هلا اخوي في كثير سكنوا فيه وعجبهم واذا كانت السلبيات اعلاه هي اللي ازعجتك فلديك حلول
اولا لازم تعرف ان 90 بالميه من فنادق لنكاويمناطق اللوبي فيه مفتوحه يعني بدون تكيف وهذا شي تعودنا عليه من ايام موتيارا و غيره من الفنادق ذات التهويه البيئيه ما اشوفها سلبيه لاني ما راح انام في اللوبي
التعامل مع طاقم حسب تعاملك معاهم اعطيهم كلمتين حلوات انا كنت اقول لهم تيراما كاسيه على كل شي يسوه لي وكانوا يردوا سما سما مع ابتسامه وبعدين مش لازم انك تهتم بالطاقم كثير انت همك نوم وفطور و جولات هونها شوي اخوي
الحشرات هي بيئه لنكاوي حتى فندق بيلانجي بيتش او الويستن فيه حشرات ويختلف من فندق لفندق هو استخدام المبيدات بكثره او بقله انا كنت اجيب مبيداتي معاي
نظام الوبي البعيد زي فندق البرجايا وما اعتبرها سلبيه لان الفندق كبير لهذا هو مترامي الاطراف ولكن تقدر تحلها لو سكنت في فندق اللوبي فيه قريب يعني ما يحتاج سياره واعتقد في فندقين فيهم هذا النظام اللاجون و البرجايا
الوايرلس الصراحه انا ما اعتمد عليه اخذ بيانات في الشريحه مثل الهوت لينك واعيش حياتي ولا اسال عن النت في الفندق
انا ما راح اسكن في لاجون ابدا والسبب ما احب اكون بعيد من الاماكن الحيويه في لنكاوي مع اني اسوق سياره هناك ولكن شفت مكانه بعيد من سينانج و من كواه فقط للمحبين يجلسوا في البحر و المسبح و الغرفه
الصراحه انصح باحلى فندق عشت فيه وهو البيست ستار يا رباه ما تحتاج شي كل شي جمبك البحر من امامك و المطاعم والسوق خلفك ولو معاك سيارتك انت و الخير حبايب
تحياتي على تعليقك و النقاط اللي ذكرتها والناس اذواق اتفق معك
تمنياتي لك بالتوفيق و ان تضع لنا المزيد من خيارات الفنادق اللي كانت في رحلتك

أتفق تماما مع ماذكره الأخ العدنيخصوصا موضوع الحشرات والسحالي هذا غريب وقرأته في كثير من الردود في المنتدى
حراام أقحام الحشرات والسحالي من ضمن السلبيات في لنكاوي
(مثل أن تنام في الصحراء وتعيب وجود عقارب وثعابين فيها ؟؟)
كل السلبيات المذكورة لاتؤثر بشكل كبير في قيمة الفندق
شخصيا كانت تجربتي للفندق في 2012 في غرفة مطله على البحر والمسبح في المبنى الرئيسي
الخدمه جيده جدا والغرف نظيفة والأفطار ممتاز ومتنوع للعرب والمنظر من البلكونه خيال
الفندق 4* وبعتبر خيار جيد بمقارنة سعره مع ذا دانا والويستن لنكاوي وفنادق لنكاوي 5*
السلبية التي اتفق الكثيرين حاليا على أن الفندق اصبح مستهلك من ناحية الأثاث ويحتاج للتجديد
والدخول والخروج (تشك اون وأوت) ياخذ وقت يصل لأكثر من نصف ساعه
موفق ان شاء الله وشكرا لنقلك تجربتك

