- السلام عليكم ورحمة الله
- مع العلم أن تقييم الفندق لدى بوكينق 8.6 للأسف
- خلاصة الموضوع
السلام عليكم ورحمة الله
الكثير تحدث عن مواقف النصب والإحتيال والتي تحدث غالبا مع الأتراك الذين يتحدثون العربية !هدفهم الوحيد هو كيف تسرق اكبر قدر ممكن من السائح !!
مع العلم سافرت لكثير من البلدان وعايشت مواقف عديدة سواء ايجابية ام سلبية لم اكن اتخيل حجم مواقف النصب والإحتيال التي تحدث عنها الأعضاء في هذا القسم عن تركيا حتى عايشتها بنفسي . وكنت اعتقد أنها مبالغات وتصرفات فردية لكن فعلا تفاجأت بفضاضة تعامل اغلب الشعب التركي مع العرب خاصة للأسف !
البارحة حصل لي موقف احتيال من أحد الفنادق في اسطنبول Angel's Home Hotelتم حجز جناح من 3 غرف ولمدة أربع ليالي عن طريق موقع بوكينق قبل الحجز تاكدت من المنطقة بنفسي وشيكت على الموقع وتقصيت عن الفندق بشكل كامل
مع العلم أن تقييم الفندق لدى بوكينق 8.6 للأسف
وصلت اسطنبول قادم من طرابزون قبيل المغرب وفي المطار استأجرت فان ب 100 ليرة من المطار للفندق حيث عددنا 9 اشخاص ولا يشيلنا التكسي والشنط واجد عند الوصول للفندق قبل الإفطار ( رمضان ) وبعد ما نزلت الشناط تفاجأت بأن الموظف يقول حجزك موب في الفندق هذا !!! قال حجزك عندنا لكن في مكان بعيد ! قلت يمكن خيره . خلني اشوف وين بيوديني .
قبل ما نطلع للمكان خلصنا اجراءات الدخول وبعدها قال يالله استأجر تكسي على حسابك وتعال نروح للسكن !! قلت كيف استاجر تكسي !!! المشكله حركتنا ثقيلة جدا ! عددنا 9 والشنط أكثر من 13 قطعه ! اذا بناخذ تكسي يالله 3 سيارات .
قلت مبدأيا اطلع لحالي مع الموظف وبعدها نقرر تركت الاهل في بهو الفندق ورحنا مشي مسافة ربع ساعة عن الفندق الاساسي وصارت العمارة في طلعه وبعيدة عن الأماكن العامه والمحلات والمنطقة موحشة جدا ! وليست بفندق ولا شقق ولا اي شي مجرد بناية لها باب متهالك من الخارج ويوم دخلت العمارة ( الخرابة ) لقيتها في الدور الخامس ولا فيت اصنصير ( لفت ) وضيقه مداخلها . قلت مستحيل اجلس هنا ومعنا ذالعفوش وحريم وحوسه لو شباب ممكن تهون !
رجعت للفندق وقال هذا الي عندي واذا بتكنسل الحجز بتروح عليك الفلوس !!! قرابة 5 الاف ريال !!! قلت مستحيل هذا كذب وتلاعب واشتد النقاش ورفض قطعا استرجاع المبلغ !
اتصلت على البوليس واتصلت على بوكينق !!! وفي غضون 7 دقائق وصل البوليس وتهاوش مع الموظف ( تعامل الاتراك بشكل عام جاف الله يهديهم حتى مع بعضهم ) وفي الاخير رجع المبلغ رغما عنه بعد ضغط البوليس عليه ( وتبين ان البناية الي وداني لها غير نظامية
) وبعد تواصلي أيضا مع بوكينق بالهاتف اتصلو بالموظف نفسه ووبخوه ! وعوضني بوكينق بليلة مجانية على حسابهم !
خلاصة الموضوع
تأكد من معرفة كافة حقوقك ولا تغلط على احد نهائيا . خصوصا انك في غير بلدك. واذا حصل لك اي مشكلة لا تتردد بالاتصال بالبوليس . ولا يهون بوكينق (-: مع العلم انه حصلت لي مواقف مثل رفع الاسعار من اخوناا السوريين في تركيا ومثل النصب من التكاسي الي يعدل في العداد والي يغير في الفلوس بخفة يده ويوهمك انك اعطيته مبلغ اقل من الفعلي . والحمد لله بفضل الله وبفضل هذه البوابه حفظت اساليب التلاعب كلها ههه
وكل هذولي مجرد ما تقول بوليس يرتعد ويعرف أنه على خطأ وممكن يخليك تروح بدون ما تحاسب بس يبي الفكة !!
هذي صورة الفندق من الخارج وتشوفون الشناط بعد ما رماها في الشارع !!!!!
وهذا حجزي من بوكينق
تحياتي
هيثم
عاد المشكله اني رفعتها من المنتدى
يمكن لاني نزلت الموضوع من الجوال !
اذا فيه طريقة ممكن ارفع فيها الصور من الجوال او الايباد ممتاز !