سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
FuNnY GiRL
03-12-2022 - 04:11 pm
مرحبا
وحشتني سويسرا والبوابه السويسريه
ابي مساعده لوسمحتوا وانا ماستغنى عنكم لاني تعبت وانا افكر وين انروح
انا ابي سويسرا مع اني لفيتها الا اني ابيها احس السفره ماتكتمل بدونها
ابيها اتكون اخر محطه لنا
للعلم انا سبق وسكنت في جنيف ومره في مونترو ومره في لوزيرن ومره في زيورخ ومره في لوغانوا وبعد هالسفره ابي سويسرا ماشبعت منها وين تنصحوني اسكن للعلم معاي هالمره شخصين جداد ولدي وبنتي وهم صغار 5 سنين و 4 سنين واول سفره لهم لااوروبا وماتتخيلون حماسهم اشلون انهم بيسافرون علشان كذا قد مانقدر نبيها سفره حلوه لهم
انا خاطري في زيرمات وين تنصحوني اسكن لوابيها او تنصحوني بمنطقه جديده حلووه
للعلم سبق وزت جيكس-ايفواغ-ديفون-مجيف-غرير-فلام او فلوم-زوغ -انترلاكن-شامونيه -لوزان-منطقة هايدي-انسي-افيان-فيفي وام وماتحضرني المناطق الباقيه
وين تنصحوني بمكان غير ويكون حلو بليز هيلب مني وماعندي مشاكل يكون حول جنيف او حول زيورخ او في الوسط المهم يكون شي حلو
السفره بتكون بعد رمضان ان شاءالله وشكرا من القلب لكل شخص بيساعدني


التعليقات (6)
رائد بومريم
رائد بومريم
ما شاء الله عليك
زرتي كل ذا الاماكن ومش عارفه وين تسكنين
حنا المفروض نستشريك
ممكن الحيره لاعبه دورها
المهم
انا سكنت في انترلاكن
وعجبتني واجد وانصح فيها بقوه
لانه فيها اماكن سياحيه كثيره
وبالتوفيق ان شاء الله

Medo 77
Medo 77
اضحك الله سنك يا ابا مريم .
=====
هلا والله اختي
ما شاء الله تبارك الرحمن ..المفروض نشوفك هنا معانا في البوابة الحمراء
طيب ..ما دام الحلوين الصغار موجودين في الرحلة ..فممكن نعرف الهدف من الزيارة ..هل هي للاطفال ..والا استجمامية واستكشاف مناطق جديدة .
ممكن ارشح لكم السكن في شمال زيورخ ..لوجود تنوع من الانشطة المناسبة للاطفال .
وزيرمات تكون زيارتها عن طريق زيورخ بالقطار .
ماذا يوجد للأطفال في سويسرا ؟ .. تعال وتابع https://artravelers.com/p/re/571386
والسؤال المهم ..هل راح تكون تنقلاتك بالسيارة ولا بالقطار ؟
وكم يوم راح تجلسون في سويسرا .
https://artravelers.com/p/re/750029

FuNnY GiRL
FuNnY GiRL
  1. رائد ابو مريم

  2. شكرا لمرورك وتعليقك اللطيف

  3. ميدو

  4. وشكرا من القلب على الرابط المفيد


رائد ابو مريم

شسوي احترت لاني سكنت في كذا منطقه وانترلاكن مره كنا ناوين نسكنها في شهر 4 جيناها كان حر موت فطسه وشمس واكتشفت ان ولافندق مكيف قلت لا مستحيل انا ماستحمل الحر ولااستحمل انام في الحر طلعنا منها ورحنا لوزيرن المكيف مهم جدا جدا حتى في عز الشتا اذا سافرنا نفتح الدريشه تصير غرفتنا قالب ثلج

