لندن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
منطقي حالم
15-12-2022 - 04:03 am
اولا
السلام عليكم
وصباح الورد
وياليت عربيه تقربونها مني بعد زلقتي من حصاني قرقعه
اللي وانا ممتطيه وهو مغير تقرقع الاسئله قرعه في راسي ولا لقيت لها جاوب وفي الاخير قرقعبي ذيك القرعره وخلاني اتكرفس واطيح في بواباتكم
ياشباب ويا بنيات
وياشياب وياعجز
المنتدى الموقر
انا صارلي فتره وانا اتابع المنتدى
وبالطات الاسماؤ اللامعه
وعلى سبيل التمثيل لا الحصر
موادع
هداوه
القطري
ابو عبدالله
فارس الجبيل
والحقيقه
اخوكم
اول مره يسافر لندن
وباذن الله
بعد اسبوعين
وعندي كم استفسار
وكثير من التقارير للاخوخ الاوحاوت الكرام استفدت منها وكاني جيت لندن وشفتها
صراحه شعور غريب
اول مدينه اتابع تقاريرها واحسن بتخمه وتشبع وكاني جايها
ماعلينا
الاسئله على النحو التالي
وهي اجباريه
1
انا فيزت من يومين من الرياض
وقالو لي ممكن فوق او تحت ال 15 يوم تطلع
وانا حجز 21 او 22 جون 6
طيب تتوقعون تطلع قبل موعد السفر
2
انا
ياشباب
نخلت البوكنج نخل الين خليته زبادي
وتركيز كله على المنطقه المحصوره بين
الهايد بارك
واجور رود
واكسفورد
وصراحه خريطة البوكنج ماهي واضحه كثير بالمسافه يعني تشوف الفندق قريب من اجوررود بس على الواقع تهقون يكون بنفس القرب
3
قريت تقارير كثيره عن الاندر قراوند والباص
ولا فيه واحد سال هالسؤال
انا جيت ووقفت عند محطة الباص وابي اطلع من الاكسفورد الى الاجوررود
طيل مافيه ولا واحد ذكي
وسال هالسؤال
اللي فريت بوابة استفسارات لندن ابي القى لها جواب واحوليت من كثر ماقلب
كيف اعرف متى بيمر الباص اي وقت بالزبط
يعني مو معقوله
اني ارتز واقف ساعه عشان يمر الباص
اعتقد سؤال واضح
يتبع


التعليقات (8)
منطقي حالم
منطقي حالم
لاحول ولا قوة الابالله
وش هالحظ
وانا قاعد اكتب
قاعد فوق السرير
طفاية الدخان جنب اللاب والنور طافي
وجاب بكمل
وماسك الزقاه وبدال ماطفيها في الطفايه
طفيتها في المفرش وعينك ماتشوف الاالنور
اخذ الشرر يتطاير يمنه ويسره
ههه
انا القاها من حصاني الا من كثر قرقعة اسئلتي محطني وكرفسنى
ولا
من زقارتي اللي احرقت
المفرش
ههه

منطقي حالم
منطقي حالم
4
اكمل
انا صراحه لقيت انا انسب منطقه هي المثلث المحصور
بين
الاجوررود وبين الهايد بارك وبين الاكسفورد
وتكفون يااخوان ويا خوات
ابيكم ترشحون لي فندق 4 نجوم نظيف وانيق
واهم شي واهم شي
يكون قدامه اوقريب منه مطاعم ومقاهي
انا كسول جدا ولا احب اكل في المطاعم
مودي اتقهوى بس واتفرج على الخار والمار الرايح والجاي
يعني انزل من الفندق اروح اخذلي اكل واشخط للفندقو اجلس على الارض متربع واكل وبعدين اتحمم واصلي واتزكرت واطلع
مادري ليه ماحب اكل قدام الناس احس لازم اكون برستيج مره
وانا ماحب التكلف
رغم اني اميل للبرستيج
تكفون
دلوني على على فندق مناسب
يكون قريب من الاجورود او الاكسفورد او الهايد بارك من فوق مو من تحت
يعني المنطقه اللي تكون قريبه من الاجور رود او الاكسفورد
مو
زالقه تحت للهايد بارك
ومايتعدى الفندق
الف ريال في اليوم
يعني مايعادل
6دولار ويفضل اقل
يتبع
ماراح افككم ولا اهدكم
نشبه نشبه
انا منطقي حالم
افهموني
يتبع

