الحمدلله قبل كل شيء ..استلمت الجوزات من مركز الاعتماد اليوم
بفيزا شنغن سويسرية لمدة سنة واحدة لي وللزوجة ..مدة الانتظار اسبوع
- لم تصلني اي رساله على الجوال أوالبريد
- بامكانك اخذ جوزات اصحابك بالايصال اللي تأخذه عند الانتهاء من التبصيم
وتترك نسخه من الهوية الوطنية متضمنه التوقيع ورقم الجوال
- بالنسبة لي الايصال كان مع الزوجة بالرياض والحمدلله العاملين سهالات بالهوية وكرت العائلة استخرجتها
- ملاحضه مهمة الموظفين عند استقبال الطلبات للفيزا يعاملك بمزاجيته فقط
نفس الموظف اللي اخذ الطلبات من مشرفنا عاشق الخالد اخذها مني لاطلب مني لاكشف حساب
ولاتعريف راتب من العمل.. وكان مشدد على مشرفنا الا يأخذ تعريف بالراتب
وقدامي هالموظف راد واحد لان تعريف الراتب شهر مو اربع اشهر وماطلبه مني
- الفيزا البنكية أخذ صورة منها وماكان فيها الا مبلغ بسيط لايتجاوز ال 3000 ريال
فكنت متخوف من هالنقطه بحكم انهم لم يأخذوا تعريف بالراتب وكشف حساب..
يعني مو لازم فالفيزا مصاريف تغطي الرحلة
- عند دفع مبلغ الفيزا كنت احسب باقي لي 15 ريال وماكان معاي صرف قالي رح اصرف وتعال
المشكله انه ماكان فيه محل صرف قريب ومعاي الاهل والمواقف زحمة
قلت مش بينا يامعلم حلالك
الرجال فرح وكتب لي ورقة فيه البريد تبعه اي خدمات يمعلم احنا خدامينك
ولمن رجعت البيت حسبت انه ماخذ قريب 95 ريال
واعتقد هذا السبب اللي ماخلاه يطلب مني التعريف بالعمل وكشف حساب ..ويشهد الله اني جايب معي كل شيء
لكن 15 ريال ماتحوج الحوسه والتعب فالاخير 95 والله ماأسيبه ههه
خلاصة هالكلام السير يدهن ههه
هذا اللي عندي وبالتوفيق لجميع المنتظرين والمقدمين
هولمز
و رحلة سعيدة
نقاط جميلة
بس 95 ريال كثيرة ههه
الله يعوضك