ميونيخ المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
bin.london
03-12-2022 - 12:57 am
السلام عليكم ورحمة الله وبركاته
حبيت استشيركم بتوزيع ايام رحلتي واللي بتبتدي بميونيخ بس مادري وين بتنتهي
السفر بتكون من تاريخ 14/8 لين 30/8
حاطين في بالنا نأجر سياره وندور (النمسا + سويسرا) ولا مانع من التغيير
اتمنى تقترحون علي جدول مناسب بعدد الايام
ملاحظة: احنا عايله من اب وام و6 اعيال (3 اكبار و3اطفال)
يفضل يكون الجدول مريح ويرضي الكل (طبيعه + سوق + ووناسة الاعيال)
وجزاكم الله ألف خير مقدما


التعليقات (9)
El chico-DxB
El chico-DxB
السلام عليكم
ليلة ميونخ
5 ليالي ليوجنج ( القريبة من زلامسي )
4 ليالي اوبرستيوفن
4 ليالي انترلاكن
ليلتين جنيف او زيورخ
و شكرا

قايد
قايد
ياغالين
هل تم استأجار السياره؟
هل تم حجز الفنادق؟
الوقت متأخر جدا جدا

bin.london
bin.london
لا والله للحين ولا شي .. ما قررنا الدول حتى بس ميونيخ وزلامسي اكيد
شور علي الله يرضى عليك

قايد
قايد
ياغالي تأخرتو مره فنادق كل شي انحجز والسيارات مافيه
كل مواقع السيارات مافيها سيارات عائليه
والله يضيق صدري اذا شفت احد منحّد على شي

bin.london
bin.london
شكرا يالشيخ لانك نبهتني بس للحين انا ما قررت وين بنروح عشان توزيع الايام وعشان اقدر اختار العوده تكون من وين .. ولو توزعت الايام بقدر احجز السكن ومب مهمه الاسعار .. والسياره توني شفت موقع سكست ومتوفره السيارات العائليه .. بس عطني اقتراحك لتوزيع الايام والكل يكون راضي في السفره من ناحية الترفيه للاطفال والتسوق وما تكون متعبه وتنقلات كثيره لانه احنا عايله

قايد
قايد
ولايهمك ,,,, لاجل عين تكرم مدينه
خلو وصولكم وعودتكم ميونخ
ميونخ وصول ثم التوجه لسالزبورغ ليلتين
زيلامسي 5 ليالي
ماينفيلد السويسريه ليله (بيت هايدي) كذالك استراحه لكم لطول المسافه من انترلاكن لزيلامسي
انترلاكن 5 ليالي
ميونخ3 ليالي
منها ليله لزيارة قارمش
وليله لملاهي الليقو لاند وليله تسوق وتجول في انحاء ميونخ
واي شي تبين آمري

bin.london
bin.london
جزاك الله خير اخوي وما قصرت
انزين لو خليناها
4 ميونيخ
2 سالزبورغ
5 زيلامسي
ماينفيلد ليله
5 انترلاكن
والعوده من زيورخ
مثل ما قلت لك احنا عايله ومعنا اطفال ف ما نفضل التنقلات الكثيره

قايد
قايد
اختي ترى العوده والذهاب من نفس المكان ارخص في التذاكر
عموما مخططك لا يعلى عليه
وانا في مخططي حطيت لكم ميونخ بالاخير علشان تكونوا مشبعين بالارياف والهدوء والطبيعه فترجعون للمدينه وصخبها (تشتاقون للازعاج والزحمه)
عموما وجهة نظر تمثلني فقط
ومخططك ممتاز

bin.london
bin.london
خلصنا من توزيع الايام
ميونيخ:
اليوم الاول راحه
اليوم الثاني شوبنق في المارين
اليوم ثالث قارمش بس ماعرف شفيها
اليوم الرابع ليقو لاند
اليوم الخامس سالزبورغ وبعد ماعرف اشفيها
اليوم السادس اوت لت سالزبورغ
وزلامسي وانترلاكن 5 ليالي لكل وحده
ممكن تقترح علي جدول لكل وحده منهم او تعطيني روابط تفيدني واكون لك من الشاكرين
والسموحه لعوزناك بالاسئله -،-"


خصم يصل إلى 25%