انشب لهم في الكاونتر وشد عليهم يأمنون لك غرفة اذا تذكرتك ما عليها عرضواذا ما طلعت منهم بشيء اسألهم عن الفنادق القريبة
دعواتي لك بالتوفيق

مساء الخير عبدالله ،،،، أنا مثلك بعد لكن وقتكم أفضل مني بكثير أنا طالع من جدة إن شاء الله يوم 08/11 على نفس الخطوط وأوصل هونغ كونغ الساعة 8 ليلا ورحلة جاكرتا الساعة 9 صباحا يعني انتظار 12 ساعه مايميديك تتطلع من المطار إلى وأنت راجع له يعني بنطق بالمطار كل هالمده لكن شوف يالغالي انتوا وصولكم الساعة 12 ظهر وقت انتظاركم طويل جدا بالحالة هذي مالك إلى إنك تأخذ فندق بعيد من المطار وراح تحصل في البوكنك على 300 أو 400 ريال وإذا معاكم لغة راح تمشي آموركم وكمان فيه شركات سياحية في المطار ممكن تأخذكم جولة داخل المدينة والديرة تسوى إنك تطلع وتكتشف شيء جديد عليك وإذا تبي نصيحتي إذا نزلتم من الطيارة روحوا للفندق اللي جنب المطار صحيح سعرة 600 ريال لكن انتم 3 أشخاص مافيه مشكلة المصاريف موزعة عليكم وإذا تبي تروح فندق أبعد وأرخص بتحصل بس بيكون المطار بعيد وإذا معك لغة بتمشي حالك لكن لاتنسى إذا بتأخذ فندق أفضلك تأخذ شنطك معاك علشان لو إحتجت شيئ منهن لاتقص بوردنك جاكرتا من مطار الرياض قصه في مطار هونغ كونغ بعدين إذا شفت بكم نشاط أطلعوا جولة سياحية للمدينة زي ماخبرتك بتحصلهم جوا المطار وبعدين بسئلك بكم آخذت التذاكر لشخص واحد ورحلة سعيدة أخوك / سعد

وعليكم السلام ورحمة الله وبركاته ساعات الانتظار في مطار هونغ كونغ هي 21 ساعة لان وصولكم الساعة 12:20 ظهراً يوم 31 جولاي واقلاعكم الى جاكرتا الساعة 9:20 صباحاً يوم 1 اغسطس
تنقل الى بوابة الصين والاخوان هناك عندهم خبرة كبيرة بالموضوع

جزاكم ربي خيراً .. الايجار الظاهر فينا فينا .. مشكلة هونج كونج غاليه .,. وإلا فيها اشياء حلوه مثل العاب ديزني
اخوي سعد التذكرة اخذناها ب 1900رايح جاي

اهلين عبدالله والله سعرها حلو جدا متى قصيتوا التذكرة أنا أخذتها من جدة في أول رمضان 2588 ريال ودفعت بالفيزا وطلعت علي 2638 ريال والله يعينكم لابد تستأجرون لأن مرة انتظاركم طويل جدا حتى لو تلفوا البلد كله راح يبقى معاكم وقت الجولات اللي قلتلك عليها حلوة لاتفوتها وتراها كم ساعه ويرجعونك
متى رحلتكم وخلنا نسمع أخبارك بالتوفيق.

السلام عليكم ورحمة الله كل عام وانتم بخير
بالنسبة للانتظار الطويل وهو على نفس الخطوط الناقلة يعني نفس شركة الطيران والانتظار اكثر من 7 ساعات يحق لك المطالبة بفندق هذا حق من حقوقك واصر عليه . اكيد هم بيحاولون جاهدين عدم اعطائك فندق ويقولن كلام كثير عن مكتب الحجز انه ما حجز لك وكذا او ان التذكرة لاتسمح كل هذا اعذار فقط
وفقكم الله