أفضل وسيلة للتنقل بين الأماكن السياحية هو الباص السياحي، وسعر التذكرة الوحدة للشخص الواحد حوالي 20 يورو، وتشمل تذكرة لدخول متحف اللوفر في بعض شركات الباصات السياحية.مدة الباص السياحي يوم كامل، وطبعًا طريقته سهلة وهي إن فيه مجموعة باصات تمشي على خط معين بين المعالم، وكل مرة تنزل فيها عند معلم سياحي تتمشى وتخلص، ترجع لنفس المكان اللي نزلك الباص عنده وتنتظر يمرك باص من نفس الشركة، وتركب معه بنفس التذكرة اللي انت قصيتها بالبداية.. انتبه لا تضيعها!!
هذا بخصوص التنقل بين المعالم..
اما بخصوص التنقلات الأخرى الشخصية، أوفر وسيلة في باريس هي الميترو، سعر التذكرة الوحدة 1.70 يورو.. حوالي 8 ريال للشخص.
والتذكرة الوحدة صالحة لتنقل واحد فقط! تتنقل بين المحطات إلى أن توصل لمحطتك اللي تبيها، والميترو أرخص وأمتع.
أما التاكسي حاول إنك ما تركبه قدر المستطاع، لأنه غالي جدًا جدًا.. وبيآخذ عليك الميزانية.
وقبل تسافر حاول تنزل تطبيق من متجر الآب ستور، أو من قوقل بلاي على جوالك.. هالتطبيق اسمه أظن ميترو باريس.
تقدر تحط فيه اسم المحطة اللي أنت عندها، واسم المحطة اللي ودك تنتقل لها.. وبيعطيك خط السير لك، وبناءً عليه تمشي.. مفيد وعملي وجميل.
موفق خير.

اذا بتروح ديزني يوم خل اليومين الثانيات وانتم شباب الباص الاخضر الاصفر ما جربته انا بس مواقعه كثيره
شباب وتقولون نبي نمخمخ علي كل موقع ولا حنا رايحين ديزني خذ باريس فيزت 3 ايام من زون 1-3