السلام عليكم
الامور بشكل عام سلسة وغير توقعي تماماً
الصدمة كان المكان جداً بسيط
اللي صار اني كنت ماخذ موعد لشخص واحد فقط لاني مالقيت موعد للبقيه وهم 4
ومع ذلك تجاوزوا واخذو اوراقنا كاملة
كنت مجهز كشف حساب ل6 شهور واخذ منه الموظف التونسي الصفحتين الاولى بس ورجع الباقي
اقرار تعهد طبي اخذ اللي تبع الكبار
اما الصغار رجعه
رجعو حجوزات الفنادق بالنسبة للصغار
اكتفى بصور من التأمين العائلي وما اخذ الاصل
نصيحتي للجميع يجهز اوراقه ويرتبها ويكملها
لأنهم يتنرفزون على اللي يجون مو مكملين اوراقهم ويحق لهم صراحه
وزيادة على كذا حتى المراجعين اللي بعدك يتضايقون لانك تأخرهم
الطلبات رتبها كالتالي
صور شخصية ثنتين بدون غطاء رأس للرجال
الابليكيشن معبأ وموقع واطبعوه من موقع السفارة
صور الجواز (البيانات + التوقيع)
التأمين
اقرار التأمين
التذاكر
صورة الفيزا
حجوزات الفنادق مرتبه حسب الايام
وحطوها في وسط الجواز
مع مبلغ 306 ريال رسوم على كل جواز بالنسبة للكبار
وبالنسبة للموعد احرصو انكم تشيكون كل شوي وبتحصلون مواعيد قريبة بأذن الله
كان موعدي في 10 -7
قبل سفري ب20 يوم
وما يئست كل شوي كنت احدث لحد مالقيت موعد الاحد الماضي اي قبل موعدي بيومين فقط
وحجزته علطول وراسلتهم اذا بيدخلونا بموعد واحد وقالو اوكي
هم ما يناظرون بموعدك كم الساعه اهم شي التاريخ
ولذلك احرص تجي بدري وتخلص امورك بسرعه
يبدا دوامهم من 8 اعتقد
دخلنا عليهم 8 ونص ماكان عندهم احد وخلصونا بسرعه خصوصاً ان اوراقنا كانت مرتبة وكاملة
ووزعو ارقام على ناس جو بعدنا بس ما اشوفهم ملتزمين فيها
طبعاً الجوالات ممنوعه في السفاره خلوها بالسيارة او في مكتب الامن
والله يطلع الجوازات بالسلامه