السلام عليكم وزحمة الله وبركاته
مبارك عليكم مابقى من الشهر
وحبيت افيدكم بتجربتي العائليه في استخراج فيزا الشنقن من مركز ام الحمام بالرياض
اخذنا موعد بتاريخ
- 2014
اي الاربعاء الماضي
توجهنا للرياض يوم الثلاثاء
وطبعا مجهزين كل الاوراق ولله الحمد
1-الموعد
2-الابليكشن معبأ كامل وبعض الخانات اللي ماعرفناها عبيناها بالمركز والموظفه ساعدتنا
3-حجوازات الفنادق
4-حجوزات الطيران
5-كشف حساب
6-صور لاول 4 صفحات بالجواز
7-صور شخصيه
8-تآمين طبي
9-صور للماستر كارد
10-صور بطاقات الاحوال(رجعوها لنا)
كل شخص حطينا اوراقه في ملف لحاله اسهل وارتب
اول موعد لنا كان الساعه 10
وصلنا هناك 9 ونص اول مادخلنا كان فيه غرف تفتيش للنساء والرجال
وفوق كان فيه شخص ياخذ اوراق الموعد ويوقع عليها ويسالك اي دوله ويوجهك للمكان
لما رحنا للمكان المخصص وجينا نبي ندخل سآلنا عايله قلنا نعم وخلى الوالد بس يدخل ويخلص امورنا ويرجع لنا وقت التبصيم
ما اخذ الوالد نص ساعه الا وجاء اخذنا للتبصيم والتصوير
كل شي منظم ومتيسر الوالد مالقى اي صعوبه والموظفين متعاونين جدا
طلعنا من المركز حول 10 ونص
طبعا فيه اشياء كنت خايفه منها بسبب بعض المنتديات
1- الجوال ممنوع((كلن داخل بجواله وتصوير ولعب عادي الوضع))
2-زحمه ((ماكان زحمه ابد الوضع عادي))
والحمدلله لله استلمنا الفيز اليوم لمده 90 يوم طبعا قدمنا عالسويسريه
يعني ما اخذت 4 ايام او خمسه استلمناها عن طريق ارامكس
واشكرك على مشاركتنا هالتجربة
رحلة سعيدة ..