الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الذهبـي
06-12-2022 - 06:06 am
أنقل لكم أول تجربة لي في المكتب الموحد لأصدار الفيز الأوربية بالرياض!انتظرت شهر ونص تشييك على موقع السفارة الأسبانية لفتح موعد حجز، وبعد ماحجزت انتظرت شهر زيادة على موعدي..كنت المرة الأولى لي أن أكون هناك! عندما ذهبت الى الموعد انتظرت ساعة كاملة ولم ياتي دوري، المشكلة ليس هنا، المشكلة كانت عند الموظفيين ذووي الجنسية(الهندية، الباكستانية) اللي يجلسون معقبين وناس اخرين بدوون ارقام شوف عيني!!! ذهبت الى الموظف المعني وتكلمت معه ليش ماتمشي الارقام، الرد كان بنفس خايسة وكانه سوف يدفع رسومي بنفسه!! اتى شخص اخر من نفس الجنسية طلب مني الجلوس والانتظار، فرفضت وقلت الارقام ماتمشي الى متى؟!! اصار علي على الجلوس، وعندما جلست، دقائق وطلب مني اوراقي الخاصة، ونادني وقال خطاب تعريف العمل مايمشي ويجب تغيره!! أخبرته بأن الخطاب هو الرسمي والمتدوال لدى جهة العمل وأيضا مقبول لدى جميع السفارات..من الأخير قال لا مايمشي, وقلت والموعد والانتظار كذا يروح، قال لا عادي جب ورقة جديدة وانا موجود في الاستقبال ولا راح انساك راح ادخلك الصالة ثانية!! رجعت العمل عشان اغير الصيغة والجميع استغرب وقالو لي بالحرف الواحد أن أكثر السفارات تعقيدا وتشديدا هي السفارة الأمريكية ولا قد ردو احد قط!!
المهم رجعت يوم الخميس الماضي والموظف كان موجود في الاستقبال حق الارقام وزحمة وفوضة ومعقبين كل شخص يعرض عليك خدماته، يوم رحت لنفس الموظف واقوله انا اللي رجعتني، يقول ورني اورقك، يوم شافها يعطيني موعد vip بزيادة رسوم 150 ريال!! أقوله ليش ادفع زيادة وانا في الاساس كان عندي موعد يقول بكل وقاحة انا اقدم لك خدمة ( يمن ) وبكل بجاحة يقول تبيها ولا راح دور لك موعد جديد!! المضحك خدمة vip ماتحتاج خدمة من احد ولا شي ، بفلوسك تقدر تدخل تقدم اوراقك بدون موعد..المهم اني رضيت لاني كنت مجبر، وادخل الصالة صالة vip بس الوضع يختلف، موظفين كانو من الأخوات السعوديات اللي والله كانو قمة الرقي في التعامل والأخلاق والشفافية.. اخر مرحلة كانت التبصيم وكنت موظفة تأخذ البصمات ودخل اثنان من الجنسية الاسيوية طالبين من ترتفع اوراق اناس توهم داخلين عشان يأخذون البصمة بسرعة!! طيب واللي ينتظرون قبل؟!!
هل الدعوة هناك من يدفع اكثر يخلاص على طول أما ماذا؟؟!


تأشيرة
التعليقات (9)
شارلوك هولمز
شارلوك هولمز
الدنيا ماشية بالبركة لاتدقق مادام امورك مشيت ..
شيء يجيب لك المرض ..خويي طلب منه تعريف العمل وانا بعده بخمس دقايق ماطلبني والموظف هو نفسه ..
الله ييسرها وبس
هولمز