منطقي حالم
منطقي حالم
5
انا لغتي طقطقه
يعني زي الهنود والبنقاليه اذا قعدوا يتكلمون عربي
اطقق طقطقه بالانجليزي
اذا جيت المطار فيه مترجم
اذا جون ولا تشالز ولا ماك موظف الجوازات
قاعد يرطن وسالني وش جايبك عندنا وين انت ساكن وكم بتقعد
وانلخمت
وبغيت استعين بصديق بيقولي تحت امرك يافندم
ولا بيقول ركبوه اقرب طياره ورجعوه لديرته ماهو كفوء يجي ديرت ابناء الدم الازرق وهو مايدري وش نقول

منطقي حالم
منطقي حالم
6
انا ناووي طبعا اطلع رقم انجليزي
وجهاز موبايلي
جالكسي 2
يشتغل هناك ولا ولا
وبكم سعر الدقيقه للسعوديه او الخليج
واي شركه تنصحون فيها ويكون فيها مكالمات مجانيه ونت
يتبع
قايلكم
نشبه ماك ماكو ماكو فكه
مني
آنا
ماكو
فكه

منطقي حالم
منطقي حالم
6
حبيبنا والنجم اللامع
موادع جعله مايودع لا حبيب ولا غالي
ماقصر
حط خريطة الاندر قرواند وحط صور
لكن للاسف الصور ماتطلع
مو مشكله
المشكله
عجزت بنشرت كفرات استيعابي تنبلت
ابي افهم عجز افهم الخريطه
ومثل مانتم عارفين
لندن ماينفع لها شغل تكاسي وما تكاسي لانها بتنفض جيوبك تنفيض وتخلي الواحد يغني وينتف شعره
المشكله والله يا اخوان وياخوات
لا
يا خوات وبا اخوان
نحن نقدر المرأه
ههه
فريت العم جوجل وقريت كم تقرير وانا رايح افيز في مركز التاشيرات الموحد بالرياض
لقيت واحد شباب سعودي وقعدت اساله
وقعد يقولي سهله
قلت يرحم امك وابوك
ليش اجل ماصارت سهله عندي
ياناس ياعالم
يابشر
ابي افهم
للخريطه
الشاب قعد يقولي
اذا بغيت تطلع من اكسفورد وتروح للاجوررود
تنزل عند المحطه اللي تتقاطع مع الاجور رود بالالوان
يعني مثلا
خط الاكسفورد ازرق
والاجوررود اصفر
وانت طالع من الاكسفورد وراكب في المترو
تبقق عويناتك في الشاشه اللي في المترو ولما تشوف المحطه اللي عندها الخط الاصفر يتقاطع مع الخط الازرق
ادربي راسك وتقول وين باب المترو وتطلع
صح كذا ولا

منطقي حالم
منطقي حالم
7
انا شخص مافي راسي لا شوبنج ولا بوينج ولا ايرباص
انا رايح اتمشى ووحداني اه وحداني
واحب الاماكن المفتوحه والمقاهي والمطاعم الراقيه ولوبيات الفنادق
هذا جوي في كل سفراتي
ملاهي وخرابيط ومستر فيلج ومادري وشو ماحب
عشان كذا
وش الاماكن اللي تحقق شروط كراسة مناقصتي
ههه
ساحة البيكادلي مثلا
ولا
الاكسفورد
ولا
رجنت ستريد
ولا
وشو
قولو لي
علموني

منطقي حالم
منطقي حالم
8
الليل ابو الاسرار
انا صراحه من النوع اللي احب اتمشى وامشي من خلال
استراتيجة سميتها
فواصل سياحيه
يعني اروح لمكان واقعد فيه ساع ساعتين بعدين ادوس بنزين واطير لمكان ثاني
ماني من النوع اللي يربض نص يوم في مكان
طيب الى هنا حلو
بس اللي مو حلو مثل ماقلت لكم
اني اعشق الليل وهدوءه واسترخاء النفس فيه
ولندن طبعا شغلها كل نهاري
واخوكم منطقي حالم اللي حصانه من كثر حنة اسئلته ودوشته استفساراته قعد حصانه يهززه يهزه لين محط فيه
والقاه ارضا يتأوه ويصرخ من الم السؤال وفآقة الحاجه الى ضياء العلم وبصيرة الطريق
كسول وراعي نوم
اذا مثلا
دبيتها نومه ولا قمت الا حول المغرب
وحل المساء واسدل الليل استاره
وين اروح
فيه اماكن سهر بليل آمنه تنفع ان الواحد يتمشى فيها وفيها ناس وحركه

فيصل
فيصل
وعليكم السلام
يغلق
وضع الاستفسار في قسم الاستفسارات بما أنك قريت الكثير لا بد تعرف قوانين المنتدي
اختصر استفساراتك وخلك بالمفيد وبلاش عدة ردود لو سمحت
أتمني لا أقرا بعض المصطلحات
اذا لديك أي اعتراض علي الأغلاق يوجد قسم الشكاوي
وشكرا


خصم يصل إلى 25%