بروكسل سخيفه اذا نص يوم اوكي اما تنام فيها لا
بروج حلوه دوسلدورف الالمانيه حلوه للشوبنق اوتليت هولندا ريموند روعه اندهوفون وفينلو هولندا بعد حلوين امسترخت بعد حلوه اخن الالمانيه حبيت التمشي فيها هالقطاع لفيته اي سؤال انا حاضره واتمنى اني قدرت افيدك
لكسمبورغ رحت لها في الكريسمس سوقها حلو وسنترها والحلو ماعندهم ضرايب السعر مافيه اي زياده

FuNnY GiRL
شكرا الله يعطيك العافية
بس ايش المواصلات اللي كنتي تستخدمينها للتنقل بينهم

FuNnY GiRL
ليش ماحبيتي بروكسل ؟؟
اش اكتر شي عجبك في لكسمبورغ وهل تستاهل الروحة ولا ..
في هولندا اش اكتر مدن تنصحين فيها ..؟؟

بنت مكه
مرحبا فيج سوري توني انتبه
بروكسيل مالت نص يوم بروج احلى منها وميته من الفقر ومطاعمهم وسخه وفيهم بخل مش طبيعي وشوارعهم تعيسه بشكل مب طبيعي اول مره حبيتها لان يوم جيتها الثلج كان طول الوقت ينزل بس هالمره غيرت رايي فيها شوفيها بس اسم علشان تضيفينها لتاريخج بس مانصحج تنامين فيها
وهولندا رحت من دوسلدورف ومره من كولون رحنا فينلو واندهفون وامسترخت والاوتليت ريموند وحتى سنتر المدينه حلو بصراحه كلهم حلوين وحبيتهم بس مانمت فيهم كلهم بس رحلة نص يوم ورجعنا مجرد تمشي في السنتر مقدر افيدج اكثر من كذا سنترهم كلهم روعه وفي نسبة جاليات عربيه ومسلمه بنسبه كبيره هذا اللي لاحظته والمطاعم ماراح تعانين الاكل التركي متوفر في كل مكان وحتى مطاعمهم هم حلوه جربتها
ولكسمبورغ نفس الشي رحنا لها من بلجيكا وقت الكريسمس كانت حلوه حبيتها بس مقدر افيدج اذا تستاهل او لا لاني شكلها في الكريسمس حلو خيرج مع الليتات واجواء الكريسمس والبرد اكيد بتكون روعه والحلو ان سوقها مافيه ضرايب ماتحتاجين تاكس افري في المطار
المكان اللي نمنا فيه نانسي الفرنسيه حبيتها حلو سنترها سوي بحث عنها شوفيها سنترها غريب اغرب سنتر شفته في حياتي