جينيف المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
دائما متفائله
02-12-2022 - 06:09 am
الله يجزاكم خير ويوفقكم ساعدوني بتخطيط الرحله واختيار المدن
احنا عائله عددنا تسعة اشخاص ( ثمانيه كبار وطفل واحد عمره تسع سنوات )
عدد ايام الرحله 14 يوم كامله
الوصول بإذن الله الى جنيف الساعه 2 ظهرا والعوده من فيينا الساعه 9 صباحا
نبي نجلس بإذن الله يومين بجنيف واخر يوم فيينا
باقي 11 يوم ابي اقسمها على اهم المدن بسويسرا والمانيا والنمسا
ياليت اتساعدوني بالمخطط
وبما اننا كثيرين وراح يكون معنا سياره بإذن الله فيفضل السكن يكون بالمدن الاساسيه والتنقل للمدن الاخرى بالسياره والعوده لمدينة السكن مره اخرى


التعليقات (9)
# أبو نورة #
# أبو نورة #
من جد صعبه وعلينا اصعب لانه ما نعرف رغبتكم بنوع المناطق اللي ترغبون فيها وايضا العدد ما شاء الله متعب بالتنقل وخاصة بالمسافات الطويلة ولكن مبدأيا ادرسو خط السير هذا جنيف يومين انترلاكن 4 ايام روست او بادن بادن 3 ايام زيلامسي 4 ايام فيينا يوم المسافات الطويلة بتكون بين روست وزيلامسي 560 كيلو وبين زيلامسي فيينا 400 كيلو القرار لكم وبالامكان يكون هذا الخط ايضا جنيف انترلاكن ميونخ زيلامسي فيينا من انترلاكن الى ميونخ 430 كيلو ... وبالامكان يكون كذا جنيف انترلاكن روست قارمش زيلامسي فيينا ..... وبالامكان يكون جنيف انترلاكن قارمش زيلامسي فيينا من انترلاكن الى قارمش 385 كيلو .... وبالامكان يكون كذا والاستغناء عن المانيا جنيف انترلاكن زيلامسي فيينا والمسافة من انترلاكن لزيلامسي 520 كيلو والقرار لكم موفقين ورحلة سعيدة

دائما متفائله
دائما متفائله
الله يجزاك خير وماقصرت وتقسيمك جدا رائع
وانا ادري ان المده عندنا قصيره بس نتمنى نشوف اغلب واهم المدن السياحيه والحمدلله كلنا كبارين وان شاءالله نتحمل طول الطرق
والرحله استكشافيه + استجمام
مخططنا المبدئي
يومين جنيف ( يوم راح نزور انسي الفرنسيه )
4 ايام انترلاكن ( هل نقدر نزور لوزيرن و لوزان )
3 ايام ميونخ ( هل نقدر نزور قارمش وروست وكنستانس ) ونرجع بنفس اليوم - يعني بس يوم واحد لميونخ واليومين الباقيات نزور القرى - وبهالطريقه هل افضل السكن بميونخ او نسكن بمكان ثاني ومنها نزور ميونخ ( احنا عايله وافضل اننا مانكثر تغيير السكن نروح ونرجع بنفس اليوم افضل ونبي مكان نسكن فيه يوسع الصدر كوخ او شقه كبيره وفيها مطبخ واطلاله جميله
4 ايام زيلامسي ( هل نقدر منها نزور سالزبورغ و انسبورك )
يوم فيينا
اذا فيه مدن مالها داعي او لها مدن مشابهه افضل منها علموني اشيلها من القائمه عشان نستفيد من الوقت اكثر
ابي رايكم اذا النشاطات اللي بانترلاكن نفسها بزيلامسي فيفضل اننا نخليها بزيلامسي ارخص ههه لاننا كثيرين ماشاءالله ونقلل ايام انترلاكن ؟؟!!
ادري كثرت اسئله بس مضطره وانتم ماراح اتقصرون ان شاءالله

