وعليكم السلام ورحمة الله وبركاته
بالنسبة للسكن راح يكون في منطقة راقيه اسمها مكاتي وان شاءالله راح تنبسطوا كثير فيها
والسكن خياراته كثيرة وانا راح اعطيك الخيارات وانته تقدر تختار بينهم وتقدر بعدها تسأل اي سؤال عن السكن وماراح نقصر معاك ان شاءالله :
فندق هوليدي ان الفندق موقعه جدا مميز ملاصق لمول Glorrita 2https://www.booking.com/hotel/ph/holiday-inn-amp-suites-makati.ar.html?aid=1300939

شكرا أخي
jakall
الله يحفظك ويوفقك على سرعة التجاوب
الفنادق اللي ذكرت إما مليانه أو أسعارها عليه بالمرة
إذا ممكن فنادق 4 أو 3 نجوم وتكون خدمتها حلوه
نبي نريح أول ثلاث أيام ونتمشى في مانيلا ونتعرف عليها
وبعدين نبي نطلع للأماكن والجزر اللي تنصحوننا فيها
إذا كان فيه مكاتب أو أحد يكون دليل لنا بالرحلة ويكون موثوق فياليت تفيدوننا بهالشي
وفيه شي ثاني ياغالي ( ولا يهونون حبايبنا )
سألت عن استخراج التأشيرة وقالو لي إني أقدر أحصل عليها من المطار في مانيلا لمدة 21 يوم
المشكلة إننا بنجلس 25 يوم
وش الحل يالحبايب ؟؟
أنتظر رد من عنده نظر
وله مني الدعاء

تفضل الفندق هذا ان شاءالله يكون مناسب وقريب جدا من المولاتhttps://www.booking.com/hotel/ph/aim-conference-center-manila.ar.html?aid=1300939

ياربي يعطيك العافية
أبشيك عليهم وأشوف المناسب لنا
ولو فيه فنادق أو شقق عائلية زيادة فأكون ممنون
شاكر يا غالي
ولا نستغني عنك وعن اللي عندهم خبرة

الله يعافيك ان شاءالله
شيك عليهم خذ راحتك واذا عندك استفسارات اخرى حاضرين ان شاءالله
تحياتي

حجزت في مانيلا 4 أيام عن طريق بوكنج
ماقصر أخونا jakall بالفزعة
وإستفساري :
هل تكفي لزيارة أماكن مميزة ؟
وماهي الأماكن التي تستحق الزيارة ؟
وإذا فيه أماكن تستلزم الحجز ياليت تعطوننا خبر
انا مثل ما خبرتكم أبقضي أنا والأسرة 25 يوم
وأبي أقسم الرحلة في الفلبين بطريقة حلوة ومرتبة
وهل يتم التنسيق للتجول والترحال قبل ما اسافر للفلبين ؟
أو إذا وصلت للفندق بالفلبين ؟
أدري إني أشغلتكم معي خصوصا أخونا الرائع jakall

حاضرين في الخدمه ماتشيل هم ان شاءالله
بخصوص 4 ايام في مانيلا تقدورن تزورون العاب مائية اسمها Splash water وموقعها في منطقة لاقونا المكان حلو للاطفال والكبار والتمشيه فيه حلووة
وفي ملاهي Star city اسم المنطقة pasay
وفي رحلة على النهر بالقوارب الخشبيه ممتعه جدا كل اثنين في قارب الين توصلون الى الشلال وتقدرون تشربون عصيرات هناك وترتاحون (تستاهل التجربه لو تحبون المغامرات)
اسم المكان لاقونا باقسنقهان وبالانجليزي Laguna Pagsanjan Falls
وفي الاكوريوم عالم الماء او حوض الماء برضو حلوو كله اسماك موقعه في وسط مانيلا
وتقدروا تروحون اكبر مول في اسيا اسمه Mall of Asia توجد داخل المول افضل سينما IMAX
لو حبيت تسافر مناطق اخرى ماراح نقصر في الاجابات على كل استفساراتك
تحياتي

السلام عليكم
انا في الفلبين الان ومريت على السفاره وسجلت الجوازات واعطوني ورقه مكتوب فيها مدت الاقامه 30 يوم مكتوبه بخط اليد باين انها معدله واكثر من ذالك يحتاج للمراجعة السفاره لم اسال بس حبيت اخبرك بالموضوع
وانت حتي تتاكد كلم السفاره وشف ردهم عليك
مانيلا مشكلتها بالزحمه والتكاسي يهبلون فيك بالاسعار
بوراكاي جميله جدا والجو رايق اخذت فيها خمس ايام مع العيال وكان ودنا نجلس اكثر
الجزيره مليانه كوريين شعب قمة الفله

مشكورين جميعا
ما قصرتو
الأماكن اللي ذكرتها يا أخ jakall حلوه وبالفعل تستحق الزيارة
وإن شاء الله أسير عليهم
بالنسبة لمانيلا ابجلس فيها 4 او 5 ايام بالكثير
وبعدها حسب ما اطلعت عليه بالنت أبروح سيبو وبوراكاي
الباقي من الرحلة 20 يوم
لو فيه اماكن غيرها وعلى الدرب ياليت تقولونها لي
عشان ارتب الحجوزات معهم
أما بالنسبة للفيزا فأعتقد إن ما قامت به السفارة معك بشأن التعديل فأعتقد إن مافيه شي يقلق . وبالتأكيد فيه تفاهم بين الطرفين
السعودية والفلبين
وإن شاء الله أسألهم عن الموضوع
شكرا للجميع وطابت أوقاتكم