه لجزر بالاوان هيه النيدو وكورون وكل جزيرة تشابه الاخرى يعني الافضل انك تختار وحده منهم
والاسهل لكم هيه كورون لانه فيها مطار وقريب من الجزيرة اسمه مطار بوسوانقا ورمزه USU
جزيرة النيدو أجمل في الحقيقه لكن الوصول لها متعب لانه مافيها مطار الا مطار العاصمه بويرتو برنسيسا
ومن المطار تركبون باص او فان ويوديكم الجزيرة في 5 ساعات و 45 دقيقة
ولكم الاختيار بينهم بالرغم انه جزيرة كورون جميله برضو
سيبو مدينه اثريه اكثر من انها طبيعه اذا كنت من محبي الاماكن الاثريه تقدر تزور معالم سيبو
التخطيط الاخير يبين لكم اذا كانت سيبو من ضمن الرحله او لا
لانه مطار بوهول مافيه رحلات مباشره لبعض المطارات الاخرى لازم يمر ترانزيت على مانيلا
لكن لو تسافر من مطار سيبو راح تحصل دايركت
اليوم الاول بعد الوصول لمانيلا الراحه من عناء السفر الطويل عشان تاخذون نفسكم مرا ثانيه
وفي مناطق تستاهل الزياره حول مانيلا مثل المطعم العائم في منطقة سان بابلو
او جولة حول النهر وزيارة الشلال على ظهر القارب الخشبي في منطقة لاقونا
زيارة اكبر مول في اسيا اسمه Mall of Asia
زيارة حوض السمك في مانيلا
صدقني الحماس اللي انتوا فيه الحين راح يفرق وقت السفر لانه كثرة السفر الداخلي متعب ومرهق
خصوصا انه مدة سفركم طويلة ماشاءالله
لاتظغطوا انفسكم في الرحلات الكثيرة عشان تنبسطوا براحتكم
واي استفسارات اخرى حاضرين ان شاءالله
تحياتي

aburashed2011
aburashed2011
يعطيك العافيه على الرد السريع
ان شاءالله لي رجعه بعد تنسيق الجدول بالكامل
بستفسر بنسبه للحجوز الطيران الداخل ،، الافضل حجز عن طريق النت او
عن طريق المكاتب في الفلبين ،، مثل البرامج السياحيه ،،

زائر
الله يعافيك عمي
خذ راحتك في اي وقت تحت الخدمه
بالنسبه للحجوزات الافضل تشتريها اونلاين واوفرلك في السعر خصوصا قبل السفر بفتره
واي مساعده حاضرين ان شاءالله
تحياتي

aburashed2011
aburashed2011
بعد التشاور مع الشباب تقرر زيارات التالي ..ولمانع من الاقتراحات وتعديل في الجدول من حيث
الاولويه في المناطق لعدم الحجز طيران للان
:
يومين مانيلا تريح بعد السفر
4 ايام بوركاي
4 بالاوان
4ايام بارتو قاليرا
الرجوع من بارتوقاليرا يومين باطنقس
العوده الى مانيلا 4 ايام االاخيره وزيارة مناطق السياحية في مانيلا
س/ رايكم بالجدول وترتيب المناطق البدائيه ..؟
س/ عدد الايام في المناطق كثيره او اققل منها ..؟
س/ في مناطق افضل زيارتها ترشحونها ..؟
س/ افضل مطار الوصول الى بوركاي ؟ وهل الابوات على مدار الساعه عند الوصول ؟
وشكراً لردودكم السابقه ..
بنتظار ردودكم .. ولي عوده في استفسارات جديده

ifrhan
ifrhan
يومين مانيلا تريح بعد السفر
4 ايام بوركاي
4 بالاوان
4ايام بارتو قاليرا
الرجوع من بارتوقاليرا يومين باطنقس
العوده الى مانيلا 4 ايام االاخيره وزيارة مناطق السياحية في مانيلا
6 ايام في مانيلا كثيرة جدا ..
افضل اول ما توصل لمانيلا تريح يوم وتمشي
واذا خلصت رحلتك خذ 3 ايام بالعودة تسوق واكتشاف المنطقة
طبعا السكن يكون في منطقة مكاتي بمانيلا الافضل
بالنسبة للوصول لبوركاي
حنا العام كانت رحلتها الفجر من مانيلا ومع المراكب و و و وصلنا الساعة 7 ونص الفندق
مرينا عن طريق كاليبو - تامبسون بورت
بصراحة ما انصح تأخذ مطار بعيد لأن تتمرمط بالسيارات والقوارب الخشبية والخ ..
والاسعار نفس الشي
خذ المطار القريب افضل .

aburashed2011
aburashed2011
يعطيك العافيه حجزت الى بوركاي على مطار كاتيكلان
بستفسر عن الحجوزات الفنادق عن طريق البوكنق
بعض الفنادق حاط لشخصين في البوكنق هل يعارضون عن زيادة الشخص ..؟!
وهل لو اوصل قبل الساعه 2 ظهرا اقدر ادخل الفندق او انتظر الى 2


خصم يصل إلى 25%