البازي المطل على اروبا
16-12-2022 - 07:20 am
بسم الله الرحمن الرحيم
السلام عليكم ورحمة الله وبركاته
الشهر عليكم مبارك وجعلنا الله واياكم من صوامه وقوامه
احب اشكر جميع الاخوه والاخوات في المنتدى بدون مااخص احد
على مساعدتهم من خلال تقاريرهم الرائعه عن الدول التي
زاروها في اوروبا والاماكن التي تستحق الزياره هناك
التقرير راح يكون على شكل شجره وكل دوله زرتها راح تكون فرع بالطبع
واول فرع بنبدا فيه بيكون النمسا لانها بلد الوصول
الدول التي تمت زيارتها وعدد ايامها
النمسا>>>>6 أيام
ألمانيا>>>>5 أيام
فرنسا>>>>يوم واحد
سويسرا>>>>4 أيام
ليختنشتاين>>>> سويعات
إيطاليا>>>>3 أيام
اعضاء الرحله >>>>2 شباب
الحجز كان عن طريق الخطوط التركية
الذهاب >>الدمام--إسطنبول--فيينا(ترانزيت ساعتين تقريبا)
الاياب>>روما--إسطنبول--الدمام(ترانزيت ساعتين تقريبا)
السعر 3118 ريال للشخص
المواصلات
فيينا >>>على الاقدام والميترو
باقي الرحله سياره
السياره
سالفتها سالفه كنت حاجز عن طريق النت من موقع يورب كار سيارة اودي اي 4 او مايشابهها والاستلام من وسط مدينة فيينا والتسليم في مطار روما
طبعا اغلب الشركات اذا التسليم في ايطاليا يكون سعر السياره عالي
بسبب سرقة السيارات في ايطاليا حسب مافهمت منهم
لذلك كان انسب شي شركة يورب كار طلبت منهم
يحطون في العقد سائقين و3 تصاريح عبور دول لقيتها في موقعهم قلته اطلبها
عشان اكون جاهز وطلبت تامين شامل يعني ماعلي اي مسؤليه لو يصير للسياره
شي لاسمح الله وكان السعر بعد هذا كله تقريبا 7600 ريال
رحت ابستلم السياره وعطيته اسمي ورحب بي الموظف وقال نعم لديك حجز بس
عطاني فولكس واجن بوكس طبعا رفضت رفضا قاطعا وقلت له
شايف بزاريني وراي سريد ترى حنا 2 وشباب
يعني السيارة ذي ماتخارج قالي ماعندنا الا هالسياره
الزبده مع الكلام انا وياه رفضت اي سياره يقدمها لي اذا ماصارت
مرسيدس ولا بي ام ولا اودي غير كذا مااستلم
راح وسو اتصالاته ورجع لي وقالى فيه بي ام دبليو اكس1 في مطار فيينا
وبنجيبها لك الى فندقك بس مو من يورب كار كانت شركة ثرفتي دولار وقالي
السعر راح يزود لانها بي ام وفيها نفقيشن مثبت
وانا وياه مفاصل الين وصلتها ل10400 ريال
طبعا السعر شامل التامين وسائقين في العقد وتصاريح العبور وضريبة الطرق في النمسا
علينا وعليك يتبارك الله يتقبل صيامنا وقيامنا
والحمدالله على السلامة
وبداية موفقة
وسرد رائع
ونطمح إن شاءالله تتحفنا بالصور
وينقل الموضوع
للبوابة الرئيسية النمسا
متابعين