جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
m7md6994
03-12-2022 - 11:27 am
السلام عليكم ورحمة الله وبركاته يَ رجال انا حجزت لاندونوسيا انا والمدام بس
موعد الوصول الى جاكرتا 18 / 9 / 2014 الساعه 2 فجراَ
موعد المغادرة 2 / 10 صباحا الساعه 10 : 00
الاستفسارات
1 - اسكن في جاكرتا بحكم ان الوصول الساعه 2 فجرا ولا اطلع على طول للجبل ؟وفي خطر لو اطلع للجبل دايركت ؟ واذا خططتولي اجلس بجاكرتا ابي فندق يكون قريب للمطار
2 - جدول الرحلة كيف اقسمه بدون بالي .. يعني جاكرتا ، بونشاك / باندونق
3 - الفنادق وش افضلهن في جاكرتا وباندونق ؟ وابي بالجبل فله صغيره فيها مسبح خاص ذو خصوصية عاليه / جاكوزي وسعرها زين
4 - السكن يكون قريب من الاماكن السياحية
5 - عند تقسيمكم للرحلة .. ابي كل مدينة وين اطس ههه لاني على وجهي ما عمري طبيتها ، يعني وين اروح فيها وكذا
6 - كم اخذ ميزانيه معي ؟
7 - وش الاوراق المطلوبة غير الجواز اخذها معي ؟
الله يريحكم ويرزقكم من حيث لا تحتسبون ، لاني متضايق ما اعرف وش اسوي
جعلكم للجنة


التعليقات (6)
فهد كدسة
فهد كدسة
عليكم السلام رحلتكم باقي بدري عليها وانصحك تقرا وتقرا وتقرا تقارير الاخوان وراح تستفيد ويكون عندك صورة كاملة وشاملة
بالنسبة للوصول اعتقد صباح الخميس لو انا بدالك على طوول الجبل لان يوم الجمعة والسبت والاحد الطريف مزحوم
انصح تتفق مع سواق من بدري
طبعا رحلتي نفس رحلتك لكن على الخطوط السعودية
بالتوفيق

AL-MosBah
AL-MosBah
ليش مستعجل طالما بالي ليست بمخططك!!
من رأيي ترتاح يوم الوصول واليوم الثاني بجاكرتا ويوم السبت تذهب لباندونق وبعدها الجبل لأن الجبل صعب تذهب له في السبت والأحد مثل ما قال لك اخوي فهد
الفلل في الجبل كبيرة عليكم كزوجين وموحشة والمسبح ما تحتاجه فالجو بارد والخصوصية معدومة ولا تجدها إلا في بالي
جاكرتا فنادقها كثيرة وحسب ميزانيتك فعندك شيوبترا وميركوري هارموني وهاريس كلابا قادنق وبولمان سنترال
باندونق فندق سينسا مناسب لك
الجبل الأفضل تختار فندق سيروني3
جاكرتا 2
باندونق 4
الجبل 6
جاكرتا 2

سلطان500
سلطان500
الاخوان مشاء الله عليهم افادوك بس انا عندي لك اضافه
انا من رائيي دام وصولك الساعه 2 ويبي لك ساعه عشان تخلص الاجراءات ويمكن اقل
انك تجلس في المطار لين يشق النور وتطلع احسن لك لان القصص الي سمعناها كثير مع اني ماحصلت لي ولا وحده منها بس احتياط وانت معك المدام
فرفر شوي في المطار مع ان مطارهم حق القدوم يجيب الهم مافيه شي هذي وجهة نظري
دمت بود

m7md6994
m7md6994
يعطيكم الف عافيه على تفاعلكم انا كنت مخطط على بالي ضمن البرنامج بس بعد توهقت بالسكن بارتفاع اسعاره
،
طيب لو بالي ضمن الرحلة كم تكون الميزانيه .. وبشوف كم تقترحون علي ميزانيه لو بالي ضمنها
واذا امكن ازبط عمري حطيتها ضمن المخطط
..
لاني انا الى الحين ما قررت كم الميزانية .. يعني الميزانية كم مع بالي ؟ وكم بدون بالي ؟
لاهنتو كل ابوكم .. جعلكم للجنة

سلطان500
سلطان500
الميزانيه على حسب الشخص وصرفه لكن بالمتوسط الجبل وجاكرتا 200 دولار يومياً بالي من 250 إلى 300 دولار طبعاً الطيران الداخلي خارج الحسبه
بالنسبه لبالي اذا حطيتها في المخطط لازم تصرف دولارات من هنا لان صرف الريال عندهم مره نازل
وايضاً اصرف 70 دولار للفيزاء 35 دولار للشخص

بــــرزان
بــــرزان
وعليكم السلام ورحمة الله وبركاته
اخوي تلقى بموضوعك الاول كل الردود على استفساراتك وهذا الرابط
https://artravelers.com/p/re/911331


خصم يصل إلى 25%