شكرا لمرورك وتعليقك اللطيف

ميدو

خ والله ودي اكون معاكم في البوابه الحمرا واحلى شي في هالحياه انك تساعد بس مشكلتي نسايه وغير كذا مب مثلكم مشاءالله عليكم انتو تعرفون تفاصيل كل مكان انا اتجول بعيوني واتامل واستمتع اكثر واطلع اماكن من المنتدى وين انروح مخليه التفاصيل الدقيقه وكل هالامور اللي تعور الراس على زوجي الله يحفظه لي يارب اتكاليه بس اكيد اذا شي اعرفه احب اني افيد غيري
والرحله لنا ولهم مره ملاهي والعاب لهم ومره طبيعه واستجمام لنا ماعرف اشلون بيكون الوضع لان اول مره بيسافرون معانا متعودين الجو لنا بروحنا ان شاءالله اتكون احلى سفره وياهم
سويسرا اتوقع بنقعد فيها 5 ايام وبتكون البدايه من برلين والرجعه ان شاءالله من زيورخ بنطير طيران داخلي من بريلن وعقب بتكون تنقلاتنا بالسياره والايام اللي في الوسط للحين ماخططنا وين مخلينها على الله

وشكرا من القلب على الرابط المفيد

وشمال زيورخ وين بالضبط وهل طبيعتها حلوه ؟ خاطري اشوف زيرمات وويجن ماقد شفتهم اتذكر من زيورخ رحنا جنوب كنه مش متذكره بالضبط اتلوع الكبد ماكنك بسويسرا قلت لزوجي لا مب شي عقب غيرنا الوجهه منطقه قريبه من زوغ اذا ماخاب ظني رحنا منطقه رهيبه نسيت اسمها مكان مرتفع قريه وحتى في مطعم لبناني في فندق استغربنا ان في هالمكان مطعم لبناني حتى هو يقولنا انتو اشلون دليتو هالمكان بس كانت تجربه حلوه
ابي شي جديد بليز جد محتاره

مقدام
مقدام
كل الاماكن زرتوها ما شاء الله
ممكن تسكنون مرة ثانية في انترلاكن
او تسكنون في كرانس مونتانا ولو اني اشك انكم زرتوها لانه فيها مطعم لبناني في فندق
اذا مازرتوها ممكن تسكنون فيه كم يوم ومنها تزورون زيرمات وحديقة العاب هابي لاند
وللعلم كرانس مونتانا مرتفعه وطريقها جبلي

Medo 77
Medo 77
المكان اللي رحتوه على مرتفع وفيه مطعم لبناني ..مطلوب حيا او ميتا .

طيب ...يعني انتم راح تجون سويسرا من جهة المانيا يعني من الشمال ..ومعاكم سيارة ..وبتقعدون فيها خمسة ايام ..والعودة من زيورخ ان شاء الله .
>> ان شاء الله اكون فهمت صح .
(مدري هل اليوروب بارك في مخططكم ولا لأ ؟)
على فكرة ..وينجن قريبة من انترلكن ..لكن لا توصلها السيارات ..وممكن زيارتها من انترلكن .
زيرمات جميلة ..وبالقرب منها ايضا ساس في .

وفي انتظاركم.

FuNnY GiRL
FuNnY GiRL
مقدام
الف شكر لك وعلى الاماكن اللي قلتها تم حفظها واللي فيها مطعم لبناني صج ناسينها مانتذكر اسمها بس نتذكر انها قريبه من زوغ
ميدو
خ والله ناسيه المكان مااتذكر الا انه قريب من زوغ حتى سالت زوجي قال ناسيه
وحفظت عندي كل الاسما اللي ذكرتها بس احنا يمكن المحطه الثانيه انخلينها غريبوبل الفرنسيه مادري اذا قد سمعتوا عنها او لا ان شاءالله تطلع حلوه والمخطط الثالث مكان قريب اليورب بارك اكيد نبي الملاهي علشان اليهال يستانسون
ويارب تطلع سفره حلوه
الف شكر لكم


خصم يصل إلى 25%