Animechino
Animechino
شي يقهر !
المشكلة الواحد يسكت مضطرا

آخـــرفـــرصــة
آخـــرفـــرصــة
هلا عزيزي
التصرف الصحيح أنك تأخذ اسم الموظف بالسؤال عنه
و اذا ما كان مكتوب على بطاقة واضحة ممكن تذكر هذا بالشكوى
ثم ترسل شكوى للسفارة اللي أنت مقدم عليها تشرح اللي صار
و تذكر الاسم / رقم الجواز / تاريخ الموعد / الساعة
أعدك بأن السفارة ستتخذ الاجراء المناسب بحق الموظف عن طريق ادارته
و ان تكررت الشكاوى للسفارة سيتخذون اجراء ضد المكتب بكامله
لكننا نشتكي لبعضنا و نسكت على الموضوع
اللي ما يعرف يصيغ الشكوى بشكل مناسب
ممكن يكتب شكواه هنا و الشباب ما يقصرون

فيصل
فيصل
نفس ما قال ابوغسان
حنا نسكت وهم يتمادون
فيه قنوات الكترونيه وتواصل نقدر نطالب فيها بشرط تحدد الوقت واسم الموظف

الذهبـي
الذهبـي
الله يعطيكم ألف عافية على المشاركات والاقتراحات..أنا أن شاء الله في صدد تقديم شكوى في حالة حصولي على التاشيرة ان شاء الله الأسبوع هذا ممكن! ولأ أخفيكم بأن خوفي بأن يستقعد الموظف لأوراقي قبل تسليمها للسفارة سبب المنع في تقديم الشكوى ولكن أن شاء الله في صدد تقديمها!

الغردقاوي
الغردقاوي
عندما تقدم شكوى للسفاره المعنيه في مثل تلك التصرفات
فانت تحمي حقوقك وتحمي حقوق من يراجعون المكتب من بعدك
لكن السكوت عنهم هو ما يدفهم للتمادي في ذلك ،
ولو أنا مكانك كنت قلتهاله في وجهه أني سأقدم شكوى فيكم للسفاره
وطالبت مقابلة المدير المسئول عنهم ليضع حد لهم ولتصرفاتهم

لوفتهانزااا
لوفتهانزااا
حبيبي هم عارفين نظامنا زين
حنا ماعندنا الا بس خل الامور تمشي وسهالات كل شي
علساس كذا تمادو وقامو يسوون هالمسخره اللي حاصله
يفترض يكون تعاملهم راقي مع اي شخص لأنهم هم المستفيدين بالأول والأخير
لكن لاأحد يشتكي بشكل رسمي ولاحياة لمن تنادي
الله يكون بعونك اخوي وتأكد كثير جداً نفس حالتك
والوضع هو هو ماراح يتغير دام هذي طريقتنا
وجهة نظر

نسيت اسمي
نسيت اسمي
المكتب هذا وكيله هنا بالسعودية عباره عن امير ومكوش على فيز الناس
المكتب لايقدم اي خدمه لي ياخذون 90 ريال بدون اي خدمات
انا في 2012 اخذت فيزه ايطاليه من السفاره بالرياض مباشره وكانت اجراءاتها اسهل بكثير وايسر واقل زحمه
والان بعد ماصارت الفيزه الايطالية عن طريق المكتب هذا زادوا 85 ريال غير قيمة الفيزه نفسها
علشان طويل العمر يكسب بدون خدمه فقط صارت زحمه وجوازات تتراكم
لان المكتب يتعامل مع 10 سفارات ويجمعون الجوازات بمكان واحد والفرز بطيئ.
لذلك انا مقاطعهم اخذ فيزتي من السفاره الهولنديه مباشره وعدد المراجعين قليل جدا.
وفي النهايه مده الفيزه 4 سنوات ونصف.

عاشق الرياض11
عاشق الرياض11
والله انا ملاحظ هالنقطه العماله الهنديه مكوشه على المكاتب
استغرب عدم الزامهم على توضيف السعوديين ومن يملك لغة انجليزية
والله الهندي جالس يتكلم معي ما افهم عليه شي لغتهم ماتفهمها بديت اشكك اني ماعرف انجلش ههه


خصم يصل إلى 25%