1. اول شي مشكورين ع الجهد الي تقدمونه بالمنتدى وعساكم ع القوه

اول شي مشكورين ع الجهد الي تقدمونه بالمنتدى وعساكم ع القوه

للاسف الفندق يفشل اكثر ايجابياته قريب من المطار الباقي للاسف ما ينفع حتى ثلاث نجوم المستوى الخدمه وغيرهم ,طبعا الي سكن قبل سنتين يختلف من الحين ..مثلا انا قبل سنتين سكنت الشيرتون بس وكان روعه بكل معنى الكلمه .حاليا الكلام يختلف بحيث صار مستواه سي لعدم اهتمام واهمال المدراء للفندق .لدرجة انه الكل سحب الدعم والشركات ماتنصح فية حتى الموظفين ما استلموا الرواتب من شهور ةالكل يشتكى ,الخلاصه في الفنداق الخدمات ماتكون نفس المستوى من سنه لاخرى والتقيم حاليا صحيح لاغلب رواد البوكينغ لانه الاغلب تعطي صوره حقيقة من غير مدح زاد او تطبيل لمجرد اني كنت فية .
من حيث الحشرات اكيد لانكاوي بيئه طبيعية بس تختلف الحشرات .في داتاي والاندمن ولاجون وبرجايا كلهم نفس الشي الاختلاف فقط في الخدمه والاسعار .من حيث اللوبي مفتوح او الحشرات او التنقلات داخل الفندق.
اما الدانا ويستن ,الظاهر ظلمتوا هل الفندقيتن وما اعتقد سكنتم فية .لانهم ببساطه اشوفهم الانسب للعرب من حيث المواقع وقلة الحشرات لانه نظام بناية مثل الدانه والخدمه وتعامل الموظفين.حتى عندهم موظفين عرب وطباخين .غير جي مثلا غريبين من مطاعم عربية بمعنى الكلمه.
الخلاصة الي كان قبل ولى الحين كل شي ميسر .اشوف حتى العرب قبل الكل يعتمد على الوكالات والعرب المسافرين من حيث الاراء .حاليا موقع بوكينغ العربي سحب البساط عن الكل لانهم يعطون دقه في والوصف والاراء من كل الطبقات .
عسب جي اتوقع دام الاغلب هنى ما يسافر كل ستة اشهر او ما عندنا هنى مسافرين دامين وبكميه راحت هل الفنادق وعطت تقيم يبقى الاراء شخصية بحتة واتمنى الانتباه اعطاء راى في لانكاوي الا من خلال زيارة قريبه او فترة ع الاقل سنه .تجنب عناء التغير .
من خلال الوكلات القريبة من الموقع الكل يتجنب الالجون وهوليدي وشيرتون عسب اتاكد ما صار الي هل انا فقط ام هناك فقاعة اعلامية وتطبيل معين يوم ما ناقشت مع بعض الوكالات في العاصمة الكل قالي حسب اراء المسافرين الكل اتفق حتى هذه اللحظه ممكن التقيم يتغير بعد سنه اما حاليا كتالي :
1.الدانا فئة خمس نجوم ( قليل الحشرات,قريب من التلفريك -ميزته فندق لعشاق الهدوء والاراحه -فندق يديد عندهم موظفين عرب سهل التعامل مع الموظفين-قريب ,قريب من مطعمين عربيين والخدمه ممتازه ,السلبية الوحيده سعره مرتفع شوي )
2.ويستن لانكاوي فئة خمس نجوم ( قليل الحشرات-الاغلب الغرف جددت .عندهم موظفين عرب تعاملهم مع العرب ممتاز-قريب من مراكز كوه -سلبيته سعره عالي )
3- برجايا فئة اربعه نجوم (قريب من التلفريك -نظام الشلايهات -مناسب لشخص دخله متوسط -سلبياته الحشرات الكثيره لانه نظام اكواخ و تنقلات بالباغي الي مرات بتاخر وجي.
4-بلاغي بيش فئة اربعة نجوم (لعشاق الحيويه فندق قريب من سينانغ بيج الحيوي ,موقعه مميز,تعامل الموظفين جيد ,الغرف مناسبه للسعر ,قليل الحشرات ..السلبيات ازعاج الطائرات لقربه من المطار ومرافق العامه مثل المسابح لكن يبقى خيار جيد لذوي الدخل الجيد
الباقي حسب السعر والمسافرين..بلافيستا وهوليدي ان والباي فيو (فئة ثلاث نجوم )
في الاخير هناك لجون وشيراتون واسينيا تصنيفهم سئ من حيث المسافرون كلا من بوكينغ و تريب ادفايز والوكالات مثل الطيار ودناتا والشركات العربيه السبب لانهم اهملوا الخدمات والغرف ولم يحسنوا من معاملتهم للغير وخاصة العرب موو فقط التقيم للحشرات .ياخوى حتى المطعم العربي الطاحين فيه ماشي طباخ عربي كله مالزين ..كل شي اختلف قبل الطباخين عرب مالكه عربي حاليا غير طردوا العرب لما استفادوا من الدعاية والخبره ..في الاسقبال قبل شي عربي على الاقل هذا يدل انه الفندق حريص على عرب موو كل المسافريبن شراتي وشراتك الاقل نمشي حالنا في عربي غيرنا للاسف يحتاج الي يدل لوو صارله شي على الاقل يفهم لوو يبى يشتكي ..شووف مثلا تانجروا فندق راقي وخمس نجوم وبعيد عن االخدمات حاليا مغلق للصيانه لكن على الاقل عندهم عربيين في الاستقبال هذا يدل على اهتماهم بالعرب مهما كان مع انه الفندق اغلب سوقه غربي ..خلاصة : انا من سكان ماليزيا بحكم عملي في سفارة بلادي وتهمنى خدمة الناس و من خلال اقامتى في لانكاوي 20 لتقيم الفنادق وطبيعة شغلي اشوف انه هناك نوع ضبابيه بانسبه للفنادق في لانكاويالسموحه ع الاطال
وسلامتكم

تصنيف الفندق حسب الموقع العالمي ترب ادفايزر !!
Langkawi Lagoon Resort
8%
Ranked #34 of 99hotels in lankawi
8Reviews

العدني مدح بيست ستار

والله بصراحه انا اكثر فندق عاجبني سكنت فيه مرتين وماحسيت بشي ضايقني صحيح الحشرات تقرف بس ماعليا اهم شي انبسط وافل والحشرات بس في الممرات اما الغرف جدا نظيفه بس من جد الناس اذواق ولو ربي اراد اروح مرة ثالثه لنكاوي راح اختار نفس الفندق

غريب سكنا فية صيف 2013 بصراحة فندق جيد
موضفين اللوبي متعاونين جدا , لازم اسلوبنا كسياح يكون جيد معهم
الانترنت لا اذكر اذا كانت مشاكل
الحر شئ طبيعي انت موجود في جزيرة بفصل الصيف
تقبل مروري

انا سكنت في الفندق في 2013 الصراحة ما كان عندي اي مشكلة غير انه شاطيء الفندق لا يصلح للسباحة اطلاقا البحر لزج و مويته مقرفة ، انا كنت اخدة الكوخ علي الماء كنت مفكرة حنزل علي البحر اسبح و اطلع لكن خاب ظني لكن الفطور كان روعة