دائما متفائله
دائما متفائله
السلام عليكم
انا وأهلي قصينا تذاكر الطيران الى كم مدينه بأوروبا بأوقست ان شاءالله ... وقصينا التذاكر بدري قبل شهرين تقريبا ( بشهر ابريل )
يومين جنيف - 4 ايام انترلاكن - 3 ايام ميونخ - 4 ايام زيلامسي - يوم فيينا
بإذن الله الوصول الى جنيف بتاريخ 2 اوقست الساعه ثنتين الظهر والعوده من فيينا صباح 16 اوقست
المهم انا قلت لأهلي تونا بدري على حجز السكن خلوني انا اذا عطلت من الدوام اببحث عن سكن
الان لي اسبوعين وانا ابحث عن سكن ولا حصلت نهائي عددنا 8 اشخاص بالغين و 1 طفل عمره ثمان سنوات
طبعا نبي كوخ او شقه اهم شي مطبخ ( نبي نطبخ ) وثلاث غرف نوم للاسف مالقيت ابد ابد
وحتى مالقيت سياره بحثت ب سيكست و يوروب كار و هرتز وكلهم يقولون خلصت السيارات العائليه
وش الحل ؟؟؟ معقوله مافيه سكن نهائي ولا سياره !!
بحثت بمواقع عربيه واجنبيه ولا حصلت !!!
مابي نلغي السفره عشان مالقينا سكن
الفزعه الله يجزاكم خير

أماني الرياض
أماني الرياض
المفروض انكم حاجزين من بدري
بغض النظر عن السياره حطي التواريخ والمدن اللي تبين لها حجز ساكن عشان ادور لك

دائما متفائله
دائما متفائله
ياحبيلك تسلمين
البركه فيك ان شاءالله
كل الرحله بشهر اوقست
التواريخ
2 - 4 جنيف او ماحولها
4 - 8 انترلاكن او ماحولها
8 - 11 ميونخ او ماحولها
1- 15 زيلامسي او ماحولها
5- 16 فيينا ( اقرب مكان للمطار )
الله يطرح فيك البركه

ناصر عبدالله 99
ناصر عبدالله 99
الله يعينك يا اخوي انا صارت لي بس مع ربعي قبل سنتين لاسبانياواخذنا اول مانوصل سكن غالي وكل 2 بغرفه
وبعدها بحثنا وحصلنا شقق كثيره مهي معروضه ببوكينق وعائليه وبمطابخ
ربي ييسر امرك

abo_yussef
abo_yussef
أخي الكريم اجاد سيارة كبيرة مشكلة خصوصا بهذا العدد 8 اشخاص وطفل ما شاء الله
ممكن تستأجر سيارتين او باص

ثلج ومطر
ثلج ومطر
وعليكم السلام ورحمة الله وبركاته
ما قلتي كم ميزانيتكم؟؟؟
بالنسبة للسكن بتلقون كثير وفيه بعد خمس غرف نوم اذا تبين بس المشكلة المدة
اهل شقق ما يأجرون ثلاث او اربع ليالي يبون اسبوع بس انتي راسليهم يمكن يغيرون رأيهم
ابحثي في هالموقع مجرب مني اكثر من اربع مرات استأجر منه
www.homeaway.co
واذا جيتي تبحثين حطي عددكم 9 لان الولد كبير له سرير
وحطي منطقة
Eiger, Mönch & Jungfrau, Switzerland
بدل انترلاكن بتطلعك خيارات اكثر اهم شي لا تحجزون في قرية WENGEN و قرية MÜRREN
لانهم مايدخلونهم السيارات

أماني الرياض
أماني الرياض
شوفي هذا بزيلامسي
http://www.homeaway.com/vacation-rental/p2199908
لكن المشكله لازم ترسلين رساله لصاحبها عن طريق الموقع مافيها حجز ع طول
وهذا من بوكينق ويبعد 31 كيلو عن زيلامسي واخر شقه https://www.booking.com/hotel/ch/ferienhaus-wasserwendi.ar.html?aid=1300939
وهذا في انترلاكن ونفس الشيء اخر شقه تبعد عن انترلاكن نص ساعه
ميونخ حطيها بالبحث بتحصلين فنادق كثير
جنيف ماحصلت لكن كان فيه شقه بحجزها من موقع وهونت بدور ردهم لي بالرسايل اذا لقيته وارسل لك ايميلهم
الله ييسرها لكم ان شاء الله


خصم يصل إلى 25%