صحيح الترتيب مهملكن برضه عدد الليالي مهم


بالنسبه لترتيبك عادي ما عندك مشكله
لكن المشكله ما راح تستفيد من كل منطقه
كل وقتك شيل وحط في الشنط
الا اذا كنت عزابي وشنطتك على ظهرك ،، هذا شي ثاني




المهم اشوف انك تلغي اما ( بنكور او لنكاوي )
وطبعا لنكاوي اولى من بنكور
يعني الغي بنكور من برنامج




امممم اتوقع انك تحب الروقان والهدوء ،، ترى ممكن تحصل هذا في لنكاوي
عندك فنادق حلوه مثل: فندق ذا داتاي ، واذا تحب فندق ارخص عندك اندمان
وعندك كمان فندق بجزيره لوحده اسمه تاج ريباك >> يعني اعتبر نفسك رحت بنكور :)




بخصوص اول ليله في سيلانجور .. اذا كانت هذه الليله بنهايه الرحله اشوفها عادي
اما اول الرحله فاشوف ان ليلتين افضل ...
وممكن انك تكنسل سيلانجور ويكون سكنك في كوالالمبور مرتين ، وفي الاول وفي الاخير

ههههههه ايه والله ازعجونا بس المهم احس تنقلاتك كتيره وحتتعب يدوب يومين وتمشي احس اللي عنده ايام كتيررعادي يتنقل ل كدا منطقه ويزود عدد الايام

هوا جدولك مخربط شويا خليها
سيلانقور
لنكاوي
بينانغ
كاميرون
بانكور
كوالا
وانا انصحك تلغي يالكاميرون او بانكور وتضيف الايام لكوالا منها تقل التنقلات ومنها انه كوالا ماحتكفيها يومين ابدا

ربي يسعدكم ويبارك فيكم ويرضى عليكم..مثل هالنصائح تغير شي كثير.لاعدمتكم


بخلي الجدول كالتالي:
سلانقورليلتين
ثم كاميرون ليلتين
ثم بينانغ ليلتين
ثم لنكاوي اربعه
ثم كوالا ثلاث..
منيييييييييييييييييييييييييييييييييح كذا؟تكفون ردوا.
واقتروحوا لي فنادق لاهنتم.

ايه كذا اريح لك

سؤال / كيف بتنتقل من سيلانجور الى كاميرون
اذا بالتاكسي عادي مافي مشكله ،، فالتكاسي متوفره
لكن اذا بالباص ، فما ادري هل فيه باصات الى كاميرون من نفس منطقتك ( اتوقع انها صن واي )
انا اعتقد والله اعلم في هذه الحاله لازم تدخل كوالالمبور وتاخذ باص الى كاميرون
تأكد من هذه النقطه




بخصوص الفنادق تعتمد على رغباتك
تبغي شي فخم ،، تبغى شي نص نص ،، تهتم بالموقع ،، الخ


اما بالنسبه الى فنادق لنكاوي ,, ولانك تحب الهدوء ( ما زلت اتوقع هالشي )
فارشح لك فندق ذا داتاي لكنه غالي
والبديل فندق اندمان

فديتكم وخاصة النهر الجاري وشوشو..انا سكنت في الاندمان وكان رائع وراح ارجع له باذن الله ويارب القي جحز.بقية الفنادق رشحوا لي في كل مدينة نص ونص وشي فخم. هيك وهيك.
ونقطة باص الكاميرون صحيحه وكانت مشكلة حتى اني قررت انزل كولال على طول.. لكن شوف هلالاقتراح فالجدول
وش رايكم ياحبايبي يكون
سلانقور يومين
ثم طيران على لنكاوي واربع ايام
ثم فيري الى بيانج ويومين
ثم باص لكاميرون ويومين
ومن الكاميرون لكوالا وثلاث ايام اتةقع باص
..؟؟؟؟؟؟
اخر شي هل يمديني استاجر سيارة في كاميرون

طالما زرت ماليزيا من قبل ، فخلاص انت خبره وطالما انك سكنت في الاندمان ، خلاص ما يحتاج اشرح لك


بخصوص ترتيبك الاخير برضه زين ،،
ويمكن يكون اريح لك


بخصوص استئجار سياره في كاميرون .. اممم ما ادري والله




عندي سؤال هل راح تتسوق من كوالالمبور .. اقصد هل كونها اخر محطه لها مغزى .. ولا بس كذا


لانه اذا ما راح تتسوق ..
فمكن تفكر في هالترتيب ( بالرغم من ان ترتيبك الاخير ممتاز ،، لكن زياده خيارات .. )


( كوالالمبور 4 ليالي ثم كاميرون ليلتين ثم بينانج ليلتين ثم لنكاوي 4 ليالي ثم فندق المطار ليله )
او
( كوالالمبور 3 ليالي ثم كاميرون ليلتين ثم بينانج 3 ليالي ثم لنكاوي 4 ليالي ثم فندق المطار ليله )






نجي لموضوع الفنادق ...
لنكاوي: منتهين منها ،، ان شاء الله تلقى حجز في الاندمان ،،، وممكن تفكر في فندق ذا داتاي
بينانج: ما اعرفها زين ،، لكن اشوف معظم الاعضاء يحجزون في ( شنقريلا راسا رايا - شنقريلا قولدن ساندس - بارك رويال - هارد روك - هوليدي ان - باي فيو بيتش ) واشوف كثير يمدح فندق هولدي ان كون معقول السعر وممتاز الموقع.
سيلانجور: اذا لك رغبه تسكن سيلانجور ، فاكيد ان فندق صن واي ريزورت هو الابرز هناك ومن ثم ولد عمه فندق البرايمد تاور ,,, انا سبق وسكنت في 3 فنادق في سيلانجور وكلها رخيصه الى متوسطه السعر وكلها كان عندها توصيل مجاني لصن واي لكن باوقات محدده ومجدوله.
كوالالمبور: رويال شولان الكثير يمدحه ،، وعندك بعد امبيانا ممتاز وعن تجربه - واذ ودك باغلى عندك تريدز على سبيل المثال او رينايسس ... الخ ،، واذا ودك بفندق نص نص عندك مثلا فندق فوراما اشوف كثير يتكلمون عنه ... فنادق كوالالمبور كثيره وتحتار وين تسكن ،، وترى فيه فنادق غير مرغوبه لكنها ممتازه.

اخوي النهر الجاري ماقصر معاك ماترك نقطه ماوضحها لك يجزاه ربي كل خير وان شاء الله تحجز امورك وترتبها ب اقرب فرصه